فرفوشة.. ربنا يكرمك يا رب، مبسوط إن البلوج عاجبك ومتابعاه، وضحكت قوي على جملة إن الاكتئاب إحساس مشروع، للأسف الاكتئاب شعور مفروض!، ومن كتر ما بقى "مرطرط" فكل حتة ما بقاش له قدسية أو زي ما جاهين بيقول.. "الحزن ما بقالهوش جلال يا جدع..الحزن زي البرد زي الصداع"
سيد حجاب من أهم شعراء العامية، للأسف ما لقيتلوش غير كتيّب صغيّر المفروض إنه جزء من الأعمال الكاملة بتاعته، عموماّ سيد حجاب كتب معظم التترات الكويّسة بتاعة المسلسلات، زي تترات أرابيسك وكناريا وشركاه والأصدقاء والمرسى والبحار والشهد والدموع وليالي الحلمية والمرسى والبحار وللثروة حسابات أخرى، التترات أكثر من إنها تذكر. وكتب كتير من أغاني الأفلام، زي أغنية أراجوز اللّي غناها عمر الشريف وأغاني فيلم كتيبة الإعدام (إخراج عاطف الطيب) وأغنية يلّا بينا تعالوا بتاعة فيلم الكيت كات . وكتب أغاني لمطربين كتير زي أغنية في سكون الليل لكاميليا جبران، وهنا القاهرة و يا مصري لعلي الحجار، وايه يا بلاد يا غريبة لمنير، وسرسب لحنان ماضي، فيه أغاني كتير لمنير وعلي كلماته برضو لكن للأسف مش قادر أفتكر دلوقتي. لو حبيتي ممكن أنقل لك كذا حاجة من الكتيّب اللّي عندي، النت يتصلّح بس عشان داخل من سيبر.
4 comments:
مبدئياً انا بقرالك على طول
ومن زمان
بس للاسف كل ما كنت اجي اعلقلك تحصل مشكلة تقنية
الكمبيوتر يهنج
النت يقطع
وكنت بعدها بنسي الصراحة هههههههه
مش حقولك غير حاجة واحدة .....انت اسلوبك جميل اوي ؛ حقيقي
وحتي المقتطفات اللي بتبقي انت اللي مش كاتبها
يكفيك انك منقيها ؛ ذوقك راقي جدا
عن الاكتئاب وبجدارة اديك مركز واحد في كده ؛ انا لماابقي عاوزة اكتئب بعمل حاجة من تلاتة
بشرب قهوة لأني في العادة مابشربهاش
بشغل الأغاني
واقرا مدونتك
ده مش ذم على فكرة انا بعتبر ان الاكتئاب احساس مشروع زيه زي السعادة بالظبط
فرفوشة..
ربنا يكرمك يا رب، مبسوط إن البلوج عاجبك ومتابعاه، وضحكت قوي على جملة إن الاكتئاب إحساس مشروع، للأسف الاكتئاب شعور مفروض!، ومن كتر ما بقى "مرطرط" فكل حتة ما بقاش له قدسية أو زي ما جاهين بيقول.. "الحزن ما بقالهوش جلال يا جدع..الحزن زي البرد زي الصداع"
مين سيد سحاب؟؟
سيد حجاب من أهم شعراء العامية، للأسف ما لقيتلوش غير كتيّب صغيّر المفروض إنه جزء من الأعمال الكاملة بتاعته، عموماّ سيد حجاب كتب معظم التترات الكويّسة بتاعة المسلسلات، زي تترات أرابيسك وكناريا وشركاه والأصدقاء والمرسى والبحار والشهد والدموع وليالي الحلمية والمرسى والبحار وللثروة حسابات أخرى، التترات أكثر من إنها تذكر.
وكتب كتير من أغاني الأفلام، زي أغنية أراجوز اللّي غناها عمر الشريف وأغاني فيلم كتيبة الإعدام (إخراج عاطف الطيب) وأغنية يلّا بينا تعالوا بتاعة فيلم الكيت كات .
وكتب أغاني لمطربين كتير زي أغنية في سكون الليل لكاميليا جبران، وهنا القاهرة و يا مصري لعلي الحجار، وايه يا بلاد يا غريبة لمنير، وسرسب لحنان ماضي، فيه أغاني كتير لمنير وعلي كلماته برضو لكن للأسف مش قادر أفتكر دلوقتي.
لو حبيتي ممكن أنقل لك كذا حاجة من الكتيّب اللّي عندي، النت يتصلّح بس عشان داخل من سيبر.
Post a Comment