To Be A hUmAn !

!Rest in Peace Vittorio Arrigoni

2011-04-15T05:53:00.022+02:00

Today the world has become worse by losing a dreamer, a humanitarian, and a peace activist.

!Today we've lost Vittorio Arrigoni

Riposi in Pace Vittorio!

Vittorio Arrigoni, an Italian journalist and human rights defender, was kidnapped and killed in Gaza on 15 April 2011.
He was active in the Palestine cause for almost 10 years. For the past two and a half years, he was in Gaza with the International Solidarity Movement, monitoring human rights violations by Israel, supporting the Palestinian popular resistance against the Israeli occupation and disseminating information about the situation in Gaza to his home country of Italy. He was aboard the siege-breaking voyage in 2008 with the Free Gaza Movement and was incarcerated in Israeli prisons several times. He was in Gaza throughout Israel’s brutal assault (Operation Cast Lead), assisting medics and reporting to the world what Israel was doing to the Palestinian people. He has been arrested numerous times by Israeli forces for his participation in Palestinian non-violent resistance in the West Bank and Gaza. His last arrest and deportation from the area was a result of the Israeli confiscation of Palestinian fishing vessels in Gazan territorial waters.
Vittorio used to write on the issue of Palestine for the Italian newspapers, IL Manifesto and Peacereporter. Additionally, he maintains a popular blog and Facebook page.
(copied with slight modifications from the International Solidarity Movement website)

(By the Brazilian Artist Carlos Latuff)

Vittorio Arrigoni talking about himself with English subtitles
the same video with Arabic subtitles

A Facebook Page devoted to his memory

A candlelight vigil for Vittorio Arrigoni will take place in Cairo, in front of the Italian embassy, on Tuesday 19th April from 7:30 Pm to 8:30 pm
The event page on Facebook

In memory of Vittorio Arrigoni

النصر

2011-04-13T15:22:00.008+02:00

حرمونا سنين وسنين
وافتكروا الناس نايمين
وطلعنا عليهم يوم
خلّصنا حقوق ملايين!

أغنية الجيل الصاعد

Une Belle Histoire

2010-08-07T06:27:00.005+03:00

وأنا في ثانوي بابا جابلي شريط كاسيت لأغاني فرنسية قديمة.. أنا طول عمري بحب الأغاني الأجنبي القديمة وخصوصاً الأغاني الفرنساوي فالشريط عجبني جداً..لكن كان فيه أغنية معيّنة بهرتني واستولت عليّ بشكل غير طبيعي..كنت بقعد أرجّعها وأسمعها بالساعات.. ما كنتش فاهم من الأغنية حاجة غير كلمتين تلاتة..وفاكر إني قلت لمدرس الفرنساوي بتاع المدرسة إني هجيبله الشريط مرة ويسمعها ويفهمني معناها. المشكلة إن بعد القصة دي بكام يوم الشريط اتقطع والـ cover ضاع!

زعلت بشكل مش طبيعي وسألت بابا على اسم الشريط بس ما كانش فاكره للأسف..وما عرفش يجيبهولي تاني، وفشلت محاولاتي في إصلاح الشريط.

بعد شوية نسيت موضوع الأغنية..وإن كنت ساعات كنت بقعد أدندن كدا باللحن. وأنا في ثانية جامعة سمعت المزيكا بتاعة الأغنية في البرنامج الموسيقي مرة بالليل..لكن للأسف ما قالوش اسم الأغنية..يومها قلبت النت على الأغنية بالكلمتين اللّي كنت فاكرهم منها..ونزّلت أكتر من 60 أغنية بلا مبالغة فيهم كلمة من الكلمات اللّي فاكرها من الأغنية لكن ما طلعتش ولا واحدة فيهم. المشكلة كانت إني متأكد إن الأغنية دي من الـ Top Hits وإنها أكيد مشهورة جداً في فرنسا يعني بس فمصر الأغاني القديمة وخصوصاً الفرنساوي مش معروفة خالص..يمكن باستثناء حاجات شارل أزنافور.

بعد القصة دي بكذا شهر سمعت الأغنية فمرة وأنا ماشي في الشارع طالعة من كافيه..بلا أدنى تردد دخلت سألت ويتر في الكافيه عن اسمها بص لي بصّة "أنت أهبل يا ابني؟!" وقال لي ما أعرفش!

النهاردة -أو امبارح بما أننا بقينا السبت- كنت في خطوبة واحد صاحبي..وأثناء البوفيه الأغنية اشتغلت! ما كنتش مصدق نفسي وقلت أحاول أركز وسط الدوشة الفظيعة بتاعة الناس في الكلمات وألقطلي ولو جملة أعرف أجيب منها الأغنية بعد كدا..بس ما بقيتش عارف أفسر أي حرف بسبب إني مش فاكر أصلاً الفرنساوي اللّي اتعلمته خالص..فضلاً عن الدوشة الفظيعة وإن الصوت كان واطي جداً أصلاً.

واحد صاحبي قال لي روح اسأل بتاع الدي جى..رحت سألته بص لي نفس بصّة "أنت أهبل يا ابني؟!" وقال لي ما أعرفش..هوّ كوكتيل على بعضه كدا.

بقيت حاسس بحسرة فظيعة..واتخنقت أصلاً إن الأغنية اشتغلت..لأني افتكرتها وبقى نفسي أسمعها ومش هعرف أجيبها!

المهم لمّا روّحت قلت هدوّر عليها..رغم إني ما نمتش بقالي كتير جداً والدوشة وكمية الأغاني الشعبي اللّي اشتغلت لسّه عاملالي صداع بس ما أعرفش ايه طلّعها فدماغي إني أدوّر عليها..وما أعرفش ليه كان عندي إحساس إني هلاقيها!

قعدت دوّرت عليها شوية بالكام كلمة اللي عارفهم منها..ما لقيتهاش. بعدها خطر فبالي إني أستعين بسايت من السايتات اللّي بتصفّر أو بتدندن لها بالمزيكا وتحاول تجيبلك اسم الأغنية. السايتات دي لسّه واحد صاحبي كان هاريني تريقة بسببها من أسبوعين تلاتة!

المهم همهمت باللحن وطلعتلي النتيجة فوراً!

خدت الاسم وعملت سيرش في اليوتيوب ولقيت الأغنية!

بجد مبسوط بشكل غير طبيعي..ومن ساعتها قاعد مشغّل الأغنيّة وكل ما تخلص أجيبها م الأول!

الواحد لسّه عبيط وبينبسط من حاجات ممكن تكون بسيطة أوي! الأغنية أعادتلي فثانية ذكريات ومشاعر أيام الثانوي..الراديو الكحلي بالليل على البرنامج الموسيقي، والسجاير بالليل في البلكونة عشان ما حدّش يشم الريحة! سكوتش منت وترمس الشاي الصغيّر الكبّاية واحدة! المذاكرة عشر دقايق ثم عمل أي شيء آخر! وأبيات الشعر على الكشاكيل والكتب!

الشخبطة بالألوان..أنا عمري فحياتي ما عرفت أرسم بس كنت بحب ألعب بالألوان من غير رسم..بحيث تداخل كذا لون يدّي انطباع بالفرحة أو الغصب أو الكآبة وهكذا.

الأغنية دي جميلة أوي!

الأغنية اسمها Une Belle Histoire..إنتاج سنة 1972 لمطرب فرنسي اسمه Michel Fugain.

Une Belle Histoire

10th of April, Rachel Corrie's birthday

2010-04-10T19:11:00.017+02:00

"I feel like I am witnessing the systematic destruction of a people's ability to survive...Sometimes I sit down to dinner with people and i realize there is a massive military machine surrounding us,trying to kill the people I am having dinner with " Rachel Corrie .

" Coming here is one of the better things I have ever done...I am in the midst of genocide which I [ as an American ] am indirectly supporting and for which my government a largely responsible...It's a good for us all to drop everything and devote our lives to making this stop " Rachel Corrie.

Her name was Rachel Corrie...These were her words...
And just for that she deserved to be killed brutally by an israeli bulldozer..
And again just for that, she will always remain alive in our hearts as a symbol of courage, love , sacrifice and compassion .

Rachel was born in April 10,1979 to an average American middle class family, raised in Olympia,Washington. She was an ordinary American young lady , a student of arts in the Evergreen State College, it was her final year in college, and according to her friends, she dreamed to be a poet and a dancer.
Rachel was a beautiful girl,full of energy and life. A very active and kind person as her history tells us. She took a year off from her studies to work as a volunteer in the Washington State conservation Corps. She had also volunteered to work with patients with mental disorders on a weekly basis for several years..Her last volunteer work was to travel to Gaza to join the protesters from the International Solidarity Movement , and initiate a " sister city " project between Olympia and Rafah.

Like most Americans Rachel has never imagined the situation in Palestine. She was shocked to witness a whole nation slaughtered, deprived of basic life needs and literally denied the right to exist. She has expressed that in many e-mails she has sent to her mother from Gaza.
After attending a "direct action tactics" training course in West Bank ISM headquarters, Rachel was flied to Gaza strip to work with the protesters on trying to prevent the massive Palestinian houses demolitions carried out by the israeli army.
She stayed with the protestors in a tent, that was a target for israeli snipers who have shot many bullets around the protesters' tent and just under their feet to frighten them.Rachel and her co-protesters removed the tent and left the place as it was unsafe. They were taken into Palestinian homes, offered beds and meals. It was a crazy time with many homes destruction going on, and Rachel with her friends were working hard against it.
On March 16,2003 , together with other members of ISM, Rachel was trying to prevent the demolition of the house of Sameer Nasrallah, a Palestinian pharmacist, during which she was brutally killed.
At the day of her murder, Rachel was wearing a high visibility jacket ( orange fluorescent ,with reflective strips ) , talking in a megaphone ,with her prescience and the prescience of her group well known to the israeli army.
The bulldozer was moving towards the house, and Rachel ( wearing her high visibility jacket ) climbed on the top of a pile of earth to be clearly seen by the bulldozer driver and she started talking asking the bulldozer driver to stop. The criminal Israeli driver continued moving anyway towards her, she turned to move away from that spot and went down the pile of earth, but the bulldozer moved steadily towards her ( with unmistakable intention to kill her ) and she was engulfed in the pile of earth as the bulldozer passed over her body crushing her to death with cold blood. Eye-witnesses from the ISM mentioned that a panicked expression was the last thing they have seen on Rachel's face before the bulldozer crushed her body.

I can not stop my tears every-time i look at Rachel picture after she was killed. I feel very sad and angry that the American Congress, and the American Department of State have neither ordered an investigation on her murder nor taken a real appropriate action to punish her killer, just letting Rachel's killer go unpunished and probably killing more and more people everyday.
You can all imagine how Rachel's parents are feeling , how tragic was their loss, and how sad and frustrated they have been to be denied the right of the victim to take legal action against their daughter's killer.

To Mr. and Mrs. Craig and Cindy Corrie, we are so sorry for the death of your daughter. We can feel your pain, and your severe loss.
It has been 7 years now since Miss Corrie's death, but I want you to know that we have not forgotten Rachel and her heroic actions , and we will never do, not after 7 years, not after 70 years .
We can never forget a young lady who had left her family, her friends , her comfortable life and traveled thousands of miles to the most tense area of the world, just to help protecting helpless people , to promote peace , and to defend what she believed was right. That was very beautiful , very brave , and very human.

Rachel Corrie will always be remembered , prayed for ,and honoured .

Ahmad Essam.
-----------------------------------------------------------------------------------

Anyone would wonder why would a young lady like Rachel Corrie leave her sweet warm home, to go to one of the poorest and most dangerous places in the world?! Why would she endanger her life for some people that she didn't know! She didn't belong to their race, religion or culture!
Simply because she is bonded to them with so much bigger bond, it's the humanity! Or at least that was what she believed.
She believed that every human being is responsible for how disgusting our world has become, she believed that everyone should have a role in reforming it.
She believed in the right of the Palestinians, She went beyond the boundaries of her nationality, and had the courage to see the injustice that the Palestinians are facing by the support of the USA. She believed that she – as an American citizen - is in a way responsible for this genocide in Gaza Strip, and she believed that she had to have a role in supporting the Palestinians' rights.
She believed in justice, freedom and equality, she believed in humanity! And she sacrificed her life for what she believed!
Rachel Corrie, I will always remember you, pray for you, and praise your name! You will always be in my heart.

Amr Essam

Rachel Corrie

An interview with Rachel Corrie

Rachel Corrie 5th Grade Speech I'm here because I care

At the anniversary of Gaza war

2009-12-28T03:25:00.026+02:00

We Will Not Go Down (Song For Gaza) - Michael Heart

One year ago, on the twenty-seventh of December, while Christians all around the world were probably still celebrating the Christmas, and all people around the world were about to celebrate the new year, the Palestinian people in Gaza were experiencing a very different situation.
No Christmas songs, or ringing bells, the only sound they were hearing all the time was the sound of bombs and missiles exploding here or there. They didn't watch fireworks at the sky, but instead they watched the flashing light of the White phosphorus. (using white phosphorus against personnel targets is against the law of land warfare, and of course that's how it was used against the Palestinian people.)
The Santa Claus who visited the Palestinian children was the war with its catastrophes; suffer, pain & tears! and the red color that was visible there wasn't the color of the wrapping papers around the gifts, but the color of their blood!
Actually no many people remember this incident, and no many people even care about it. Why should they? It's just a massacre against a third world people who don't even have a country! Probably most people would like to think about it in a certain way: "The Palestinian people are bunch of terrorists who disturb Israel, so they deserve whatever happened to them"!
Thinking in this way is very comforting for most of people, the Palestinians are terrorists so we don't have to bother ourselves about them.
But what if they weren't terrorists?! What if it's their own land and their own country, and they are just resisting the illegal occupation, simply as anyone would have done? Facing these facts is a very big problem, as it will bother everyone's conscience, it will collapse everyone's claim that he supports Freedom, Justice and equality.
Here are people who are fighting for their rights, for their freedom, why don't you support them?
In Egypt there's an expression which summarizes this point of view, it's "wana maly!"
This expression could nearly be translated to "none of my business".
You wouldn't gain any benefit by supporting them, why would you care then? Actually those who have this point of view support nothing but their own benefits. But sometimes it's so harsh to face the one's self by some facts, so people tend to denying them.
I don't know why I'm writing this now, I just wanted to remind myself and everyone who might read this by Gaza War, I wanted to Pray for mercy upon the Palestinian martyrs, and I wanted to salute the Palestinian resistance.

.May Allah bless Palestine..Free Palestine

Amr Essam

Gaza (Tale of a Sad City )

Whispers

2009-12-16T17:32:00.003+02:00

مش عارف ليه كتبت الحاجات دي بالإنجليزي، أنا مقتنع إن الواحد مهما بلغت درجة إجادته لأي لغة، تبقى لغته الأم برضو أكتر لغة بيعرف يعبّر بيها عن نفسه، بس همّ جم كدا ومش عارف ليه.

There are two kinds of people:
Those who have mental disturbance, and those who have nothing at all!
***
Stop thinking and sink into your thoughts
***
Sometimes you just have to run, although you don't know why would you!
***
Stop listening to songs…SING!
***
You can praise yourself and still be a very humble person
***
To dance is to be the flame of a candle, just let the music be the wind!
***
I know it's so hard to communicate with me, that's why I am worthy communicating with.
***
I know that I'm good at many things, the problem is that I'm perfect at nothing!
***
It's not about being reticent, it's about the lack of enjoyment talking to you.

عن Officina Zoè وأشياء أخرى

2009-10-31T05:38:00.012+02:00

مش عارف ليه فتحت البلوج وعملت ساين ان ثم نيو بوست، فعلياً مفيش حاجة معيّنة عاوز أكتب عنها!
يمكن عشان من غير ما أخد بالي حسّيت بإغراء شديد إني أكتب بوست جديد؟
ايه سبب الإغراء دا تحديداً مش عارف، فيه احتمالات كتير مش مهم أشغل بال أي حد بيقرا بيها..ما علينا
بس بما أنّي هكتب بوست بقى فممكن أتكلم مثلاً عن حفلتين حضرتهم قريّب واستمتعت بيهم جداً، الحفلتين لفريق إيطالي من جنوب إيطاليا وبالتحديد من سالنتو، الفريق اسمه أوفيتشينا زُوويه، وبيغني أغاني فلكلورية من تراث جنوب إيطاليا، بالإضافة لأغانيه الخاصة اللّي بتحمل نفس الطابع. عرفت بالصدفة من المركز الثقافي الإيطالي إن فيه حفلة ليهم في إطار احتفالية المركز بالأسبوع التاسع للغة الإيطالية، وقررت أروح الحفلة كنوع من التغيير خصوصاً بعد ما فرانشيسكو (المدرس بتاعي) قال إن الفريق ظريف جداً.
الفريق عجبني جداً وكذا أغنية من أغانيه أسرتني، بس الشيء اللّي أثّر فيّ جداً وبسطني بشكل ما حصلش في السنتين اللّي فاتوا كان المدرسين اللّي حضروا من المركز الإيطالي. أنا بشكل عام ما بحبش الطلاينة خالص، لأنّي بشوف فيهم الفهلوة والهرجلة وعدم النظام وعدم الالتزام بالقوانين زيهم زي المصريين، فماعنديش أي استعداد للانبهار بيهم أصلاً، لكن في اليوم بتاع الحفلة دا أقدر أقول إني حبيت الناس دي جداً، خلقوا جو فظيع من البهجة والمرح والسعادة وحب الحياة، أول ما المزيكا سخنت لقيت كل المدرسين والمدرسات قلعوا الجزم بتاعتهم وابتدوا يرقصوا رقصة البيتسيكا شديدة البساطة والجمال. ما كنتش أعرف حاجة عن الرقصة دي خالص، وتصوّرت إنهم مجرد بيرقصوا مع المزيكا بشكل عشوائي جميل، لكن عرفت فيما بعد إن دي رقصة مشهورة جداً في جنوب إيطاليا. الناس كانت بترقص وتضحك وتنبسط بشكل جميل جداً ودون الالتفات لمنظرهم قدام الطلبة بتوعهم والكلام الفارغ دا كله اللّي أي مدرس مصري كان هيحطه في الاعتبار. الجو اللّي عاملينه كان شديد الروعة لدرجة إنّي قربت من الدايرة بتاعتهم استعداداً لأني أرقص معاهم فعلاً، بعد كدا تراجعت عن الفكرة لأن المدرسين شدوا ناس كتير جداً ونزلوا رقصوا معاهم والدايرة بقت أكثر ازدحاماً وإيقاع الموسيقى والرقص بقى سريع جداً فما بقيتش هعرف أجاريهم برجلي الكسيحة، غير إنّي خفت حد يدوس على رجلي وأنا كنت لسّه فاكك الجبس ما بقاليش أسبوعين ورجلي مش مظبوطة لحد دلوقتي.
كنت إنسان ما شفتوش فنفسي من أكتر من سنتين، جريء ومنطلق وسعيد جداً،خلّصت الحفلة وكنت مبسوط جداً ومافيش شيء نجح في تعكير مزاجي اليوم دا، تاني يوم كان فيه حفلة تانية لنفس الفريق بالاشتراك مع فريق مصري أعتقد إنه نوبي اسمه مزاهر، الحفلة كانت في مكان غريب وجميل جداً اسمه "مكان" المكان غرابته إنّه ضيق بشكل مش طبيعي، وقديم جداً من جوّا، غير إنهم عاملين تقليد لذيذ إن فيه مطبخ جوا وفيه شاي وعناب وميه سخنة وكبايات وليفة وصابون، وتقدر تدخل تغسل كباية لنفسك وتعمل المشروب اللّي تحبه. الجو سحرني جداً ومع إن الفريق المصري دا مظهره لا يوحي بأي تميّز، ورغم إنهم ما بيعرفوش إيطالي نهائي والفريق الإيطالي زي ما قلت ما فيهوش حد بيعرف عربي أو انجليزي، إلا إن الفريقين عملوا مزيج شديد السحر والتميّز، بخليط بين موسيقى مصرية أقرب للزار وموسيقى إيطالية جميلة كانت أحياناً بتقترب من الزار برضو، وكذا مرة في وسط الحفلة كنت بلاقي دماغي بتتهز يمين وشمال من غير ما أخد بالي، غير إنّي كنت بدق برجلي جامد ع الأرض في انسجام شديد مع المزيكا، مما تسبب في إنّي رجعت البيت رجلي وارمة جداً.
دا الموقع الرسمي بتاع الفريق، الموقف متاح بكذا لغة منهم الإنجليزي. فيه شوية معلومات عن الفريق وفيه كام أغنية ممكن تسمعهم من خلاله.
دول أكتر أغنيتين عجبوني للفريق
http://www.youtube.com/watch?v=8cNJBQpNXJ0
http://www.youtube.com/watch?v=czU_gpRD_Zg
اللينك التاني فيه حد غير أوفيتشينا زُوويه بيغنّي، بس نفس الأغنية لأنّي ما لقيتش فيرجن نضيف للفريق.
ودي رقصة البيتسيكا اللّي كنت بتكلم عليها
http://www.youtube.com/watch?v=mEVB_QAtgwI
المزيكا في الحفلة كان إيقاعها أسرع وأجمل كتير، غير الجو الساحر في الحفلتين اللّي زاد من جمال المزيكا، بالإضافة إلى إن كل أغانيهم اللّي ع اليوتيوب تنقصها مطربة من المطربتين الأساسيتين اللّي كانوا بيغنوا في الحفلة.

انكسر جوّايا شيء:D

2009-09-11T21:55:00.003+02:00

مبدأياً البوست دا ما هو إلّا هذيان وفضفضة فارغة يعني عشان أبقى قلت من الأول.
من شهرين كدا قررت إني أرجع ألعب كورة تاني، أنا كنت بلعب حلو زمان بس بطلت ألعب من بعد ما دخلت الجامعة، وفاكر لعبت مرتين تلاتة في خلال السنين اللي فاتت لكن كنت بلعب عشر دقايق وبعدها أترمي ع الأرض من التعب.
المهم قررت أرجع ألعب كورة تانية لأن لياقتي بقت في الضياع، أول مرة قدرت ألعب ساعتين متواصلتين لأن كنّا قليلين جداً وماكانش ينفع أسيب الناس وأبوّظ عليهم اللعب، ورجعت عضلات جسمي كلها واجعاني طبعاً لأني ما بمارسش أي نوع من أنواع الرياضة من قرون، إلا السباحة كل سنة مرة لمّا بسافر أصيّف. المهم المرتين اللّي بعد كدا كنت بلعب كل الوقت المتاح برضو وبرجع عضلاتي واجعاني، في المرة الرابعة رجعت عادي جداً ولياقتي حسيتها بترتفع وابتدى لعبي يبقى حلو.
المرة الخامسة كانت ليلة رمضان، لعبت أقل من عشر دقايق وبعدها مشط رجلي اتلوى تحتي وأخدت عليه خطوتين وباصيت الكورة وجاي بجري بعدها لقيت ألم بشع في رجلي. ما قدرتش أكمل بعدها، تاني يوم رحت عملت أشعة عشان أكتشف إن رجلي اتكسرت!
..
بسأل الدكتور أثناء ما بيجبّس رجلي.."أنت هتجبّس لحد فين؟" بضحكة غريبة جاوبني "لحد أعلى السمانة"، من جديد سألته.. "والجبس هياخد قد ايه؟"، بضحكة أوسع وأغرب-فيها قدر لا بأس به من الشماتة- جاوبني "شهر ع الأقل". كنت عاوز أسأله أنت فرحان فيّ كدا ليه؟:s
فاكر زمااااان رجلي يمين اتجبست برضو، ما كانتش اتكسرت كان فيه عضمتين بعدوا عن بعض بزيادة، المفروض إن العضمتين دول بيبقوا قريّبين من بعض وعلى سن البلوغ بيلضموا فبعض يبقوا عضمة واحدة، المهم إني كنت بلعب كورة واتخطبت فيها والعضمتين بعدوا عن بعض بزيادة. كان ساعتها عندي 8 سنين مثلاً، وكنت ببوّظ الجبس كل 3 أيام مثلاً وفي الأخر ما استحملتوش وشيلته ورفضت رفض قاطع إنّي أتجبس تاني. وفضلت رجلي توجعني من حين لآخر لحد كذا سنة بعد القصة دي.
..
فاكر لما اتجبست وأنا صغيّر كنت بكسّر الشمّاعات المعدن وأهرش بيها، دلوقتي اكتشفت إن دا هبل لا طائل منه، دلوقتي لمّا رجلي بتهرشني بتناسى الموضوع وبشغل دماغي بأي حاجة تانية، بعد دقيقتين مثلاً بيختفي شعور الرغبة في الهرش دا خالص.
..
معظم دكاترة العضم في مصر بهايم..دي حقيقة اقتنعت بيها بعد سماع خبرات الآخرين بالإضافة لخبراتي الشخصية، شويّة سبّاكين فعلاً مش دكاترة.
لكن الـ 3 دكاترة اللّي رحتلهم أجمعوا إن فيه تمزق شديد في أربطة قدمي، وإن التمزق دا هياخد وقت أطول من الكسر.. يلا خير خير.
..
صحابي بيقولولي إني سريع جداً وأنا بمشي بالعكازين، وزوف بيقترح إني أعمل بطولة العدو بالعكازين لأني أكيد هحتكرها!
افتكرت علي الحجار لمّا بيقول "عم بطاطا يزك الزكّة يعبر سينا ويفتح عكّا"
..
ليه المصريين مقتنعين إن الجبس عبارة عن كشكول أو أوتوجراف؟، كل ما أشوف حد من صحابي يقول لي عاوز أكتبلك ع الجبس!
فأرد إن الجبس لوحده شكله سيء، فليه أخلّيه أسوأ بخطّك؟
فكّرت إني أكتب عليه أبيات السيّاب اللّي فمطلع "سفر أيوب":
"لك الحمد مهما استطال البلاء ومهما استبد الألم
لك الحمد إن الرزايا عطاء وإن المصيبات بعض الكرم"
بعدها قلت لو السيّاب طلع من قبره وشافني كاتب أبياته دي عشان رجلي اتكسرت هيشتمني بأقذع الشتائم اللّي يعرفها، وهيبقى معاه حق الصراحة! الله يرحمه ويعوّضه خير في الآخرة.
..
الصلاة وأنا قاعد بحس مالهاش طعم، ما بعرفش أركز خالص وبسرح طول الوقت
وإنّي أستحمى وأنا قاعد شيء بشع، فضلاً عن الكيس البلاستيك اللّي ببقى لابسه في رجلي ومرعوب طول الوقت إني أتزحلق بسببه وعضمي كله يتكسّر بقى!
..
أنا بكره أطلب أي حاجة من أي حد، مهما كنت واخد على الحد دا ومهما كان قريّب مني، ومستحيل أطلب نفس الطلب من أي شخص مرتين.
طبعاً دلوقتي أنا قارف أمي اللّي بتعمل لي كل حاجة، وصحابي اللّي ما بخرجش بره البيت من غيرهم، يلّا الحمد لله وربنا يجازيهم خير.
..
الكلاب ما بتهوهوش عليّ خالص، ودا شيء غريب..مش عارف هل خايفين من العكّازين زي ما الناس بتقول، ولا دا موقف إنساني منهم!
..
كنت ناوي أعمل حاجات كتير في رمضان دا، خصوصاً إن الشغل بتاعي واقف اليومين دول والكورس كمان وقف في رمضان، بس جه الكسر دا دمّر كل مشاريعي، يلّا الحمد لله.
..
من أسبوعين كدا كنت واقف في الشارع مستني زوف اللّي راح يشوف فين العمارة اللي فيها الدكتور اللّي كنّا رايحينله، المهم كان فيه ولد صغيّر واقف مع مامته على مقربة مني، بصّلي كدا وقال لي: ايه دا؟ مين اللي ربطك كدا؟، ابتسمت وقلتله الدكتور. قال لي حرام عليه ربطك ليه؟!، ضحكت وقلتله عشان رجلي مكسورة. قال لي يعني كسرك وبعدها ربطك كمان عشان يتأكد إنك مش هتعرف تمشي!
طب ما تزعلش أنا هفكك! ضحكت جداً بعدها مامة الولد خلّصت اللّي كانت بتعمله وانتبهت له فقالتله بطّل لماضة وشدّته ومشيت.

!Più che posso

2009-07-30T18:33:00.006+03:00

Eros Ramazzotti & Cher - Più che puoi

الأغنية بالإيطالي والإنجليزي..وهنا فيه ترجمة للجزء الإيطالي

ودا لينك الأغنية لو حد حب ينزّلها

احذر -بربّك- من صواريخ العرب!

2009-04-14T22:42:00.013+02:00

حذاء السيد نصر الله يساوي أكثر ممّا تساوي رؤوسكم مجتمعة!

السيد حسن نصر الله يرد على إتهامات الحكومة المصرية
..
قصيدة "لقاء مع السيد حسن نصر الله"..لعبد الرحمن يوسف

تحرّر!

2009-03-30T00:30:00.008+02:00

هل سأجن كما تقول أمي؟.. وماذا يحدث لو جننت؟

لن أضطر لأن أكلّم أحدًا أو أستمع إلى أحد!
لن أمشّط شَعري كل صباح أمام المرآة، وأكره نفسي!
لن أضطر لأن أفعل أي شيء!

من قصّة قصيرة لبهاء طاهر

قصاصاتي (3)

2009-02-28T09:33:00.012+02:00

بقالي كتير قوي ما نزّلتش أي بوست في البلوج، رغم إن البوست دا مثلاً قديم قوي، وكان ممكن أنزّله من فترة كبيرة.. بس لأسباب كتيرة انقطعت عن البلوج..عموماً هوّ خير إن الواحد يفصل شوية...ما علينا.

قصاصاتي (2)

-----------------------------------------------------

أنا لا أكره النهايات الحزينة فحسب..أنا أكره كل النهايات!

***

جدو يا طيّب يا أبو عصاية

من فضلك احكيلي حكاية

اوعى تنام قبل ما تقفلها

افضل قلها لحد أخرها

حتى ذاك الطفل في أغنية "منير" يخاف ألّا تكتمل حكايته، حتى الطفل يشعر بحسرة الأغنية التي لم تتم!

***
كان يهاجم بضراوة تقديس السلفيين لدعاة الفضائيات، لكن حين صارحته برأيي في مطربه المفضّل وجدت تقديساً يفوق ما يهاجمه!
***
في السينما يجب أن تسمع صوتاً للّكمات..فالمخرج يريد إقناعك بعنفها، أما في الواقع فلا تسمع صوتاً لها..حيث يشعر اللاكم والملكوم بقوتها...ولا حاجة لإقناع الجمهور!
***

ضاقت فلما استحكمت حلقاتها..ضاقت أكثر!

***

وأنا في العقد الثالث من عمري..أُُفضّل أن أُوصف بالرعونة عن أن أُوصف بالحكمة!

***
Eternal Sunshine Of The Spotless Mind فيلم رائع..فقد نجح في مضاعفة اكتئابي!
***
أُصيب كاتب أمريكي –لا أذكر اسمه- بالعمى، وعلى طريقة إيجاد مزية في كل كارثة، قال أن من مزايا إصابته بالعمى أنه لا يضطر -في الليالي الباردة- إلى أن يخرج يده من تحت الغطاء ليقلّب صفحات الكتاب الذي يقرأه ليلاً قبل النوم. (يقرأ بطريقة برايل)
من السخف -قطعاً- أن يفقأ أحدهم عينيه ليتمتّع بتلك المزية!
***

لا مشكلة أن تتسم بالقذارة...المشكلة ألّا تعرف مقدار قذارتك!
***

من المحزن أن "الكورة أجوان"!
***

القدرة على أن تكون سمجاً وقتما أردت مزية رائعة!
***
أنا شجاع لدرجة أن أعترف بخوفي الشديد من الكلاب!

يوليو-أغسطس-سبتمبر- أكتوبر 2008

-------------------------------------------------------------------------------

ربما ترى ضعف هذا الفارس من جهة- إذ فقد أمه-.. لكنّه –صدّقني- ما زال قادراً على سحق أعداءه!

***

ما هو الطموح؟!

أن تحتفظ على حاسبك الآلي بفيلم روسي مترجم للصينية أملاً في تعلّم إحدى اللغتين!

ما هو "تكسير المجاديف"؟

أن يفسد الـ hard disk الخاص بحاسبك الآلي فتفقد الفيلم!
***

ما هو "النحس"؟!
أن تعود لمنزلك (ولا أحد به) قبل آذان الفجر بنصف الساعة في رمضان فتجد المياه مقطوعة ولا يوجد ماء بالبيت سوى ما يزيد عن 200 مل بقليل!
..
ما هي الحماقة؟!
أن تعد كوباً من الشاي بالماء القليل المتواجد! أنت المعتاد على شرب ما يزيد عن لترين من الماء قبل الصيام!

***
من الوقاحة –ربّما- أن أقول ذلك، لكننّا لا نحزن على أمواتنا.. وإنما نحزن على فقداننا لهم!

***

I believed I could fly

I believed I could touch the sky

I thought about it every night n day
!Leaped outta a window and passed away

(مع الاعتذار لـ R Kelly وأغنيته)

(ما بعد الخط) فبراير 2009

مافيش أي ارتباط بين المزيكا دي وبين البوست..لقيت نفسي قاعد بسمعها بقالي 3 ساعات فحبّيت أشاركها مع العابرين.

Chris Sepheeris-Elektra

ما أوسخنا..ما أوسخنا..ما أوسخنا

2008-12-29T05:50:00.012+02:00

مقطع من وتريّات ليليّة..لمظفر النواب

القدس عروس عروبتكم؟!!

فلماذا أدخلتم كل زناة الليل إلى حجرتها

ووقفتم تسترقون السمع وراء الأبواب لصرخات بكارتها

وسحبتم كل خناجركم، وتنافختم شرفا

وصرختم فيها أن تسكت صونا للعرض

فما أشرفكم!

أولاد القحبة هل تسكت مغتصبة؟!!

****

أولاد القحبة

لست خجولا حين أصارحكم بحقيقتكم

إن حظيرة خنزير أطهر من اطهركم

تتحرك دكة غسل الموتى

أما أنتم لا تهتز لكم قصبة!

***

الأن أعريكم

في كل عواصم هذا الوطن العربي

قتلتم فرحي

في كل زقاق أجد الأزلام أمامي

أصبحت أحاذر حتى الهاتف

حتى الحيطان وحتى الاطفال

أقيء لهذا الأسلوب الفج

وفي بلد عربي كان مجرد مكتوب من أمي

يتأخر في أروقة الدولة شهرين قمريين

تعالوا نتحاكم قدام الصحراء العربية كي تحكم فينا

أعترف الأن أمام الصحراء

بأني مبتذل وبذيء وحزين

كهزيمتكم يا شرفاء مهزومين

ويا حكاما مهزومين

ويا جمهورا مهزوما

ما أوسخنا..ما أوسخنا..ما أوسخنا

ونكابر ما أوسخنا

لا أستثني أحدا

*****

وتريّات ليليّة كاملة

..
الصورة بعنوان Gaza-Arab League لرسّام الكاريكاتور البرازيلي كارلوس لاتوف

لمحات (4)

2008-11-30T04:15:00.004+02:00

-الناس بقت وحشة قوي!

-ومن امتى الناس كانت حلوة؟!

-مش عارف، بس وأنا صغيّر سمعت ماما بتقول فمرة الناس بقت وحشة قوي، فافترضت إنها عاصرت زمن كانت الناس فيه مش وحشة، أو ع الأقل مش وحشة قوي!
***
-أكاد أجن! لماذا تخسر كل هذه البطولات؟ بإمكانك تحقيق الفوز فيها بسهولة!

- خسرتُ بطولة العالم ، فماذا يضيرني أن أخسر بضع بطولات صغيرة؟!
***
وقف على شاطئ البحر يدخّن غليونه باستمتاع ويداعب الماء بقدميه، يتأمّل الدخّان الأقرب للبياض المنبعث من الغليون، ثم يتأمل الدخان الأقرب للسواد المنبعث من أنفه وفيه، ضحك في البداية لفكرة أنه يلوّث الدخان! ثم تخيّل أن الدخّان أسود لأنه يخرج المشاعر السلبية بداخله، تُرى كم عدد أطباق التبغ التي تلزمه ليعود كما كان؟
***
-لماذا عبرت الطريق بهذا البطئ؟ أكنت تنوي الانتحار؟

-لو قررت الانتحار لألقيت بنفسي أمام إحدى السيارات المسرعة!

-ولو كنت طبيعياً لأحثثت الخطى!

-فلنقل إذن هي لا مبالاة تجاه الحياة.
***

-سلام عليكم، علبتين LM أحمر

-وعليكم السلام ورحمة الله وبركاته (يرد السلام ثم يناولني ما طلبت)

(أعطيه عشرة جنيهات ولا يعطيني باقي، أهم بالرحيل فيستوقفني بسؤال)
-هيّ السجاير مش حرام يا شيخ؟!

(بابتسامة ساخرة)

- الله أعلم، بس الأكيد إن النص جنيه اللّي أنت أخدته حرام!

(أحّثُ الخطى فلا أعطيه الوقت للرد)
ملحوظة: علبة الـ LM بخمسة جنيه إلا ربع، لكن المعظم بيبيعوها بخمسة جنيه.
***

-سلام عليكم، علبتين LM أحمر

-وعليكم السلام ورحمة الله وبركاته، هيّ السجاير مش حرام يا شيخ؟!

(بابتسامة ساخرة)

-مش أنا -الشيخ- بشربها؟، تبقى حرام ازّاي بقى!

(يتسمّر ناظراً لي في دهشة وعدم فهم)

(بسماجة أسأل) -مافيش LM أحمر ولّا ايه؟

(في صمت يعطيني ما طلبت، أنقّده عشرة جنيهات ولا أنتظر الباقي، ألقي السلام وأبتعد...ولا أسمع ردّاً لسلامي!)

***
-سلام عليكم، فيه سيجار café crème سادة؟

-وعليكم السلام ورحمة الله، اه فيه ثواني.

(يمد يده لأحد الرفوف ويناولني ما طلبت..فأخذه وأعطيه نقود..ثم يقول بينما يعطيني الباقي)

-أنا عمري ما شفت شيخ بيشرب سيجار!

(بابتسامة ساخرة)- ولا أنا!

(ثم أنصرف)

***
في إصدار آخر لقصة "الجرادة والنملة" ظلّت النملة تكد وتعمل استعداداً للشتاء القادم، بينما الجرادة تسخر منها وتلهو مستمتعة بوقتها، لكن الشتاء لم يأت أبداً!
ظلّت النملة تعمل حتى ماتت كمداً على شتاء لم يأت، بينما عاشت الجرادة هانئة تستمتع بوقتها!
***
ببساطة متبجحّة تجاوزني أحدهم ليقف أمامي في الطابور ليقطع تذكرة "المترو" قبلي..
-لو سمحت..حضرتك كدا أخدت مكاني
(باستنكار)-معلش يا أخي..أنا مستعجل
-سبحان الله..وحضرتك عرفت منين إنّي مش مستعجل؟!
***
بينما أنتظر دوري في الطابور لأقطع تذكرة "المترو"، ربت أحدهم على كتفي قائلاً:
-لو سمحت..ممكن تقطعلي تذكرة معاك..معييش فكّة بقى فهات الجنيه وخد عشرة (يمد يده ليناولني النقود)
(لا أمد يدي)-بس كدا حضرتك هتاخد دور حد، كإنّي وقّفتك ورايا.
-يا عم وأنت مالك، وأنت خسران حاجة؟!
(أصمتُ لبرهة بحثاً عن إجابة تناسب تبجّحه)
- بنفس منطقك ولا كسبان حاجة! آسف.

?Why are you growing a beard

2008-11-03T11:41:00.015+02:00

دايماً الناس -في مصر تحديداً- تندهش لمّا حد يبقى سايب دقنه ومش بيحلقلها لو مش سايبها سُنّة، الناس بتسأل السؤال السمج دا عشان حاطين standards لكل حاجة، وبيندهشوا لمّا حد يحيد عنها!
***

فيه حكاية ظريفة حصلت لـ أوشو عن موضوع الدقن دا لمّا كان رايح يعمل الماستر بتاعته في جامعة أمريكية :

When I entered the university for the first time, The vice-chancellor looked at me and asked,

"?Why are you growing a beard"

I said, "I am not growing it, it is growing. Don't ask nonsense questions. On the contrary, I can

".ask why you are cutting your beard

".He said, "Settled. I will not ask anything and you will not ask anything

I said, "No. You can ask anything, but you have to have the courage to receive the answer. You have to say that you asked a wrong question. I am not growing it, I am not pulling my hairs every day so that they grow; I am not watering them. You are shaving twice a day. My hairs are

.natural and you are unnecessarily becoming a woman

"?He said, "What

I said, "It is so easy to understand. Do you think a woman would look good with a beard? The same is true about you--without a beard, you look just like a woman. A little weird, but..."He said, "I promise never to disturb you, but don't spread these ideas in the university, that I look
".like a woman

***

لمّا ببص لموضوع الدقن بنظرة فلسفية شويّة، بسأل نفسي ليه الواحد بيحلق دقنه؟ هل لأن الإنسان بهيئته الطبيعية محتاج لتهذيب؟!.. زي ما بنلبس هدوم مثلاً؟! في الواقع أنا ضد المعنى دا تماماً، وشايف إن الإنسان بيلبس هدوم (او الأصل يعني) لسببين:

الأول عشان يحمي نفسه من الطبيعة (البرد في الشتا والشمس الفظيعة في الصيفوعشان يفضل نضيف وكدا)، والتاني عشان ما يحصلش للناس distraction أثناء تعاملها معانا، لكن الدقن أو شعر الراس مش شايف داعي إني أشيلهم، والله طالما الواحد بيغسل شعره ودقنه كل يوم فمش هيأثروا على نضافته يعني، جميل...يبقى السبب دا out.

ساعات بحس إن الناس بتحلق دقنها وتهذّب شعر راسها كنوع من التخفّف من بعض الأحمال -غير الضرورية- لمواصلة الرحلة!
الكلام هنا رمزي..أقصد إننا بنتخفف من أحمالنا دي عشان المجتمع يقبلنا .. برضو الفكرة دي أنا ضدها لأن الرحلة لا تستحق إننا نتخفف من أحمالنا عشان نواصلها!، والمجتمع من واجبه يقبلني زي ما بنقبل الديفوهات التانية الموجودة فكل الناس، دا لو افترضنا إن الناس بتشوف الدقن بتوحّش من شكل الرجّالة!، أما بقى لو المجتمع مش هيقبلني بدقني فملعون أبو دا مجتمع يا أخي!، ومايجيش حد يقول لي مثلاً أنت بتجور على حرية المجتمع بإنك بتعمل شكل "بالنسبة لمعظم أفراد المجتمع" مش جميل، لأن الكلام دا فيه مغالطة، لأننا ما بنعترضش مثلاً على ذوق حد في اللبس ونقول إننا بنتضرر منه، ولو اعترضنا مش هتجيلنا الجرأة إننا نطالبه إنه يغيره عشاننا! ببساطة.. لأنه مش من حقنا، لو من حقك تشوفني بالمنظر اللّي يعجبك، فحقي أنا الأغلظ من حقك إني أبدو بالهيئة اللّي تعجبني!

طيب لو فكّيتني من النظرة الفلسفية دي، هل بنحلق دقننا وشعر راسنا عشان شايفين شكلنا بيبقى أحلى من غيرهم؟!..جميل، وبما أنّي مش مقتنع بالمثل المتخلّف بتاع كل اللّي يعجبك والبس اللّي يعجب الناس، يبقى كل شخص حالة فردية تماماً، مافيش standards ومفيش قاعدة معيّنة تقول إن المفروض نحلق دقننا أو نهذّب شعر راسنا، كل واحد بيعمل اللّي يريّحه، وبيظهر الشكل و"الديكور" اللّي عاوز الناس تشوفه به، وهنا يبقى مافيش داعي للسؤال السمج "سايب دقنك ليه؟"

***

طيب بصورة شخصية ليه بسيب دقني -وغالباً شعري كمان- وببقى مبسوط بيهم؟!

عشان ببقى مبسوط وأنا بضرب بالـ standards المتخلفة بتاعة المجتمع القذر عرض الحائط، ببقى مبسوط لمّا بتمرّد على قيم المجتمع اللّي بقدر أتمرّد عليها، وبيبقى فدا بعض العزاء عن القيم شديدة الوساخة والقذارة اللّي ما بعرفش أطبق فيها وجهة نظري (رغم عبثي الدائم بالقيم دي).

عشان بحب شكلي كدا!

عشان بـشوف إن الراجل بدقن..ومش معنى إني بشوف كدا إني بنتقد الرجّالة اللّي من غير دقن، كل واحد حر فشكله، أنا بس بطبّق اللّي أنا مقتنع بيه.
عشان بستريح نفسياً وأنا سايبهم، وبحس شعري ودقني درع "رمزي" بيحميني من القذارة الموجودة في الدنيا.

---------------------------

على الهامش: ليه بنقول في العامية المصريّة يربّي دقنه؟.. في الفصحى يهذّب لحيته يعني يحلق منها!، يعني اللفظ العامي بتاعنا بيدّي معنى مخالف تماماً! في الحقيقة المعنى الموجود في الفصحى أدق بكتير، لأنك حتّى لمّا بتقول أربّي طفل يعني بتحاول تكسبه صفات وقيم وطريقة تعامل مش موجودة عنده في الأصل، وبتحاول تنقّيه من الحاجات اللّي بيكتسبها من المجتمع الخارجي اللّي مالكش سيطرة عليه، يعني التهذيب محاولة سيطرة على الشيء، ودا معنى تهذيب اللحية، لكن يربّي دقنه بالمعنى العامي (اللّي يوازيه في المعنى في الفصحى "أطلق لحيته" مثلاً) تعبير مش قادر أهضمه الصراحة، وبحس فيه بنفس غباء الجملة اللّي الراجل قالها لأوشو.

عن الأدب وانعدامه!

2008-10-13T23:33:00.015+02:00

منذ بضع سنوات كانت الساحة الغنائية في مصر والعالم العربي مقتصرة على القليل من الأسماء المصرية والعربية من الموهوبين وأنصاف الموهوبين، حتى يكاد يكون كل مطرب -أو فلنقل "مغنّي"- يتفرّد بتقديم نوع ما من الغناء بغض النظر عن مستواه، ومع
انتشار القنوات الفضائية الغنائية ظهرت مشكلة تغطية مدّة الإرسال، خاصة مع عدم اهتمام كم لا بأس به من الأسماء الموجودة على الساحة بتصوير الأغاني، وأمام هذه المشكلة لجأت تلك القنوات إلى تشجيع "منعدمي الموهبة" للغناء وإنتاج العديد من أغاني الفيديو الكليب،
ولأن هذه الأغاني "معدومة الطعم" كان لا بد من إضافة بعض التوابل - كالتي يضيفها بائعو شطائر الكبد الفاسد- ليجد "المتفرّج" ما يدفعه للمشاهدة، وكانت تلك التوابل بالطبع العري والإباحية والإيحاءات الجنسية، وبمرور الوقت نجحت تلك الأغاني فيما لم تطمح إليه من
الأصل، حيث نجحت في تخليق ذوقاً فاسداً يستمتع "بالاستماع" لأغاني تم إنتاجها بغرض "المشاهدة"!
***

ما دفعني لتذكر تلك الحكاية المملّة هو ما يحدث الآن على الساحة الأدبية، منذ عامين أو ثلاثة كان حال الساحة الأدبية شديد الشبه بما كانت عليه الساحة الغنائية، بضعة أسماء موهوبة أو نصف موهوبة معروفة لدى المهتمين بالأدب، لكن الشيطان الذي سبق ووسوس في آذان
أصحاب القنوات الفضائية قام بدوره أيضاً لدى البعض ليفتح أمامهم "باب رزق" جديد وهو النشر الأدبي! ورويداً رويداً بدأت العديد من دور النشر الصغيرة في الظهور، ولأن حجم الأدباء الموهوبين -أو نصف الموهوبين حتى- الذين يملكون المال الكافي للمساهمة في نفقات
طبع كتاب عدد قليل جداً مقارنةً بعدد دور النشر، بالإضافة إلى وعي البعض بقدراتهم الحقيقية وعلمهم بعدم استحقاقهم للنشر بمستواهم الحالي، فقد لجأت دور النشر لتشجيع أنصاف المواهب ومعدومي الموهبة، وليضمن الناشر ألّا يخسر ماله فقد لجأ لفكرة "حفلات التوقيع" لكتّاب لم يسمع أحد عنهم! حيث يتم الاتفاق على ميعاد ومكان مناسبين لهذا الهراء، ويقوم الكاتب بالطبع بإخبار جميع زملاءه وأصدقاءه
ومعارفه عن "حفلة التوقيع" خاصته، ولكي يقوم الكاتب بالتوقيع لا بد أن يبتاع السالف ذكرهم الكتاب! وبهذا يضمن الناشر توزيع معظم نسخ الكتاب.
وحرصاً من الكاتب على عدم إهمال أي صنف من القراء/المشترين، فقد حرص على إضافة التوابل أيضاً، فلجأ معدومي الموهبة إلى إضافة توابلهم الخاصة من التلميحات الجنسية الصريحة التي لا ضرورة ولا معنى لها إطلاقاً في العمل، لا أؤمن بمفهوم الأدب النظيف،
لكن لا تحوّل الأدب إلى أدب أيروسي (Erotic literature)تحت مسمّى حرية الإبداع!
أما الأزمة الأكبر فهي ظهور أدب لا معنى له إطلاقاً!، قرأت العديد من "قصائد النثر" في المنتديات المختلفة، ولم أتذوق في أي منها جمالاً أو أفهم حرفاً واحداً، لم أر سوى إغراق بشع في التشبيهات عديمة المعنى!، وكان الجميع دائماً ما يمدح ويتحدث عن روعة الإبداع وسحر التشبيهات!، وذات مرة تجاسر أحد المعلقين وصرّح بأنه لم يفهم حرفاً واحداً وطالب كاتبة النص بالتفسير، وكما توقعت لم تعط كاتبة النص أي تفسير لنصها! فقط تحدثت بالهراء المعتاد عن ضرورة أن يصل القارئ للمعنى الذي يريده دون أن يحتاج لشرح من الكاتب!، كان الرد متوقعاً -بالنسبة لي على الأقل، ببساطة..لأن الكاتبة لا تملك أي معنى للنص! فقط بعض التشبيهات الجنسية عديمة المعنى!
أما عن سر اختيار معظم هؤلاء الأدباء لـ"قصائد النثر" فهو سهولة الأمر، لا توجد حبكة قصصية، ولا يوجد وزن أو قافية، بإمكانك "رص" بعض الكلمات بجانب بعضها البعض -كما "تُرص" أحجار المعسّل- لتصنع تشبيهاً لا معنى له، ثم تقوم بـ "رص" عدّة جمل وراء بعضها البعض لتصنع قصيدة! ومن ثم تقوم بـ "رص" عدّة قصائد فتمتلك ديواناً وتصبح الشاعر فلان الفلاني!، ولا أقصد أن أعيب هنا في قصيدة النثر، ما عنيته أن بإمكانك ببساطة أن تُثبت أن تلك القصيدة العمودية لا وزن لها، أو أن قافيتها فسدت في البيت الفلاني، لكن مع قصيدة النثر بإمكان "الشاعر" أن يُرجع عدم تذوقّك "للقصيدة" لقصور بك!
وبمرور الوقت ظهرت أيضاً قصص قصيرة وروايات لا معنى لها إطلاقاً، قصص و روايات من طراز:
"الرجل الكفيف الذى رأي فأراً أجرب؛ بينما كان هاتف صديقته مغلق، فجرى الكلب وراء الطفل؛ ممّا تسبب في إصابة الكهل بسرطان رئوي!"
..
ومع سهولة النشر وسحر ألقاب مثل (الفنان/الشاعر/ القصاص/الروائي)، أصبح الكل يسعى للنشر على طريقة "يعني همّ اللّي بينشروا أحسن مني؟!"، حتى أصحاب المواهب التي تحتاج إلى بعض الوقت ليتم تنميتها وثقلها أغراهم سحر الألقاب واتجهوا للنشر مباشرةً، فساهموا في إغراق الساحة الأدبية، فضلاً عن تخلّي معظمهم عن مواهبهم واتجاههم إلى نفس نوع "الكتابة" عديمة المعنى عملاً بمبدأ "اللي
تغلب بُه العب بُه"، لماذا أكتب أدباً حقيقياً وأستهلك وقتاً وجهداً، وأنا أستطيع النجاح بهراءٍ بحت؟!
..
ربما يختفي الأدب نهائياً بعد بضع سنوات-كما قارب الغناء الحقيقي على الاختفاء-، وربما نرى أدباً أيروسياً فقط، أو نرى جملاً "مرصوصة" ونحاول إقناع الأجيال الجديدة بأن هذا هو الأدب!
وليرحم الله أدباءنا الحقيقيين!

-----------------

ملحوظة: لا أقول هنا بأن كل الأدباء الذين ينشرون للمرة الأولى محض مدّعين، بعضهم موهوب ويستحق النشر بالتأكيد لكنني أتحدث عن السواد الأعظم.
..

على الهامش: الفرق الموسيقية والغنائية اللّي بدأت حاجة محترمة كرد فعل على موجة الهبوط بتاعة أغاني الفيديو كليب، قاربت أن تكون أكثر هبوطاً من الهلس التاني، وبقوا ماليين الساقية تحديداً، لدرجة إني بقيت أندهش لمّا أقابل حد مش عضو ف باند ما!

سم سم!

2008-09-08T16:58:00.006+02:00

كنت في الثامنة من عمري ربما، وسألني صديقي سؤالاً سمجاً -كعادة أسئلة وألعاب الأطفال في هذا السن-: " ايه الحاجة اللّي كلها على بعض حلوة ونصها بيموّت"؟..
كنت صغيراً جداً كي أتفلسف، فقلت بانتصار بعد بضع دقائق من التفكير السمسم!، ليقول صديقي الذي كان يتمنى أن أخطئ :"صح!"

..
اليوم أكتشف مدى سخف إجابتي ونقصانها؛ فالحقيقة أن العديد من الأشياء ينطبق عليها هذا الوصف!
ربما يكون الأبرز من وجهة نظري هو الزواج!، فالزواج حين يكون تتويجاً لحب يصبح الروعة ذاتها!، أما حين يكون الزواج هو البداية فحسب، بمعنى أن تكون الزيجة ما اصطلحنا على تسميته بـ"زواج الصالونات"، فهو الموت بعينه!
أن تدفن نفسك مع كائن لا تربطك به سوى "المودّة والرحمة" لهو أمر مثير للتقزز والغثيان بالنسبة لي، فضلاً عن طريقة الزواج نفسها والتي تشعرني بأنك ذاهب لابتياع حذاء!
وهو ما عبر عنه أحد أصدقائي حين ذهب ليرى فتاة ما في بيت أبيها ولم تعجبه، وحين سألته "هتخطبها؟" أجاب ضاحكاً " لأ طلعت ضيّقة".
هو قبل أن يتزوج على طريقة "ابتياع الحذاء"، وهي قبلت أن تكون الحذاء!
...
الأمثلة كثيرة للغاية عن الـ "سم سم"، لكن هذا ما أردت التنويه عنه!

على الهامش:
لما ببارك لحد من صحابي خطب أو اتجوز صالونات ويقول لي عقبالك، بمسك نفسي بالعافية إني أقول له بعد الشر!

تاج

2008-08-22T16:10:00.002+03:00

التاج دا جالي من شيماء الجمال من فترة كبيرة لكن للأسف النت كان فاصل عندي بقاله أكتر من شهر، جه يوم واحد وفصل تاني، بس يحيا الدايل اب بقى!

التاج إني أقول 6 حاجات عن نفسي اللّي يشوفني للمرة الأولى ما يكتشفهمش:

1-إني مش سايب دقني سُنّة ولا اكتئاب.

2--إني إنسان غير اجتماعي بالمرة، وبتعب لمّا أقعد مع أي حد فترة طويلة.

3-إني شديد الخجل، للأسف غالباً خجلي الزايد دا بيتفهم إنه قلّة ذوق:S

4-إني بعمل أي حاجة تطق في دماغي في أي وقت، لدرجة إني نطيت قبل كدا في النيل بهدومي! (عشان أعوم في النيل مش أنتحر!)

5-إني معظم الوقت بنام كام ساعة في النهار وبصحى الليل.

6-إن معظم صحابي أعرفهم من النت، ومعظمهم بينادوني باسم "فراس".(الاسم اللّي سجّلت به في غالبية المنتديات اللّي دخلتها)

مستهلَك!

2008-07-27T10:25:00.003+03:00

-لماذا تنظري إليه هكذا؟

-ألا تدري حقاً؟ أحبّه!

-دعكِ منه

(بدهشة)- لماذا؟

-إنه ميّت

-سأحييه!

-لن تستطيعي له نفعاً، إنه كــ"الأميرة النائمة"، ينتظر أميرته لتحييه!

-سأكون أميرته!

-لقد اختار أميرته من زمن!

-وهل تأتي؟

-لا!

-وهل يدرك ذلك؟

-بالتأكيد!

- لماذا ينتظر من لا ولن تأتي إذن؟

-شخص آخر بانتظار جودو آخر!

-أبله!

-ألا تتمنين من يحبك بهذه "البلاهة"؟

-بلى، لكني لن أضيعه!

(ابتسمت صديقتها في صمت)

-لماذا تبتسمين؟

- الجميع يقول ذلك، ربما حتّى هي قالته!

-صدّقيني، لم أكن لأضيعه.

(من جديد ابتسمت صديقتها)

(تجاهلت ابتسامتها): أبله! سيضيع حياته في سراب!

-لا تكوني مثله إذن وتضيعي حياتك في سرابه!

***

-هل مازلت تؤمن بإمكانية العودة للوطن؟

-هو إيمان أحيا من خلاله!

-وهل تؤمن بتحققه؟

-هل تعرف شعور مريض السرطان -المحب للحياة- في مراحل مرضه الأخيرة؟

يدرك أن لا شفاء من مرضه وأنه سيقضي بعض الوقت في ألم ثم يموت، لكنه يجبر نفسه على الإيمان بأن الشفاء قريب حتى يؤمن بذلك فعلاً!

-وماذا يحدث في النهاية؟

-يموت!

***
قالت: أحبك
فقال: كاذبة!
تسمّرت من ردة فعله ومن وقاحته فلم تنطق بحرف
استطرد: لم يعد بي ما يصلح أن تحبه فتاة!

***

-من تلك التي كنت تحادثها؟
-لا أعرفها، كانت تسألني عن طريق شارع ما
-لم أرها جيداً، أجميلة؟
-أنثى!
(بضحكة خبيثة)-تسألك عن الطريق فتلاحظ أنها مكتملة الأنوثة!
-لم أقل مكتملة الأنوثة، قلت أنثى!
-أوكنت أسألك عن جنسها؟!
- لكني لم أتبيّن سوى جنسها!

2008/7/5

بكم يتحرّر الأسرى..بكم تتحرّر الأرض!

2008-07-18T16:09:00.005+03:00

أقبّل نبل أقدامِ..بها يتشرّف الشرفُ!

جوليا بطرس..أحبائي

http://www.almanar.com.lb/NewsSite/VideoItems.aspx?language=ar

معادلة جبريّة..سيد حجاب

2008-07-17T19:27:00.006+03:00

الموت طرف

وعيشة القرف طرف

ولمّا تصبح الحقيقة عار
والكذب ع النفوس شعار

بتصبح البيوت..

قبور بلا صبّار

ويصبح السكوت ترف

ساعتها يبقى الموت...

طريقنا للشرف!

"أنا بحبّك"!

2008-07-15T04:32:00.004+03:00

كان فيه بوست تاني ناوي أنزّله النهاردة، بس جه فبالي سؤال وأنا قاعد مع هاني صاحبي من شوية ع النيل، وكانت إجابة هاني ع السؤال محبطة جداً ليّ، فقلت اسأله هنا يمكن ألاقي إجابة مشجّعة شوية.

ايه اللّي يحصل لو في المظاهرات اللّي ضد مبارك أخدنا معانا ورد أحمر ووزعناه على عساكر الأمن المركزي؟!

ولو ما رضيوش ياخدوه نحطّه قدامهم ع الأرض، ونشم الورد الأول عشان يطمّنوا إن الورد مفيهوش حاجة.

هاني قعد يضحك وقال لي العساكر هتقول عليكم gays-مثليين يعني-!

قلتله بتكلم بجد، قال لي وأنا والله بتكلم بجد!

قلتله إنه متأثّر بفيلم عمارة يعقوبيان، لكن ما أعتقدش العساكر هتبقى متأثّرة به، بعدين مش معقولة كلنا gays يعني، دا غير إن عادةً بيبقى فيه بنات في المظاهرات دي، فموضوع الـ gays دا مش هيبقى وارد!

قال لي هيضربوكم برضو!
قلتله مش مشكلة، يضربونا عادي..والمرة اللّي بعدها نديهم ورد برضو!
قال لي هيفضلوا يضربوكم على طول، ومفيش حاجة هتتغيّر.

أنا مش مقتنع بكلام هاني، وشايف إن مع استمرار الحركة بتاعة الورد دي لفترة، العساكر هتفهم الرسالة اللّي بحاول أوصلهالهم، " أنا بحبّك"، بعدين المفروض يتم تدعيم الحركة دي بهتافات مع العساكر، وممكن رسومات كمان تتحط على يفط كبيرة.

...

على الهامش: البلوج دا جميل قوي، بينشر أحدث المقالات المتميّزة، فبيوفّر على الواحد جهد كبير جداً.

..

2008-07-11T20:38:00.004+03:00

أنا مش تبع مخلوق يا سيدنا البيه

أنا حر في اللّي يقول ضميري عليه
وإن كنت تُحكم جُوّا مَلَكوتك

الشارع الواسع فاتح لي ايديه!

صلاح جاهين

تاج

2008-07-05T13:32:00.005+03:00

الكمبيوتر اتصلّح الحمد لله، فقلت أرد على التاج دا الأول، التاج جالي من عمرو عبد الصمد

هواياتي
والله دلوقتي ما بمارسش أي هواية خالص غير القراية، مافيش وقت ومافيش نفس.

عيوبي

عصبي جداً، دماغي ناشفة، بفقد حماسي بسرعة، بشيل جوايا وصعب أنسى الإساءات.

حاجات بكرهها جداً
هممم، لو قعدت أعد مش هخلص، بس ممكن أقول التمسّك بالعادات والتقاليد المتخلفة، الخضوع وعدم الثورة (الثورة بشكل عام، ما أقصدش ثورة ضد نظام سياسي بالتحديد)، التظاهر والادّعاء والنفاق.

حاجات بحبها قوي ومش بمل من تكرارها
أنا ملول جداً بطبعي فعادي إني أزهق من أي حاجة، بس ممكن أقول معظم أفلام آلبتشينو، ومعظم أفلام عاطف الطيب، وشعر نجيب سرور، ومعظم أعداد سلسلة سافاري بتاعة أحمد خالد توفيق.

سؤال بيستفزني

أنت سايب دقنك ليه؟

حاجات مؤمن بيها جداً
مش فاهم السؤال دا بالظبط، كوتس مثلاً؟ طيب لو كدا فيه عبارتين، الأولى لجيفارا وبتقول:
It's a sad thing not to have friends, but it's even sadder not to have enemies

والتانية لسارتر وبتقول:

Hell is other people

أكتر حاجة فاشل فيها
فاشل إني أحقق السعادة لنفسي!

وظيفة بحبها
أنا ما بحبش الشغل بشكل عام، ولو جمّعت فلوس تكفّيني لحد ما أموت مش هشتغل أصلاً

بس ممكن أقول راعي غنم، أو صيّاد، أو فلّاح ( من غير ترتيب)

مثلي الاعلي في الحياة

ماليش!

أنا ضد فكرة المثل الأعلى أصلاً، لأنك بتحط حاجة قدامك وبتحاول توصل لها..طيب أولاً لو المثل الأعلى دا ارتكب خطأ معيّن هل يبقى من حقي أرتكب نفس الخطأ دا؟
دا غير إنك بتحط المثل دا كإنه الكمال اللّي بتحاول الوصول إليه، ليه بتحط سقف لنفسك؟
ما تحط الكمال نفسه وتحاول توصل إليه!

يعني أسيب الصدق مثلاً وأتخذ واحد صادق مثل أعلى في الصدق؟

طيب ما أنت قدامك المعنى المجرد!

للأمانة فيه نقطة سقّطتها عشان مش عاوز أجاوب عليها (أمنيتي في الحياة)، وبمرر التاج لأمادو ، ومؤنس فرحان

لو التاج ما يضايقهمش

لمحات (3)

2008-06-19T02:19:00.007+03:00

ضمّت وليدها إلى صدرها في حنان، طبعت قبلة حانية على جبينه، وشرعت تطعمه الشوكولاتة التي يحبها...
توقفت فجأة قبل أن يكمل الشوكولاتة، وبلا سبب واضح...استلّت خنجراً من حقيبة يدها..قطعت ساقيه، وتركته ينزف ومضت...!
..

يسعل بشدة بعد استيقاظه، لتختلط آلام صدره بآلام ظهره وآلام أسنانه، يعد نفسه أن يكتفي بعُلبتي سجائر يومياً، يعد نفسه أن يذهب لطبيبي العظام والأسنان، يعد نفسه أن يجري نصف ساعة يومياً ليرفع من لياقته البدنية...وفي صباح اليوم التالي تتكرر نفس التفاصيل ونفس الوعود!
..
-ايه رأيك في ألبوم منير الجديد؟

- كويّس

-كويّس!!..كويّس بس؟!..دا رهيب يا ابني!

(بهدوء وابتسامة صغيرة بركن الفم الأيسر)-ما بقاش فيه حاجة رهيبة!

منذ أكثر من عشرة سنوات وهو يحلم بزيارة باريس، لكنه في الشهرين الماضيين وجد تفضيلاً غريباً في نَفْسه لزيارة لندن...

هل هناك علاقة بين هذا الأمر و بين لقبي المدينتين؟..ربّما، وربّما حتّى أحلام طفولته قررّت التخلّي عنه!

(باريس=مدينة النور، لندن = مدينة الضباب)

الهيروين لا يحنث بوعوده، يعدك بشيئين..أن يمنحك في المرة الأولى سعادة لا تُوصف؛ ستحلّق، تحقق أحلامك، وترى العالم كما أردته دوماً...

أما وعده الثاني فتحطيمك بعد ذلك!
من البديهي إذن أن تتنازل عن تلك السعادة الزائلة، لكن لو كنت مُحطّم بالفعل..فهي صفقة عادلة!

يونيو 2008

...

2008-06-11T00:20:00.005+03:00

لا نقدر تحتَ سياط القهر
أن نلقي النظرةَ خلفَ الظهر!

من "أيدوم النهر؟" لأمل دنقل

قد آن للقلب الجريح أن يستريح

2008-06-01T00:00:00.006+03:00

1 يونيو..ذكرى ميلاد نجيب سرور الله يرحمه..أتمنّى يكون نجيب استريّح فموته...

قد آن ياكيخوت للقلب الجريح

أن يستريح ،

فاحفر هنا قبراً ونم

وانقش على الصخر الأصم :

" يا نابشا قبرى حنانك ، ها هنا قلبٌ ينام ،

لا فرق من عامٍ ينامُ وألف عام ،

هذى العظام حصاد أيامى فرفقاً بالعظام.

(لزوم ما يلزم..نجيب سرور)
..

-لو ينفع تقول حاجة لنجيب هتقول له ايه؟
-هقول له إنّي بحبّه قوي، وهقول له معلش..وأطبطب عليه وأحضنه!

يمكن يكون فيه شعراء أبرع من نجيب..لكن شعر نجيب الأقرب لقلبي، شعره أكتر شعر بيخلّي جسمي يقشعر ويترعش، وأكتر شعر بيبكّيني
وأكتر شعر بيخلّيني أسرح، وأكتر شعر بيخليني أبقى مش دريان بالدنيا من حواليّ.
نجيب هوّ الشاعر الوحيد اللّي فعلاً حبّيته..حبّيته كشخص وأتمنيت أقابله رغم إني ما أعرفش عنه كتير.

نجيب سرور عاقل رغم أنوفكم ... د. مفيد مسوح

نجيب سرور..مأساة العقل...د. أبو بكر يوسف

تحت عباءة أبي العلاء نجيب سرور..حازم خيري

موقع نجيب سرور اللّي شهدي ابنه عمله

بالنسبة لتاني وتالت لينك..هيحتاجوا تظبيط للغة الصفحة
من فوق على الشمال
View
بعدين Encoding
بعدين Arabic Windows

الصفحة بتاعة نجيب فيها قصيدة " الـ ** أميات"..القصيدة فيها قباحة عالية لكن في نفس الوقت عبقرية
حبّيت أنوّه بس عشان لو الألفاظ دي بتسبب أذى لحد ما يدخلش الصفحة بتاعتها..لكن يقدر يدخل الموقع بتاع نجيب وما يدخلش صفحة الأميات.

لمّا عبد العزيز مخيون سأل نجيب قبل كدا على القصيدة دي نجيب رد وقال إن في عصور الانحطاط والهزائم بيبقى دا شكل الشعر!
اللّي هيقول دي قلة أدب بقى والليلة دي يفكّر الأول لو كان له روح نجيب ومر باللّي مر به نجيب كان هيكتب ايه؟
زي ما أبو العلاء قال:
"لا تظلموا الموتى وإن طال المدى..إني أخاف عليكم أن تلتقوا!"
..
ما حطّيتش لينك الويكي لأن فيه مغالطات وفيه كلام مكتوب بحيادية شوّهت الحقيقة للأسف
كنت أتمنّى أكتب عن نجيب لكن نفسياً مش قادر أكتب..التعليقات مقفولة عشان مش هسمح بأي كلمة وحشة عن نجيب في مدونتي.

!Hasta la victoria siempre

2008-05-14T00:00:00.009+03:00

النهاردة 14 مايو..الذكرى الثمانين لمولد جيفارا الله يرحمه والذكرى الستين للنكبة..مش حاجة غريبة إن الاتنين بيتوافقوا؟
مش هبقى تقليدي وممل وأعمل أبو العرّيف وأكتب كلمتين عن حياة جيفارا الكل عارفهم وموجودين في مليون ألف سايت..وعموماً دا جيفارا في الويكي العربي، و الويكي الإنجليزي.
حابب بس في ذكرى ميلاده أحط شوية ملفّات متعلقة به، وأفضفض شوية،الكلام من غير ترتيب ترتيب وعشوائي كدا لأني مش حابب ألزم نفسي بأي شيء..عاوز أبقى بتكلم براحتي وأكتب اللّي ييجي فبالي..

من الأشياء الطريفة اللّي زقزوق لفت انتباهي ليها إن مبارك مواليد 1928 برضو زي جيفارا!..مبارك أكبر من جيفارا بعشر أيام، وسبحان الله جيفارا مات سنة 67 و مبارك لسّه قاعد لنا:s
..
فيه حاجتين بيخنقوني جداً لما حد يقولهم...
الأولى لما ييجي حد يقول لك "بتحب جيفارا الملحد؟!.. يا أخي طب مهو فيه في الإسلام رموز كتير ولّا أنت زي القرع تمد لبرّه!"
طب وأنت مالك ومالي أنا كمان إذا كان ملحد ولّا لأ! هوّ عشان أحب حد وأحترمه لازم يبقى مسلم يعني؟! لازم يبقى زيي بالظبط وإلّا أرفضه؟!..فيه بقى واحدة عبقرية قالتلي فمرة جيفارا دا أصلاً تلاقيه كان غاوي شهرة! مادام مش "بيقاتل في سبيل الله" يبقى مدّعي!

تاني حاجة بقى بتخنقني لما تلاقي حد يساري يقول لك "شفت جيفارا؟..شايف بقى اليساريين عاملين ازاي؟"..وبقى جيفارا سبّوبة لليسار!
بغض النظر عن احترامي لليسار..جيفارا مش نتاج فكر اليسار.. جيفارا كان هيبقى نفس الشيء أياً كانت أيدلوجيته..بعدين مهو جيفارا كان بيوجه انتقادات حادة للاتحاد السوفييتي مثلاً!
..
من الحاجات اللّي بتخنقني برضو إن جيفارا بقى عامل زي "الكوكاكولا"!موجود في كل حتّة..تيشرتات وكابات (جمع كاب يعني)عليها صورته بيلبسها كل كلب بحر فيكي يا مصر (وفي العالم كله)!..كمية محلات فظيعة متسميّة على اسمه برضو وحاطين صورته على لوحتها..والمشكلة إن معظمهم كلاب بحر برضو!
فيه حلاق في مدينة نصر مسمي المحل بتاعه جيفارا وحاطط جوّا المحل صورة لمبارك!!..رحمتك يا رب.
..
بتخنق كمان إن الإسم بيتنطق في مصر غلط، ولحد سنتين تلاتة فاتوا ما كنتش أعرف النطق الصح أصلاً..النطق الشائع جيفارا بجيم معطّشة (زي حرف الـ J) لكن النطق الصح بجيم مصريّة (زي حرف الـ G)
..
من التناقضات الطريفة برضو إن مرة كاسترو قال عن نفسه وعن جيفارا وباقي الثوار في كوبا إنهم محرِّرين! ساعتها جيفارا رد عليه وقال لأ أنا مش محرر! مافيش حاجة اسمها محررّين..الشعوب بتحرّر نفسها!.. حصل ايه بعد كدا لكل واحد فيهم؟
جيفارا فضل ماشي على نفس الخط بتاعه.. وكاسترو بقى أوسخ من باتيستا وفضل قاعد لحد 2008، وبعدها راؤول Raúl أخوه مسك الحكم:s ..حكمتك يا رب!
..
من الجمل الجميلة لجيفارا الجملة اللّي بيقول فيها إن الحكّام الزبالة بيتغيّروا عشان ييجي بدالهم حكّام تانيين يبقوا زبالة!
ما عنديش فكرة امتى جيفارا قال الجملة دي وفأنهي موقف..بس مش تنطبق بالظبط على كوبا (باتسيتا وكاسترو)؟!
..
ما عنديش كلام أقوله عن ذكرى النكبة..لكن أنا مؤمن إن مافيش حاجة اسمها سلام مع إسرائيل تحت أي ظرف وبأي شروط! عشان يبقى فيه سلام بالنسبالي يبقى مافيش دولة اسمها إسرائيل! الأراضي الفلسطينية بالكامل ترجع للفلسطينيين ويزال إسم إسرائيل تماماً من أي مكان، وساعتها عشان احنا ناس محترمة نسمح "للّي كانوا إسرائيليين" إنهم يقعدوا في فلسطين وياخدوا ورق إقامة أو ما شابه، لأن شيء قاسي جداً إن حد اتولد واتربّى وعاش في مكان معين إني أطرده منه.. فممكن يُسمح لهم يقعدوا في فلسطين بشرط إن اللّي يقعد يكون أرتكبش مجازر وما شابه من القرف اللي بيحصل دلوقتي، وفي حالة إنه عمل أي تصرف مش مظبوط يتطرد بره على طول.
فيه مقالة جميلة كانت اتنشرت في إسلام أون لاين من فترة: حسام تمّام..هل يستفيد الفلسطينيون من خبرة حركة التحرر الوطني الجزائرية؟

دا ملف مضغوط فيه 6 مقاطع فيديو قصيرة لجيفارا في مواقف مختلفة..الملف مساحته أقل من 7 ميجا، والمقاطع بالأسباني طبعاً بس مُترجمة إنجليزي.

ودي الأغنية اللّي كتبها ولحّنها وغنّاها الفنان الكوبي الثائر كارلوس بابلو ، وغنّاها بعده ناس كتير..حطيت الأغنية لأكتر من شخص...

ودي كلمات الأغنية بالأسباني، وترجمتها بالإنجليزي

Carlos Puebla-Hasta Siempre Comandante Che Guevara

Nathalie Cardone - Hasta Siempre Comandante Che Guevara

Los Hermanos Carrion - Hasta Siempre Comandante Che Guevara

Buena Vista Social Club - Hasta Siempre Comandante Che Guevara

ودا الكليب اللّي عملته ناتالي كاردون للأغنية

http://www.youtube.com/watch?v=PEj7jnR--Dg

الكليب جميل جداً، لكن يعيبه مسخرة الرقص اللّي ناتالي رقصته في الأخر بلا مبرر!

ودا الكتاب اللّي "هـ.أ.غروس" و "ك.ب.فولف" عملوا معظمه من مذكرات جيفارا..الترجمة رديئة جداً والقراية من الكمبيوتر متعبة قوي برضو..بس يبقى الكتاب ممتع ويستحق القراية.
ودا كتاب حرب العصابات اللّي جيفارا كتبه..الكتاب بالإنجليزي ومجهد نوعاً ما في قرايته ( ما قريتش منه لحد دلوقتي غير عشر صفح) بس أعتقد إن من المفيد قرايته خصوصاً للذكور.
ودا ملف التورنت والترجمة لفيلم Diarios De Motocicleta (يوميات دراجة بخارية) الفيلم ناطق بالأسباني برضو، لكن زي ما قلت فيه ملف ترجمة عربي، الفيلم بيعرض رحلة جيفارا في أنحاء أمريكا اللاتينية قبل ما يوصل المكسيك ويقابل راؤول...الفيلم جميل جداً والولد المكسيكي اللّي عمل دور جيفارا (جائيل جارثيا برنال) فيه شبه كبير من جيفارا لمّا كان صغيّر وبشكل عام أداءه كان حلو، المشكلة بس في الفيلم بالنسبالي إني مش عارف هل جيفارا ما كانش بيدخّن سيجار لحد ما راح كوبا؟ لأن في الفيلم جيفارا ما دخّنش ولا سيجار!

بالمناسبة التورنت بطيء نوعاً ما لأن عدد السيدرز قليّل جداً..فياريت اللّي يحمّل الفيلم يعمل سيد للفيلم بالمساحة اللّي نزلها ع الأقل!

وأخر حاجة..الويكي فيه كذا قصيدة اتكتبوا في رثاء جيفارا، طبعاً من ضمنهم "جيفارا مات" بتاعة نجم.. ودي أغنية جيفارا مات بتاعة الشيخ إمام..الأغنية موجودة عند معظم الناس بس قلت أرفعها احتياطي.

..
شكراً لأنتي فيروس على المجهود اللّي بذله عشان يظبّط صورة جيفارا على العلم (f)

قصاصاتي (2)

2008-05-05T21:38:00.008+03:00

قصاصاتي (1)

***

أحمق من ينتظر أن يُمنح حقوقه..الحقوق لا تُمنح..بل تُنتزع!
..
قد تتسبب أشياء شديدة الاختلاف -لأشخاص مختلفين- في نفس الكم من الألم!
..
قد تتألم من أشياء لا تبدو مؤلمة بالنسبة لي..لكنّي سأبقى أتألم لأجلك
لا يعنيني ما يؤلمك..ما يعنيني حقاً هو أنك تتألم!
..
في القرن الحادي والعشرين تستبدلك فتاتك بآخر..كما تستبدل-بروتينيّة- جَورَبها المتّسخ بجَورَب آخر، فقط عمرك أطول قليلاً من عمر الجَورَب!
..
من البديهي أن الجندي الذي يتخلّف عن قتال العدو هو خائن، لا منطق للدفاع عن هذا الجندي بأن هناك جنوداً آخرين تخلّفوا أيضاً!
..
-فسّر لي تخلّف ذاك الجندي عن المعركة؟
-لقد خاف على حياته! لكن ذلك لا يُقلّل من نُبله!
-!!، وماذا يُقلّل إذن؟!!
..
كنت أظن قمة العجب أن أرى من ينادي بقيمٍ ما ثم يخالفها، لكني وجدت من ينادي بقيمٍ ما ثم يخالفها ويستمر في النداء بها!
..
نعم أتلفّظ بقبيح الألفاظ، ما ذنبي أن الصفات التفليدية تعجز عن وصف البعض؟!
..
"العار كل العار للرفاق..والمجد كل المجد لكلاب البحر!"
رغم يقينك هذا تعجز عن أن تصبح كلب بحر!
..
حمداً لله أن ( فيروز) لبنانية..لو كانت مصريّة لما غنّت "أنا لحبيبي وحبيبي إلِي"...
بالطبع كانت ستغنّي:
"أنا لخطيبي وخطيبي إلِي"!!
أما لو كانت ذكر لغنّت :
"أنا لحبيبي وحبيبي إلُه!"!!
..
"اوعي تنسيني..واتذكّري حنّا السكران"
لم تمنع نداءات ( فيروز) "بنت الجيران" من نسيان "حنّا السكران"!
"بعدُه حنّا السكران على حيطان النسيان..عم بيصوّر بنت الجيران"
وليرحم الله "حنّا السكران"!
..
أكتشف اليوم مدى عبقريّتي حين رفضت بإصرار تعلّم القيادة..أتخيل ما كان سيحدث لو أدمنت الذهاب إلى العمل بالسيارة، ثم جاءت زيادة أسعار البنزين!
كنت سأنفق ضعف راتبي ذهاباً وإياباً!

عمرو
2008

إضراب 4 مايو

2008-05-03T22:19:00.002+03:00

لمّا

2008-04-22T18:01:00.013+02:00

لمّا الدنيا بتيجي عليّ
بضحك جداً..بقعد أقهقه
بسمع صوت جوّايا بيهمس
مش هيغطّي الحزن عليّ
مش هتبان دمعات في عينيّ
لأ مش قوّة..دي قلّة حيلة
أصل الميت ما بيحزنش!

عمرو النحراوي
2007/11/21

على الهامش: امبارح بس أخدت بالي إن بقالي أكتر من 11 شهر ما جبتش لنفسي وردة!، وبقالي أكتر من 10 شهور ماحدش جابلي ورد، أخر وردة جاتلي كان ساندرل اللّي جابهالي من حوالي عشر شهور ونص في مناسبة سعيدة يا رب تتكرر.

فضفضة

2008-04-07T09:25:00.012+02:00

بيقال فيه كذا واحد ماتوا امبارح في المحلة..من ضمنهم طفل كمان:(

غير الناس اللّي اتصابت واللّي عينيهم راحت والناس اللّي اعتقلت..حسبي الله ونعم الوكيل.

ما أنكرش إني مبسوط باستجابة جزء لا بأس به من الناس امبارح..

والناس دي ما ماتش هدر يعني ولا اتبهدلوا كدا ببلاش..لازم نفتكر دا على طول..بس برضو مخنوق وزعلان جداً على الناس دي.

امبارح في المظاهرة اللّي كانت في نقابة المحاميين شفت منظر جميل قوي..كان فيه ست كبيرة سنها يمكن أكتر من 65 سنة..شكلها زي جدّة أي حد فينا..لابسة العباية والحجاب بتوع الناس الكبار وشكلها بريء وغلبان جداً ولابسة يافطة مكتوب عليها لا لمبارك.

فيه حاجة كمان نسيت أذكرها..إن عدد البنات كان كبير وأعتقد إن عددهم كان أكتر من الولاد كمان!

استغربت قوي من الموضوع دا بس فرحت بيه.

فيه دعوة ظريفة شفتها امبارح في الفيس بوك إن كلنا نصوم يوم الخميس 17 ابريل و ندعي عند الإفطار على مبارك وعلى الحكومة!

http://www.facebook.com/group.php?gid=11002991343&ref=mf

دعوة لصيام يوم الخميس 17 ابريل والدعاء على الحكومة وعلى كل ظالم من المسؤولين في هذا البلد والذين تسببوا في جوعنا وفي تخلف شعوبنا دعوة للجميع في هذا اليوم بأن يصوم ويدعو عند إفطاره على الحكومة وعلى كل ظالم يظلم من هو أضعف منه ندعو على كل من تسبب في تخلفنا وجوع الشعب فكما أن للصائم دعوة مستجابة فإنا نجعلها للمساهمة في إنكار المنكر في بلدنا وفي الإبتهال إلى الله بأن يرفع عنا غضبه وأن يرزقنا بمسؤولين عندهم ضمير بمسؤولين يخافون الله بمسؤولين يتقون الله فينا بمسؤولين يقودون بلادنا إلى التطور والنمو وإلى تحرير فلسطين بمسؤولين يكرمنا الله بسببهم لا بمسؤولين يجلبون علينا غضب الله ويظلموننا ويضطهدوننا ويجوعوننا ترى ماذا سيكون شعور الظالمين في الحزب الوطني والوزراء حين يعلمون أن الشعب كله يدعو عليهم في هذا اليوم ماذا سيكون شعور المحتكرين وهم يعلمون أن الشعب بكامله يدعو عليهم جبار قوي يمهل الظالم ولا يهمله ماذا سيكون شعور من يجادلون ويمررون القوانين في مجلس الشعب لإذلال الشعب وظلمه حين يعلمون أن 70 مليونا يدعو عليهم.

الفكرة ظريفة..وإن كان مش هيبقى فيه 70 مليون بيدعوا على الحكومة يعني.
وياريت مايجيش حد يقول لي هندعي على الحاكم والحكومة الفاسدة وبس؟..لا مش وبس، أي حاجة كويّسة تتعمل يعني..لمّا يبقى فيه إضراب الناس تضرب، يبقى فيه مظاهرة الناس تطلع،ومافيش مانع يوم زي دا نصومه وندعي عليهم.

وياريت كمان ما يجيش واحد سلفي يقول لي هتدعي على ولي الأمر!! طب ادعيله بالهداية يا أخي!

لا مش هدعيله بالهداية، هدعي ربنا ياخد أجله!

(يا ريت أي حد مقتنع بالفكرة يحط تنويه صغير في أي بوست في مدونته،و يقول لزمايله وأصحابه وأهله على الفكرة.)

دي مقتطفات متفرّقة لنجيب سرور..

اقرأ يا شيخ قفاعة
جرنان آخر سـاعة
شوف الدوله الشماعة
فاتحة للموت دكاكين
مليانة معتقلين
بتسمّيهم مجانين
شوف العلما المساجين
وعباقرة ومدفونين
والشعرا المدبوحين
وألوف الفنانين
وولادنا المخطوفين
فى السجن بنات وبنين
واتفرج ع الزنازين
عمال على فلّاحين
ماتقولـش علب سردين!
..

والشعب غنم متباعة
بالراس ولا فيها شفاعة
والخطف علينا مقاولة
والقبض علينا مقاولة
والقتل علينا مقاولة
وعصابة واسمها دولة

قول ع الهرم مواويل .. يا شعب يا قوّيل
خلّي التاريخ يحكي .. ع الشاكي والمشكي

الله يا شعب الله .. يا شعب دينه حياة
يا أرض مالها مثيل .. يا وهبة جابها النيل

يمين يا مصر يمين .. بالطين وغالي الطين
ما تعتّبك أقدام .. إلاَّ بخير وسـلام

وإن عتّبك طاغي .. دوري على الباغي
وإن عتّبك مغرور .. العقبى ع اللي يجور

وإن عتّبك طمعان .. ما يلاقي فيكي أمان
وإن عتّبك ملعون .. لو حتّى نابليون

والتين والزيتون .. والتين والزيتون
لا تولعي يا مصر .. ويكون ترابك جمر

ومصر هيّ مصر .. والوعد هوّ النصر
وتعالوا يا ولادنا .. واتوصّوا ببلدنا

وزي نن العين .. صونوها بين جفنين
يا شعب يا معلم .. يا ساكت اتكلم

***

ودي حاجة كان كاتبها خالد الصاوي

هييجي يوم والحب يكبر في الفؤاد
ويمد قدّامه الطرق..وينوّر السكك البعاد
ما يحده سور..ولا الكلاب ولا النمور
ولا الحرس والكشّافات والكلّابات
هييجي يوم ويتولد عمري اللّي فات
..
هييجي يوم مهما يطول الإنتظار
والحب يقدر ع الجدار
ويطل من طاقته الجميع
يتهد سور الانتظار
فوق الوحوش الشرّانية
تدبل على الدم الشظيّة
ويولّد الحب انفجار
هييجي يوم ويولّد الحب انفجار!

في عيد ميلاد البلوج...

2008-04-03T00:23:00.001+02:00

النهاردة يبقى فات سنة على أول بوست في المدونة..الناس عادة بتقول ياااه فات سنة؟ قوام كدا؟
لكن أنا مندهش إن كل دا مافاتش غير سنة واحدة بس!..باستثناء أول كام شهر في السنة دي، كانت طويلة جداً والوقت بيتحرك برتابة ورخامة مش طبيعية!
كنت عملت account على الblogger من فترة كبيرة..تحديداً مارس 2006..لكن ساعتها كنت عملت الaccount مجاملة لأحد الأصدقاء بعد إلحاح شديد منه إني أعمل بلوج..لكن ما ماكانتش عندي النيّة إني أعمل بلوج فعلاً.
يوم 2 ابريل 2007 سبت المنتدى اللّي كنت عملته مع ناس أصحابي..و ساعتها حسّيت برغبة ملّحة إن يبقالي مكان تاني أكتب فيه.
المنتدى دا بقاله موجود دلوقتي قرابة ال3 سنوات..و فيه ذكريات صعب الواحد ينساها...
من 3 سنين وشويّة كلّمت صديق و اقترحت عليه فكرة إنشاء منتدى -عشان المنتدى اللّي كنا بنكتب فيه اتقفل- والواحد طفح الكوتة لحد ما عمله..مش هنسى مثلاً لمّا الناس اتصلت بيّ الساعة 2 الفجر عشان أدخل ع النت عشان كان فيه عرض ما لسيرفر و عاوزينني أدخل ع النت لأن كلهم مجتمعين عشان نختار domain name للمنتدى،
ساعتها ما كانش عندي كمبيوتر في البيت أصلاً و نزلت جري في عز البرد رحت السايبر عشان نلحق العرض!
مش هنسى برضو يوم ما قعدنا أنا وواحد صاحبي على قهوة في وسط البلد عشان نعمل تقسيمة مبدأية لأقسام المنتدى و أساميهم و تعريفاتهم..ويومها كتبنا قسم او اتنين و قعدنا بقية اليوم نكتب رباعيات هجائيّة على بقية مؤسسي المنتدى كنوع من التهريج.و كتبنا رباعيات هجائية تانية لاذعة على بعض الأشخاص اللّي بنحتقرهم،ووصفنا خناقة حصلت قدامنا و احنا قاعدين ع القهوة.
وفيوم تاني كنا متفقين نتقابل كلّنا (مؤسسي المنتدى يعني) عشان نتفق على بعض الخطوط العريضة للمنتدى..يومها وصلنا أنا وصاحبي دا بدري شوية..وقعدنا نتخانق على مين أحلى ممثلّة..هوّ شايف سلمى حايك و أنا شايف كاثرين زينا جونز!
ولمّا كان بييجي الساعة 3 و 4 الفجر يقعد معايا في السايبر اللي بقعد فيها و نقعد نتّفق على حاجات تخص المنتدى ونجمّع ايميلات للدعاية و بعدين ناكل و نروح نشيّش ونرجع نلعب فيفا.
ولّا حامد اللّي كان بيجيلنا من شبين الكوم عشان نظبّط أمور المنتدى سوا.
بس على قد ما تعبت في المنتدى دا، على قد ما أنا سعيد جداً و فخور بقراري بترك المنتدى بلا رجعة لمّا حسّيت إني مش راضي عن التصرّفات غير الأخلاقية اللّي حصلت فيه، احترمت نفسي قوي لمّا تخلّيت عن حلم جميل كان عندي لمّا لقيته بقى كابوس لا يستحق العناء فيه..وإنّي لو استمرّيت ما كنتش هحترم نفسي.
وفنفس الوقت حافظت على علاقتي بأصحابي اللّي عملت معاهم المنتدى دا.
أرجع تاني للبلوج... و أحب أشكر أشرف جودت جداً لأنّي طلّعت عينيه في تظبيط البلوج معايا..واداني كتير من وقته عشان يظبّط اتجاه اللغة و يحوّله من اتجاه الحروف الانجليزي لاتجاه الحروف العربي..و تعبته عشان يعرف يخلّيني أكتب في البلوج بخط Tahomaوغيّرنا الثيم بتاع البلوج كذا مرة ولعبنا في ألوانة 100 مرة لحد ما رضيت عن الشكل الحالي..يمكن شكر متأخّر قوي لكن عموماً أشرف ماكانش مستنّيه.
أول ما عملت البلوج ما كنتش عارف بالظبط هكتب فيه ايه، بس حسّيت إني محتاج مساحة أقدر أتكلم فيها براحتي وخلاص..و توقّعت إني هكتب فيه كام بوست بعدين أهجره..لكن اديني بعد سنة اهو لسّه بكتب فيه!.. صحيت انقطعت كذا مرة لكن كل مرة كنت برجع أكتب برضو.
وجمال البلوج عن المنتديات إن الواحد بيبقى بحريّته أكتر في البلوج..وممكن يكتب أي كلام فارغ لمجرّد إنه عاوز يكتبه.
:Dولسّه ياما هيستحمل:Dالبلوج دا ياما أستحمل كآبة و بؤس من الواحد

..لدرجة إن "عطشان" قال لي إن فيه حد قال له أنا كل ما بدخل بلوج عمرو بكتئب..فسأله طب بتدخله ليه؟! قال له عشان عاوز أكتئب!
عموماً أكيد البلوج هيستحملني..أنا اللّي عملته وقدره بقى إنه بلوج واحد مكتئب!..بعدين أنا لمّا ببقى مبسوط بشاركه انبساطي برضو!
كل سنة و أنتي عايشة وأنا بكتب فيكي يا مدوّنتـ(ـي) العزيزة!

***
دا حوار دار بيني و بين عمرو فهمي(زقزوق) على الماسنجر..الحوار بيعبّر عن كلام بيدور جوّايا بقاله فترة و حسيت إن من الأفضل أنشر الحوار بدل ما أكتب الكلام تاني..استأذنت عمرو و ادي الحوار...اه بالمناسبة كلب البحر هوّ تعبير اعتادنا نطلقه أنا وزقزوق على الشخصيات الحقيرة أو اللّي بنتقزز منها!

عمرو عصام: الواحد قرب يقتنع إن هوّ اللّي كلب بحر!
عمرو فهمي: ؟
عمرو عصام: والله بجد،جاتنا نيلة،قاعدين نتريق على الناس و نقول دا كلب بحر و دا ابن ****** و دا مش عارف ايه،و احنا الخاسرين!
عمرو فهمي: هههههههههههههههه
عمرو عصام: من امتى الخاسر بيكتب التاريخ؟
عمرو فهمي: لسه جيهان قايلة لي،المنتصر يكتب التاريخ، بس قالت لي ده على اساس اننا المفروض نقرا التاريخ الحقيقي اللي كتبه الخاسر
عمرو عصام: لازم نعترف..احنا اللي كلاب بحر يا عمرو!
عمرو فهمي: تاريخ المنتصر فيه زيف كبير، واللي هيقراه وهو مغمض يبقى ** *** الصراحة
عمرو عصام: اه بس تاريخ الفائزين هنا يستحق القراءة،ليه كلب بحر زيّك ولّا زيي يكتب التاريخ و يخنق ع الناس بفلسفته العقيمة اللّي ما حققتلوش غير الخسارة؟!
عمرو فهمي: :d عشان بنبيع
عمرو عصام: بنبيع ازاي؟، بنحقق مبيعات يعني؟
عمرو فهمي: اه، الناس عايزة ده، مضربناش حد على ايده، وقلناله اقرا يا ** ***
عمرو عصام: عشان الناس بتقرا تاريخنا كتسلية..لكن من جوّاهم عارفين إننا كلاب بحر خاسرين!
عمرو فهمي: وهما ولاد ****** رأيهم ميلزمنيش، خليني اعمل قرشين منهم وابيع لهم
عمرو عصام: لا تأخذ نصيحتك من خاسر! ليه مصرّين نكتب أفكارنا؟! عشان نوكس بقية الناس معانا؟!، الواحد فقد إيمانه بنفسه خلاص!
عمرو فهمي: صب لي كاس يا شهدي:d
عمرو عصام: هههههههههههههه، بمناسبة نجيب بقى..
"لا شيء بعد الأفق يا ملّاح غير الأفق..كل الكون بحر!"
عمرو عصام: عارف..فمرة واحد بيقول لنجيب أنت بتشرب كتير قوي،قال له عشان أنسى!، قال له تنسى ايه؟،قال له و أنت شايفني فاكر؟!
عمرو فهمي: :d

(النجوم الموجودة في المحادثة دي كان مكانها شتيمة..ونجيب اللّي اتكلمنا عليه هوّ نجيب سرور طبعاً..وشهدي دا ابنه، وبيت الشعر المكتوب من قصيدة "لزوم ما يلزم" لنجيب)

كلب البحر

***

فيه لعبة بلعبها اونلاين على النت بقالي سنتين و نص تقريباً..اسمها Medal of Honor..اتعرفت منها على ناس كتير قوي من جنسيات مختلفة..وانضمّيت لفريق فرنساوي فيها من حوالي سنتين.

من كام يوم قررنا نحل الفريق وندّي الفترة الباقية في السيرفر لفريق فرنساوي تاني أصحابنا..بدل ما فلوس إيجار السيرفر تضيع و ماحدّش بيستعمل السيرفر.

يومها اكتئبت جداً..أولاً عشان حاجة بحبّها راحت..و ثانياً عشان ناس كنت بحبهم جداً (رغم إنّي ما أعرفش حاجة عنهم تقريباً) مش هعرف أي أخبار عنهم و علاقتي بيهم هتتقطع!

أما السبب الأهم إنّي تخيّلت إن ناس ما أعرفهمش قوي و ماشفتهمش حتى و زعلان و متضايق جداً إني مش هشوفهم في اللعبة تاني ولا هعرف أخبارهم..ما بالك بقى بأهم إنسان عندك في الدنيا!
تخيل إن ممكن الإنسان دا يتعب قوي أو يجراله حاجة -لا قدّر الله- وأنت ما تعرفش!

تخيّل إن ممكن يبقى الإنسان دا حزين جداً و أنت ما تعرفش ولا تعرف تساعده و تخفّف عنّه!

تخيّل إن لمّا حد عزيز عليه يموت مش هتعرف ولا هتعرف تعزّيه وتشد من أزره!

تخيّل إنك مش هتعرف تفرح لفرحته!..ولا هتعرف إنجازاته وتفخر بيه!

حتى يوم ما تموت مش هيبقى جنبك! ويوم ما هوّ يموت مش هتعرف حتى!!!!

ممكن يكون أخر شخص ييجي فبالك وأنت فلحظات الاحتضار..أو زي ما ناظم حكمت بيقول :

" وفي مغيب آخر أيام عمري..
سوف أراك،وأرى أصدقائي،
ولن أحمل معي تحت الثرى غير حسرة الأغنية...
التي لم تتم!"

--------------------------------------------------------------------------------------

على الهامش: البوست طويل جداً، وتقريباً مفيهوش غير كلام شخصي أضعت وقت القارئ فيه، بس عذري إن النهاردة ذكرى إنشاء البلوج فمن حقي أرغي وأهرتل و أستعيد بعض ذكرياتي.

دي أغنية يا اللّي فؤادك بتاعة فريق بلاك تيما..الأغنية كان "عطشان" بعتهالي، ومن أوّل ما تسمعها تكتشف سذاجة الملّحن..الكلمات جميلة جداً و اللحن برضو جميل جداً..لكن فيه مشكلة فظيعة في الأغنية إن اللحن مرح جداً والكلمات كئيبة جداً!!

لكن بعد ما سمعت الأغنية كتير جداً بقى اللحن كمان بيكئبني!..بقيت أحس إن مرح اللحن دا بيمثّل مرح ما كان!

لمحات (2)

2008-03-31T00:15:00.000+02:00

لمحات(1)

***

قال: أنت "جميل"!.. أنت إنسان "جميل"!
ابتسمت...
قال: لا أجاملك..صدقني..أنت جميل..لكن أتدري؟..هذا العصر لا يناسبك!
ثم استدرك ضاحكاً: أتدري؟..ولا أي عصر آخر يناسبك!
وضحك.. وضحكتُ!
***
بالأمس، حين "ضبطّتُ" نفسي أجري هرباً من المطر، أيقنت أني لم أتغيّر فقط..بل هناك شخص آخر يسكن بداخلي!
***
في حفل زفاف أخيه، وعلى نغمات "سهر الليالي" اصطف الذكور بجانب بعضهم البعض، و الإناث في مقابلتهم بجانب بعضهن البعض أيضاً، ليتقدم كل صف و يلتقوا في المنتصف....لكنه -برغم سعادته- لاحظ أن الإناث كانت تخطو خطوة أو خطوتين بينما يكمل الذكور بقية المسافة!
***
قالت: أنت تستحق أن تكون سعيداً!
قلت: صدّقيني..الجميع يستحقون أن يكونوا سعداء!
***
?he asked her: how do you see me in 20 years
she replied: I see you almost like a French artist! in a house filled with books, with a beret and a
.pipe
?he asked: is there any chance that there's a woman(wife) living with me
she replied: of course,and she tolerates your eccentric behaviour because she is so proud of your creativeness,because you write poems for her that you read to her at night in the garden! and
you keep shouting at the children to be quiet because you are trying to
!write a masterpiece
:he
( :
she continued: at night, you sit drinking coffee and eating sweets, you with your pipe and she is
.sewing and the children are in bed asleep
:he
(F)
she: thanks hunny xx
he: you are welcome..and Ah..thank you..but I've to say that isn't how you see me in the future..that's what you
! hope for me
***

(1)

المكان: شبين الكوم..على أحد ضفّتي النيل
الزمان: الساعة الثانية بعد منتصف الليل
المشهد: فتَيان نحيفان حزينان، يبدو على أحدهما الحسرة الشديدة واصفرار الوجه و التعب،بينما يبدو على الآخر العجز الشديد -عن مساعدته-
تنسال الدموع من عين الفتى الأول وهو يتحدث بحرقة عمّ كان، يحاول الفتى الثاني أن يخفف من آلامه، لكنه لا يعرف ماذا يقول فيبكي على رفيقه!
بين الحين و الآخر يعبر شخص ما بالطريق و ينظر للمشهد بدهشة مشفقة.
لا يبدو عليهما إنها يباليان به حتى!

(2)

المكان: القاهرة..على أحد ضفّتي النيل
الزمان: الساعة الثانية بعد منتصف الليل
المشهد: نفس الفتَيان النحيفان الحزينان، لكنهما تبادلا الأدوار هذه المرة..فالفتى الثاني هو من يبدو عليه الحسرة الشديدة واصفرار الوجه و التعب،بينما يبدو على الفتى الأول العجز الشديد -عن مساعدته-
تنسال الدموع من عين الفتى الثاني وهو يتحدث بحرقة عمّ كان، يحاول الفتى الأول أن يخفف من آلامه، لكنه لا يعرف ماذا يقول فيبكي على رفيقه و على نفسه أيضاً!
بين الحين و الآخر يعبر شخص ما بالطريق و ينظر للمشهد بدهشة مشفقة
لا يبدو عليهما إنها يباليان به حتى!

(3)

المكان: القاهرة..على أحد المقاهي
الزمان: الساعة الثانية بعد منتصف الليل
المشهد: نفس الفتيَان النحيفان الحزينان، لكن من الصعب أن يرى العابرون حزنهما هذا أو يشعران به، فقد انهمكا في حديث ساخر، يسخران من كل شيء..حتى من أنفسهما! ثم يضحكان بعنف!
ينظر إليهم بين الحين و الآخر بعض روّاد المقهى بدهشة حاسدة.
ينتبه الفتَيان لنظرات الناظرين..فيبتسمان لبعضهما البعض،ويقول أحدهما.. "أراهن أنهم يحسدوننا على ضحكاتنا!"
فيجيب الآخر.."آه لو يعرفون!"
--------------------------------------------------------------------------------------

على الهامش..
من شوية كنت بسأل واحد صاحبي إذا كان هيُضرب يوم 6 ابريل..قال لي مش عارف ..لو المدير وافق يديني اجازة!
الصبر من عندك يا رب!

ملعون أبو الشتا!

2008-03-20T23:57:00.006+02:00

ملعون أبو الشتا
ملعون أبو المطر
ملعون أبو دا شجر
ملعون أبو فرع أخضر
بقى خالي م الورق
..
ملعون أبو البرود
من غير حنان يدفّي
ملعون أبو المطر
إذا كانش جاي يروي
ملعون أبو ضي أزرق
بيرعش في السما
عمره ما يقدر ينوّر
ليل عتمتي أنا!
..
ملعون أبو قهوة سادة
في قهوة جنبنا
بقعد وحيد أشربها
وحبيبتي مش هنا!
..
ملعون أبو الشوارع
خالية من البشر
مفيهاش ولا حضن واحد
يحميني في السهر
..
ملعون أبو الضباب
مانعني منّها
ملعون أبو القمر
بيحجب وشّها!
..
ملعون أبو الشتا
وحبيبتي مش هنا!

Vivaldi-Winter

عمرو النحراوي
20/11/2007!

ليه؟!

2008-03-17T04:41:00.007+02:00

ليه يا زمان"سيبتنا" أبريا(ء)!

الجملة لعطشان ..معارضة لـ "ليه يا زمان ما سيبتناش أبريا(ء)" من تتر مسلسل ليالي الحلمية..كلمات سيد حجاب.

و الصورة برضو عطشان اللي كان بعتهالي.

..
بس أرجع و أقول..لا تتغيّر...

كلنا سوا..لا تتغيّر!

عن عصفور...

2008-03-05T14:07:00.001+02:00

امبارح وأنا مروّح قررت أتمشّى مع أنتي فيروس (واحد صاحبي) لحد بيته ومن هناك أخد تاكسي..كانت الساعة حوالي واحدة ونص الفجر..المهم واحنا ماشيين شفت على الرصيف جنب شوية شجر منظر وجعني جداً..عصفور رقبته ورجليه مقطوعين..مش باقي منه غير جناحين وأوّل الرقبة.

الأول المنظر تعبني جداً فمشيت بسرعة..بعد كام خطوة حسيت بالذنب ورجعت تاني..لقيت كيس مولتو فاضي..فمسكت العصفور -أو بقايا العصفور!- بيه..
وحفرت حفرة في التراب جنب الشجر عشان أدفنه فيها..مسكت كيس المولتو عشان أمسك العصفور بيه..بعدين حسيت بالاشمئزاز من نفسي!

تخيلت لو أنا ميّت وفيه حد قارفان يلمسني بإيده!.. رميت الكيس ومسكته بإيدي ودفنته في الحفرة وأهلت عليه التراب..

بعدها قعدت على الأرض شوية عشان ما كنتش حاسس برجلي.

بعدها كمّلنا مشي وأنتي فيروس حكالي موقف غريب وعقد مقارنة بين الموقفين..قال لي على طفل أمريكي لقى سنجاب ميّت..قام جاب عساكر أمريكان لعبة وقام حاططهم فوق السنجاب ومصوّرهم!

قال يعني الجنود الأمريكان البواسل أزالوا الخطر و قتلوا العدو!

***

بعد ما أنتي فيروس وصل لبيته و طلع عدّيت الشارع عشان أركب و أروّح..بعدين جه فبالي خاطر معيّن..فرجعت تاني أدوّر على المكان اللي دفنت فيه العصفور..لقيت كيس المولتو الفاضي وجنبه مكان التراب فيه عالي(المكان اللّي دفنت فيه العصفور)...

حفرت تاني مكان ما دفنت العصفور..وطبطبت عليه..بعدين قطعت ورقة شجر ودفنتها معاه!
مافيش سبب واقعي خلّاني أعمل كدا..الفكرة إني حسّيت إني شفت نفسي في العصفور دا..
وافتكرت "حكاية عن عصفور و عن ورقة شجر"
حبّيت أجمع العصفور و ورقة الشجر في الأخر مع بعض...

و بعد ما عملت كدا حسيت براحة

--------------------------------------------------------

على الهامش...

امبارح حضرت حفلة وجيه عزيز..الحفلة ما كانتش رائعة بس كانت كويّسة..فيه كام أغنية وجعوني قوي..زقزوق كان قاعد جنبي و كان حاسس بيّ من غير ما أتكلّم..و ألاقيه بيطبطب عليّ...(f)

المعلّم حلمي نخنوخ

2008-02-22T20:22:00.012+02:00

كتبت (المعلّم حلمي نخنوخ) منذ أكثر من ثلاثة أعوام.. .واعتقدت حينها أن الأسلوب المستخدم هو الأفضل..و بالرغم من زوال اعتقادي هذا..إلا أنني حرصت عند نشرها الآن على نشرها كما هي! فقط أصلحت بعض الأخطاء الإملائية البسيطة..و أزلت بعض الأجزاء التي لم أر لها قيمة في النص، لكنني لم أغيّر أسلوب كتابتها أو صياغتها..أي لم أكتبها من جديد..رغم تأكّدي أن النص سيصير أفضل لو كُتب من جديد..لكنني فضلت نشره هكذا..حتّى لا يضيع إحساسي به في أسلوب جديد!
-----------------------------------------------------------------------------------------------------
المعلّم حلمي نخنوخ

عفواً..
ليس المعلّم حلمي نخنوخ عمّي أو خالي..ليس أحد أقربائي..
و لا أعدك بأن تجد اسمه مدوّناً في إحدى صفحات كتب التاريخ..
و لا أعتقد أن أذنيك ستلتقط اسمه..أو تقع عليه عيناك ذات يوم...
هو فقط إنسان..وهذا كل شيء..!!
..
عاش المعلّم حلمي نخنوخ كأي إنسان.
ارتكب بعض الجرائم قد يكون أفظعها النوم دون غسيل أسنانه...وقد تكون وصلت الى الإتجار بالمخدرات !
كما أنه قام ببعض البطولات التي قد تصل إلى كونه أحد أبطال حرب أكتوبر...وقد لا تتعدى عبوره بأحد المكفوفين الطريق!
في هيكله الخارجي
وملامح خلْقه يشبهك..أو يشبه صديقك..أو معلمك..أو حتى زوج خالتك!
لا تلقي بالاً لملامح وجهه..فكل الوجوه تتشابه !
وعن ديانته..فليست ضمن حديثي اليوم.
أما عن أفكاره والشهادات التي حصل عليها وجنسيته ومكان سكنه وقيمة راتبه ومطربه وكاتبه المفضليْن..فلا تلقي بالاً لمثل تلك التفاهات..
ماذا يعنيك إن كان يعشق العندليب الأسمر..أو يعشق حسن الأسمر؟!
ماذا يعنيك لو كان راتبه الفاً أو مائة ألف؟!
ماذا يعنيك لو كان مهندساً أو لو كان كناساً؟!
حقاً أنتم معشر البشر تلقون بالاً لأشياء ليست ذات أهمية !
..
انتهت حياة المعلّم حلمي نخنوخ(اعذرني لإصراري الدائم على إرفاق لقبه به..لكن لم يبق للرجل شيئا غير لقبه..أحتّى هذا تستكثرونه عليه؟!)
انتهت حياته كأي انسان..مات المعلّم حلمي نخنوخ_رحمه الله_و دُفن..
لا..بل انتهت حياته على صفحة نعي في جريدة ملقاه على أرضية غرفتي! (حتى لا تخدش منضدة الهاتف سيراميك الغرفه..!!)
..
مات المعلّم حلمي نخنوخ نادماً على جرائمه..
مات المعلّم حلمي نخنوخ نادماً على أنه لم يزد من بطولاته..
مات المعلّم حلمي نخنوخ نادماً على وقته الذي أضاعه في تفاهات !!
مات المعلّم حلمي نخنوخ نادماً على وقته الذي لم يعط لنفسه فيه فرصة التأمل!...و التأمل فيما يفعله !
مات المعلّم حلمي نخنوخ و قد ازداد حكمة !!
فهل تُعطي لموته معنى وتزداد أنت الآخر حكمة؟!..
أم أن الإنسان كُتب عليه أن يظل جاهلاً طوال حياته..ولا يستفيد من حكمة أسلافه؟!..
الحيوانات تتناقل الخبرة من جيلٍ إلى جيل..لكن يبدو أننا نُصرّ على أن نجعلهم أكثر رقياً منّا !
تأمّل..فربما لن تجد اسمك حتى على صفحة هذه الجريدة على أرضية تلك الحجرة في ذاك المنزل..!!

2004/12/1

خواطر..(1)

2008-02-10T03:05:00.002+02:00

المقصود بالخواطر هنا شوية أفكار جت فدماغي و ألحّت بما فيه الكفاية إنها تخليني أكتبها..مافيش رابط معين بين الأفكار دي و بعضها..مجرد حاجات جت فدماغي.

حطيت رقم واحد لأني كنت عاوز أكتب عن 6 أفكار لكن بعد ما كتبت 3 حسيت إن البوست بقى طويل قوي..فقلت أسيب الباقيين لمرّة تانية بقى.

(updated)

------------------------------------------------------------------------------

الخوف

"!The oldest and strongest emotion of mankind is fear"

H.P. Lovecraft-

عندما فكرت في المخاوف الشائعة و حاولت تصنيفها وصلت لأربعة أنواع من المخاوف؛
خوف مبرَّر حيال شخص-أو شيء- ما نحبه (صديقك صدمته سيارة و هو في حالة صحيّة حرجة)

خوف بالغ و غير مبرَّر حيال شخص-أو شيء- ما نعشقه بشدة..(حبيبتك تعاني من برد بسيط)

خوف مبرَر من شيء-أو شخص- ما (الخوف من المستقبل خاصةً في دولة كمصر)

خوف بالغ غير مبرَر و غير منطقي من شيء-أو شخص- ما "فوبيا" أو "Phobia" (الخوف من الأماكن المظلمة..الخوف من الأماكن المرتفعة..الخوف من حيوانات بعينها..القائمة طويلة حقاً)

"!A good scare is worth more to a man than good advice"

Edgar Watson Howe-

قد تكون بعض المخاوف مَرَضيّة بالفعل..لكني مازلت أجد في معظم المخاوف-باستثناء الفوبيا- شيء صحّي!

كيف ذلك؟الخوف شعور مؤلم!

هو مؤلم بالفعل ..لكنه يحمل في طياته دلالة جيّدة...

تخاف على صديقك أن يموت؟..إذن أنت تملك صديق تحبه!

تخاف على حبيبتك من "دور برد بسيط"؟..إذن أنت تملك حبيبة تحبها بجنون!

تخاف من المستقبل؟..إذن أنت تملك في حاضرك ما تخاف من فقدانه في المستقبل!

أنت تخاف على الشيء لأنك تملكه..لو لم تمتلكه لما خفت!

صدّقني..لن تكون سعيداً لو لازالت مخاوفك لأن صديقك مات،أو حبيبتك رحلت،أو أنك فقدت بالفعل ما خفت من فقدانه في المستقبل!

الخوف من فقدان الأشخاص و الأشياء هو ما يجعلك تدرك قيمتهم.

عرفت أشخاصاً خافوا من فقدان شخص/شيء ما في المستقبل فتفانوا في السعي إليه،

و عرفت أشخاصاً خافوا من فقدان شخص/شيء ما في المستقبل فتخلوا عنه طوعاً في الحاضر!

ما هو أفظع شعور بالخوف؟

ألا تخاف! أن تدرك أنك لم تعد تملك ما تخاف عليه! حينها ستشعر بخوف قاتل!

خوف يشعرك بقيمة الأشياء-التي تعرف قيمتها بالفعل-لكنك فقدتها رغم كل ما بذلته للحفاظ عليها!

***

شؤون صغيرة

شؤون صغيرة دا عنوان قصيدة بموت فيها لنزار قباني رغم إني ما بحبش نزار أصلاً.
المهم..كلامي مالوش علاقة بالقصيدة يعني..بس الاسم مناسب للّي عاوز أقوله...
فيه حاجات صغيّرة قوي صحابي بيعملوها..و رغم إنها كأفعال صغيرة قووووي..بس بتعنيلي كتير قووووي!
خد عندك مثلاً..

من شهر و نص كدا كنت بكلم حامد ع الماسنجر..و في وسط الكلام قلتله إن نفسي أكل آيس كريم من محل عنده في شبين الكوم..كنا أكلنا أنا و حامد منه قبل كدا..
من عشر أيام تقريباً كنت رحت لحامد شبين..كان الوقت متأخر نوعاً ما..الساعة كانت عشرة بالليل تقريباً ساعة ما اتقابلنا..و أول ما اتقابلنا قال لي "تعالى نركب تاكسي عشان محل الآيس كريم اللّي أنت بتحبّه بيقفل بدري"!
أنا نفسي ما كنتش فاكر الآيس كريم ولو كنت افتكرت ما كنتش ههتم يعني!
فعلاً فرحت قوي باهتمام حامد دا.
..

في ذكرى ميلادي اللّي فاتت على الساعة 12:8 am جاتلي ميسدج..
و رغم إني ما كنتش عاوز أتلقى تهنئة يعني لأني بكره اليوم دا جداً أصلاً..بس انبسطت قوي من الميسدج دي
الميسدج كانت من ولاء..الجميل في الميسدج بقى نَصّها
wish you a year better than ever before,Rabena yedeek w yerdeek
حسيت إن الميسدج تم اختيارها بعناية..مناسبة ليّ و لحالتي النفسية جداً..و الدعاء أسعدني بشكل خاص.
..

في نفس اليوم برضو (ذكرى ميلادي) دخلت على الماسنجر على الساعة واحدة كدا..ما كنتش قادر أكلم حد بس اكتشفت إني لو فضلت قاعد مع نفسي كدا هنهار..المهم أول ما دخلت لقيت صديقتي الانجليزية شارون (مسيحية مش يهودية بالمناسبة) كتبتلي بالفرانكو kol sana wenta tayyeb !
رغم إني ما كنتش مستعد للجملة دي نهائي في الوقت دا..بس انبسطت جداً لأنها من شارون!
شارون اتعلمت مني كلمات عربي بسيطة جداً..زي السلام عليكم و وعليكم السلام و إن شاء الله و صباح الخير و مساء الخير و تصبح على خير و سلام و حاجات كدا..و من حوالي شهر سألتني يعني ايه happy birthday فقلتلها الترجمة الحرفية يعني عيد ميلاد سعيد بس احنا بنقول في البيرثدايز كل سنة و أنت طيب.
سواء سيّفت الجملة أو حفظتها فالأمر لا يعنيني قوي..كفاية إنها فاكرة يوم ميلادي من أكتر من شهر.. و اهتمت تهنّيني بالعربي!
..

يوم الأربعاء اللّي فات زقزوق (عمرو فهمي)..كان مكتئب..المهم اتقابلنا..لقيته جايبلي نسخة من مشروع التخرج بتاعه..و كاتبلي على المجلّة إهداء أسعدني جداً...
"قد أكون كتبت إهداءات كثيرة قبل كلماتي المتأخرة هذه...و لكني اعتدت منك دوماً أن تعذر تأخيري...و أن أجدك دون موعد...
قد أخسر كثيراً في حياتي...و لكن تبقى أخي من أغلى من كسبت في هذه الرحلة على هذه الصفحة المطوية...
إليك محبتي"
عمرو كان عاوز يجيبلي النسخة دي من زمان..بس احنا ما بنتقابلش كتير قوي و في نفس الوقت هوّ مسطول زي حالاتي!
بس انبسطت إنه افتكر في اليوم دا بالذات..لأنه افتكرني و هو في أزمة! فعلاً دا عنالي كتير قوي.
..
(f)
أتمنى أكون بجيد إسعاد أصحابي زي ما بيسعدوني!

***
قدر؟

فيه مواقف هايفة و بسيطة قوي بتحصل ببساطة لكن بيترتب عليها حاجات أكبرعمرها ما كانت في بال الواحد..أحياناً بتغيّر حياة الواحد بأكملها!
فيه مثل واضح قوي على حاجة بسيطة قوي كدا لكن غيّرت حياتي بالكامل..لكن للأسف مش هقدر أذكره فهستعين بمثال يمكن ما غيّرش حياة حد..بس مؤثّر برضو.

و أنا في 3 ثانوي عصام صاحبي قال لي أبقى أسمع برنامجين في الراديو، لكني كالعادة نسيت و بيني و بينكم البرنامجين ما بدوش انتيريستينج بالنسبالي يعني فما وجعتش دماغي قوي.. فات أكتر من شهر يمكن قبل ما فيوم أفتح الراديو عشان أسمع موسيقى، و بالصدفة و أثناء منا بحوّل في الاذاعات المختلفة لقيت اذاعة بالانجليزي..لقيت الكلام زي مسابقة في الslang كدا..ساعتها افتكرت إن دا البرنامج اللّي عصام قال لي عليه..كان برنامج بتاع يمنى سماحة على البرنامج الأوربي..فقعدت أسمعه في الأول عشان خاطر عصام مش أكتر.
بعدها ابتدى يشدّني..و مش فاكر في نفس اليوم ولّا الأسبوع اللّي بعده سمعت البرنامج التاني اللّي عصام كان قال لي عليه..تقريباً اسمهtalkshow..و هوّ برنامج talk show عادي يعني..بس ظريف بيقدمه أشرف و أسامة بس مش فاكر الlast names بصراحة.
بعد كدا البرنامجين عجبوني و بقيت أتابعهم لكن عمري ما اتصلت بسبب خجلي الزائد يعني.
المهم بمرور الوقت ابتديت أعرف الناس اللّي بتتّصل شوية..و أحب فلان و أتخنق من فلان و هكذا..و كان من ضمن الناس اللّي حبيتهم أحمد أبو الوفا..بعدها فمرة قال ايميله في البرنامج.
فتبجّحت و ضفته ع الماسنجر..المهم بعدها بقينا إلى حد ما أصحاب..و بعد كذا سنة دعاني أكتب في Cultural Workshop
و من هناك عرفت ناس كتير..و بعدها دعيت ناس منهم يكتبوا في منتدى(نورماندي) كنت عملته مع ناس صحابي..و بالفعل بعضهم لبّى الدعوة و بقى يكتب هناك..و الناس دي اتعرفت على ناس من نورماندي و بعضهم بقوا أصحاب كمان..و بعدها بفترة أنا سبت نورماندي كله و الناس دي فضلت هناك.

لمّا بتخيل إن لولا إني في اليوم دا و الميعاد دا تحديداً كنت عاوز أسمع موسيقى ما كنتش عرفت الناس دي،و مش بس كدا..دا فيه ناس ما كنتش أعرفها اتعرفوا على بعض بسبب الموقف دا!

طيب لو دخّلنا الحسبة موقف كمان؟

حامد أنا عرفته بصدفة برضو من الشات بتاع مصراوي..كنت في الفترة دي بطلت أدخل ع الشات أصلاً بقالي مدة..بس مش فاكر ايه اللّي خلاني يومها أدخل..و كنا بنتكلم في وسط الروم أنا و هوّ و واحد تاني عن الشعر و كدا..بعدها اتعرفنا أنا و هوّ و دلوقتي بعتبره أقرب واحد لروحي!
طيب فيه ناس أصحاب حامد و أنا ما أعرفهمش نهائي..جابهم نورماندي برضو..و الناس دي بقت أصحاب ناس أنا جبتهم نورماندي عن طريق الـ Cultural Workshop
يعني لو ما كنتش أنا دخلت على الشات يومها أو لو ما كنتش سمعت البرنامج يومها الناس دول ما كانوش هيبقوا أصحاب!

لما بفكر في الحاجات اللّي زي دي ببقى مش عارف هل دي بتبقى شوية صدف؟ ولّا دا قدر؟
الدنيا دي غريبة قوي!

***

--------------------------------------------

أنا لسّه قادر..في الحزن أفرح!!
(2008/2/10)

أول مرة هسرد معظم أحداث يوم معيّن..بس حاسس إني عاوز أشارك أي حد في اليوم دا.
كان يوم جميل قووووي..أنا ما كنتش نايم غير 3 ساعات تقريباً..و كنت تعبان جداً بس ابن خالتي محمد العطشان ربنا يكرمه اتصل على الموبايل عشرين مرة لحد ما صحيت!
وصلت وسط البلد متأخّر شويّة..قابلت محمد ابن خالتي و كان الماتش ابتدى بقاله خمس دقايق تقريباً..رحت مشوار كدا في ربع ساعة و طول الوقت محمد ابن خالتي على أعصابه عشان أنا معطّله عن الماتش.
المهم روحنا بعد كدا افتر ايت و كان مونتي (الوغد اللّي ما بيكتبش في مدونته) و الشلّة بتاعة آداب عبري هناك..و ما عرفوش يحجزولنا كراسي!
المهم قعدنا جنبهم مزنوقين و خلاص..أنا مش غاوي فرجة على الكورة أصلاً و ما أعرفش حتى معظم أسامي اللاعبين!
حتى البطولة اللّي فاتت ما كنتش متوتّر زي السنة دي و أنا بتفرج..كنت بتقهر لمّا فرصة تضيع و أخاف قوي لمّا هجمة تيجي علينا.
و لمّا جيبنا الجون لقيت نفسي وقفت و صرّخت مع الناس!
بعدها قاعد بدعي بقية الماتش يخلص على خير..و أول ما الماتش خلص لقيت نفسي بصرخ تاني مع الناس و بصقّف و بتنطّط.
(يمكن الحاجة اللّي ضايقتني إن الناس قعدت تشتم في الكاميرون و في ايتّو! طب ليه نشتمهم يعني؟ عشان احنا فوزنا بقوا همّ يستحقوا الشتيمة؟..بعدين أنا بحب الكاميرون جداً و رغم إني ما أعرفش ايتّو بس كان واضح إن أخلاقه عالية و وشّه مريح جداً بالنسبالي..حاسس في ملامحه بطيبة رهيبة و نُبل .)
بعدها اتفرجنا على مراسم تسليم الكأس و خرجنا لميدان طلعت حرب نتفرّج و نصوّر الناس و هيّ بتحتفل..كنت مبسوط قوووي.
ما فرحتش خالص بقالي أكتر من 6 شهور..فرحت لناس بحبهم بس ما حسيتش بفرحة زي الفرحة بتاعة ماتش كوت ديفوار أو الفرحة بتاعة النهاردة.
البطولة اللّي فاتت ما كنتش مهتم أشوف الماتشات زي المرة دي..و ما فرحتش قوي كدا زي المرّة دي..مش عارف ليه المرّة دي فرحت قوي..يمكن عشان كنت محتاج أفرح؟ أو كان نفسي أفرح؟..عموماً مش مهم المهم إني فرحان!
حاولت كذا مرة أكلّم زقزوق بس الظاهر الشبكة كان فيها حاجة.
على الساعة واحدة مشينا كلنا لرمسيس و اتفرقنا كل واحد رايح يركب بقى..المهم و أنا ماشي ناحية المكان اللّي بركب منه لقيت 4 شباب كدا واقفين مع بعض و واحد منهم بيقول يا جدعان ولا واحد فيكم معاه ولاعة أو كبريت؟ طلّعت الولاعة و ولّعتله و أنا ببتسم كدا و مشيت..لقيته بيناديني..يا كابتن..يا كابتن..تعالى اشرب حاجة!
ما أعرفش أروح أشرب حاجة فين بصراحة! قلتله اللّه يخليك و مشيت..بس كنت مبسوط قوي.
ما نزلتش من الميكروباص في المكان اللّي المفروض أنزل فيه..نزلت قبله بكتير..و اتمشيت ييجي نص ساعة..كان فيه كلاب كتير و بعضهم كان بيهوهو(بينبح يعني)..أنا بخاف جداااااا من الكلاب..فوبيا م الأخر..يمكن في الفترة الأخير خوفي قل شويّة من الكلاب
بس في الغالب بترعب منهم برضو..خاصةً بالليل لمّا بكون لوحدي..بس المرة دي ما كنتش خايف قوي مش عارف ليه
كنت مقلّق شويّة بس بالنسبة لقبل كدا فدا يعتبر لا شيء يعني.
رجعت البيت ميّت..بس ما كنتش عاوز أنام..في الأخر نمت على 3 و نص كدا و صحيت الساعة 5 !
بس رغم إني ما نمتش لا امبارح ولا النهاردة حلو..حاسس إني فايق كدا و مش تعبان خالص.
و أنا لسّه قادر..في الحزن أفرح! على رأي منير و وجيه عزيز.

حكاية عن عصفور و عن ورقة شجر!

2008-01-10T21:48:00.003+02:00

قلبِك دا كان ورقة شجر
و أنا قلبي كان عصفور شريد
ف البرد و الخوف و المطر

كنتي له عش أخضر سعيد

..
لو يوم يئس..بتطّمنيه
لو يوم وقع..بتقوّميه
أو يوم خبَا
بتزوّدي لمعة عينيه
بتضحّكيه..بتريّحيه...
لو حزنه فاق حتّى المدى
و كل الحدود!
لو فرحته يوم نسيته..
بضحكة عينيكي...قوام تعود!
..
طَبْ ايه حصل؟
حلمك قوام مات و اندثر؟
حُبّي ف قلبك انكسر؟
ولّا الزمان..خلّى الفراق
شيء سهل عندك يُغتفر!
..
((- أنا آسفة..الوضع اختلف
الحُب؟..دا نوع م الترف!))
و بإيد غريبة -ماهيش إيديكي!!-
لقيت جناحي بينكسر!

النور في عيني بينحسر
و الأرض بتقرّب قوام
صرّخت أنادي في الزحام
"ورقــــة شجـــــــــــر"
((- حاول تعيش من غير جناح
الحلم أصبح مش متاح!))
.

.
مشهد سريع..أخر ما كان
ورقة شجر..وسط الرياح!
و بَعده كان الاصطدام!!

عمرو النحراوي
10/1/2008

"العنوان من قصيدة قديمة لأحمد أخويا"

الميكروباص!

2008-01-06T10:06:00.003+02:00

من شهر كدا تقريباً كنت مع واحد صاحبي في وسط البلد..و في الإسعاف افترقنا..هوّ ركب من هناك ، وأنا اتمشّيت لحد رمسيس عشان

أخد ميكروباص و أروّح..

و كعادة سوّاقين و تبّاعين الميكروباصات..سوّاق منهم كان ناقص يزقني في الميكروباص عشان أركب و أنا ما كنتش ناوي أركب الميكروباص دا لأني كنت بشرب سجارة و كنت عاوز أكمّلها الأول..لكن سألني الثامن؟ قلتله لأ مكرم..قال لي طب اركب ..قلتله هكمّل السجارة و أركب

قال لي اركب جنبي قدّام و كمّلها..و أخدني من ايدي ركّبني!

اتنرفزت جداً بس كنت مكتئب لدرجة ما تسمحليش أعترض حتى!

المهم ركبت و الراجل واقف ينادي عشان يحمّل.جه أمين شرطة و الضابط جاي يا جدعان و اطلعوا يلّا..فالسوّاق اضطر- كغيره من السوّاقين- يمشي رغم إنّه ما كانش ركب في الميكروباص غيري أنا و تلاتة تانيين.

المهم الراجل لف في حواري غريبة كدا جنب رمسيس عشان يحاول يحمّل لكن ما لقاش حد..و الناس اللّي في الميكروباص ابتدوا يتنرفزوا و يلّا يا اسطى و ما تعطلناش و الساعة 11 و مش عارف ايه...

فمشي في طريقه على أمل إنّه يلاقي زباين في السكّة و قاعد يشاور بإيده وهوّ سايق(لأن ما كانش معاه تبّاع)

..و المشكلة إنه سايق بسرعة مش طبيعية و بيشاور بإيده اليمين كمان فكان هيخبط واحد :s

راجل كبير في الميكروباص قعد يزعقله جامد بقى..و قرفتونا و هتموّتوا الناس و كلام كدا

فالسوّّاق رد عليه معلش ربّنا ستر و والله يابا ما بيعمل كدا في الواحد غير لقمة العيش

و العربية فاضية زي ما أنت شايف و المفروض أسلمها في رمسيس الساعة 12 كمان و قعد الراجل يشتكي بقى و كدا

ما أعرفش ليه ساعتها حسّيت إني بحب الراجل دا قوي!

حسّيت إن الراجل معذور نوعاً ما..يعني أنا عارف إن معظم سواقين الميكروباص بيبقوا ضايعين في كل حاجة..و أنا نفسي بشتمهم كتير جداً بسبب الحاجات الزبالة اللّي بشوفها منهم

بس عذرتهم..ما حدّش بيحس بآدميتهم..ليه عاوزينهم في نفس الوقت يحسوا بآدميتنا احنا؟!
حسيت إني نفسي أحضنه..نفسي أقدمله أي حاجة...

ما دريتش بنفسي غير في محطة غمرة و أنا -رغم خجلي الشديد و اكتئابي الأشد- رامي نص جسمي برّه الميكروباص و بنادي

(طيران صلاح سالم مكرم عبيد و التامن)!

و راسم بإيدي شكل 8.

و فضلت أنادي طول الطريق لحد ما نزلت..لأن الميكروباص كان بينزل ناس فيه قبل ما أنا أنزل يعني فبيرجع يفضى أماكن فيه.

ما أعرفش أنا عملت كدا ازاي..و كل ما أفتكر منظري أحس بخجل قاتل.

بس مبسوط قوي إني عملت كدا!

لا تظلموا الموتى !

2007-12-25T06:37:00.001+02:00

أخبرني صديقي عن مراهق أميريكي قتل عدّة أشخاص بعشوائية في أحد "المولات" التجارية ثم انتحر..و قد رجّحت تحقيقات الشرطة أن المذكور كان يعاني من اختلال عقلي!

لكنّي أقسم لكم أنهم مخطئون...فقد زارني في منامي ليلة البارحة، حدّثني عن قتلهم شفقة بهم من جهامة الحياة..."وددت لو قتلت/أرحت المزيد..لكنّي لم أملك رصاصات أكثر!".

اعتذر لي لأنه لم يملك المال الكافي ليأتني و يرحني أنا الآخر!

ثم تلا عليّ أبيات "نجيب سرور"

يا صديقي .. خذ طريقي .. وانتحر !

-أنتحر؟!

- راحة الراحات ، ترياق الألم ،

وخلاصات خلاصات الحكم ..

و ذهب!

----------------------------

لا تظلموا الموتى وإن طال المدى....... إني أخـاف عليكم أن تلتقـوا !

(أبو العلاء المعري)

!trop tard

2007-12-20T04:50:00.001+02:00

!Je suis venu trop tard dans un monde trop vieux

!I have come too late into a world too old

Alfred de Musset

..
الصورة هي لوحة Illusion
للفنّان الاكوادوري Juan Zhungur

قصاصاتي (1)

2007-12-02T21:08:00.003+02:00

معظم القصاصات دي كتبتها في الكام يوم اللّي فاتوا..لكن فيه حاجات منهم من 2005 و 2006 بس عملت شويّة تعديلات عليهم.

***

بعض الأفعال نراها شديدة الغباء..حتى نفعلها فيتغير وصفنا لها !
..
تنتابني أحياناً رغبة عارمة في الصعود إلى جبل شديد الإرتفاع و البصق على جميع البشر...
ولا أستثني نفسي من تلك البصقة !
..
تنتابني أحياناً رغبة عارمة في الخروج عن نطاق الكوكب لأحتضن كل البشر...
ولا أستثني نفسي من هذا الاحتضان !
..
خبّرني بالله عليك..هل هناك قيمة "للكلمة" في هذا العصر؟!
هل سمعت عن كلمة نجحت في تغيير أي شيء؟!...
..
كونك تستحق شيء ما..لا يعني -بالضرورة- أن تحصل عليه!
..
صديقك هو من يستمع لكلامك الممل..فقط لأنك تود قوله!...
حبيبتك هي من لا تراه مملاً!
..
من السخف أن تظل حالماً بعد ما حدث!..هه؟ تدرك ذلك جيداً؟
إذن لماذا مازلت تحلم؟
..
يستوجب الندم- كي يكون حقيقياً- أن يتبعه فعل!
..
من العبث أن تعتذر عن خطأ مازلت ترتكبه !
..
أحياناً أشعر أن حياتي محاكاة لمآسي الأساطير الإغريقية !..
لكن هل حقاً كانت الأساطير الإغريقية بهذه القسوة؟!

عمرو النحراوي

شخابيط !

2007-11-19T04:36:00.001+02:00

لخابيط..لخابيط..لخابيط

جوايا حبّة شخابيط

أفكار بتزق الحيطة
و هموم تطلع في الزيطة

جوايا أحلام ورديّة

مساكين بتعافر فيّ

عايش فلسفة وهميّة
حب و عدل و حرية !
..

جوايا حنيّة خفيّة

مكبوتة و متداريّة

شايلة هم البشريّة

ظلم و كره و أنانيّة !
..

جوايا إنسان مجنون

ناوي يغيّر في الكون

حالف ما هييجي بكرة

من غير الحب قانون

راسم صورة خياليّة

للدنيا و هيّ عفيّة

لا الكدب بقاله مكان

و الشر اهو ولّى و كان

أما حتة أمنية !!

2005

عمرو النحراوي

!Ne Me Quitte pas

2007-11-11T06:32:00.002+02:00

دي أغنية بالفرنساوي كتبها و لحّنها و غنّاها البلجيكي جاك بريل

(Jacques Brel)

سنة 1959

لإنفصاله عن الممثلة و المطربة الفرنسية سوزان جابريللو

(Suzanne Gabriello)
http://fr.wikipedia.org/wiki/Ne_me_quitte_pas
الأغنية من أفضل الأغاني اللّي سمعتها على الإطلاق ككلمات و لحن و أداء عالي جداً

دا لينك الأغنية
Ne Me Quitte Pas

و دي الكلمات الفرنساوي

و دي ترجمتي لكلمات الأغنية..غيّرت كام كلمة عشان ترجمتهم الحرفية كانت هتفسد معانى الأغنية.

الترجمة رديئة جداً..لكن دا اللّي سمحت به فرنسيتي

الكسيحة!

----------

لا تتركيني..
يجب أن ننسى كل ما يمكن نسيانه
أن ننسى من رحل
أن ننسى أوقات إساءة الفهم بيننا
والأوقات التي ضاعت لمعرفة كيف .....
أن ننسى الساعات التي كانت تقتلنا أحياناً
من كثرة خفقان قلبينا السعيدين
لا تتركيني..لا تتركيني..
لا تتركيني..لا تتركيني!
..
سأقدم لكِ لآلئ المطر التي تأتي من مدينة
لا تمطر السماء بها!

سوف أحفر في الأرض حتى بعد موتي
لأغطّي جسدكِ بالذهب و النور
و سأنشئ مكان حيث يكون الحب هو الملك !
حيث يكون الحب هو القانون !
حيث تكونين ملكة !
لا تتركيني..لا تتركيني..
لا تتركيني..لا تتركيني!
..
سوف أخترع لكِ كلمات حمقاء لكنكِ ستفهمينها
سأخبرك عن هؤلاء العشّاق الذين أشتعلت قلوبهم
و سأحكي لكِ قصة الملك الذي مات لأنه لم يستطع ملاقاتك!
لا تتركيني..لا تتركيني..
لا تتركيني..لا تتركيني!
..
شاهدنا من قبل شلالات النيران لبركان عتيق اعتقدنا فيه قديماً
يبدو أنه أحرق الأراضي من حوله معطياً ذرة أكثر من أفضل ابريل!
و عندما يأتي المساء..تحترق السماء لأن الأحمر و الأسود لم يتزوجا بعضهما البعض!
لا تتركيني..لا تتركيني..
لا تتركيني..لا تتركيني!
..
لن أبكي ثانيةً..لن أتحدث ثانيةً
بل سأختبئ لأشاهد رقصك و بسمتك
سأستمع لغنائك ثم أضحك
دعيني أكن ظلاً لظلكِ!
ظلاً ليديكِ !
ظلاً لكلبكِ !
لا تتركيني..لا تتركيني
لا تتركيني..لا تتكريني !!

تغيّرات!

2007-10-22T15:07:00.001+02:00

بالأمس سألني نادل المقهى لماذا صرت أشرب الشاي دون سكّر..شردت لحظات و ابتسامة سخرية- بائسة- ترتسم على ركن فمي الأيسر،ثم أجبته بمرارة.." الحياة نفسها أصبحت بلا سكّر فماذا يفيد السكّر في الشاي؟"
***
حين لمحت ابتسامتي في المرآة بالصدفة لم أندهش كثيراً من أنها نصف ابتسامة ترتسم على الركن الأيسر فقط دون الأيمن..فربما كان جشعاً أن أطالب فمي أن يمنح الحياة ابتسامة كاملة!
***

أخبرني صديقي أنّي أتحسّن..

"لم تعد تبكي أمام أحد..بل أحياناً تمنح بعض البسمات"
منحته إحداهن و قلت.."حين تُقطع ساقك فلا تفكّر كثيراً، فقط الكثير من الألم
لكن حين تزول صدمة الألم الأول تدرك أنك تحيا بلا ساق!"

الحياة..دخان سجائر..!!

2007-07-10T11:55:00.001+03:00

دخل غرفته و أغلق بابها خلفه

فتح النافذة و أطفأ نور الغرفة..

أخرج قداحته , الشمعة.

و سجائره من دُرجهِ.

دائما ما يستمتع بالتدخين فى غرفته !

..أشعل الشمعة..ثم أشعل سيجارته

استنشق الدخان و نفّسه ببطئ..

و جلس يتأمله باستمتاع و هو يتشكّل و يتحوّر..

يرسم فى الهواء صوراً و اشكالاً كثيرة

ثم يرتفع إلى أعلى !

* * *

قديمًا قالوا :النساء ترى حظها فى فناجين القهوة

و الرجال يرونه فى دخان السجائر..!!

* * *

رأى الدخان يتشّكل و يتحور على ضوء الشمعة..

يرسم ظل امرأه فاتحة ذراعيها

ظلت الصورة لعدة ثوانٍ

.ثم تفرق الدخان فى نواحي الغرفة

ظل شارداً للحظات..

ثم داعب سيجارته بشفتيه مستنشقاً نفساً آخر

و راقب الدخان يتشكل مرة اخرى..

يتشكّل فى بطئ و تتابع هذه المرة..

يرسم جناحين..

ثم يظهر رأس صغير..

ها هى اليدين تتشكلان ممسكتان بقوس..

يظهر السهم ..

ثم يكتمل بقية الجسم

ظل يبحلق فيه باستغراب حتى اختفى مثلما اختفى ظل المرأه..!!

كان متشوقاً ليعرف ماهى الصورة التالية..

فداعبها بنفس ٍ آخر وأخرجه فى سرعة و قوة

ووقف ينظر متلهفاً لرؤية الصورة التالية..

لكن الدخان لم يتشكل !!

ربما لأنه اخرجه بسرعة من فمه.

..استنشق نفساً آخر و أخرجه ببطئ هذه المرة

و تشكّل الدخان راسماً ظلاً لرجل..لكنه يبدو مألوفاً للغاية !

ثم اختفى كالعادة ..!!

بدأت الصورة تتشّكل و تتكون ببطئ فى ذاكرته.

و فى المره التالية رأى صورة طفل صغير ..

ابتسم..

نفّس المزيد من دخان سيجارته مرة اخرى

رآى عجوز حُلوة الملامح

و شبح ابتسامة تعلو شفتيها..

لكن الصورة سرعان ما تحوّرت..

و لم يستطع ان يتبين الصورة الجديدة !

فسارع باستنشاق نفس آخر

أطفأ سيجارته..

_فقد كانت انتهت_

ثم نفّسه ببطئ..

ظهرت الصوره هذه المرة شديدة الوضوح

عجوز شمطاء..!!

هبّت الريح و انطفأت الشمعة..

و بقى فى ظلام دامس..!!

* * *

قديمًا قالوا :النساء ترى حظها فى فناجين القهوة

و الرجال يرونه فى دخان السجائر..!!

***

عمرو النحراوي

6/6/2004

هرتلة

2007-06-20T10:23:00.003+03:00

في الأول أحب أعتذر لأي حد متابع البلوج و دخله الفترة اللي فاتت و أُصيب بخيبة أمل إني ما ضفتش أي جديد..يمكن اللي يعرفوني كويس ما اندهشوش عشان عارفين إني صعب جداً ألتزم بروتين معين لحاجة بحبها..دا كفيل يخليني أكرهها!

طبعاً المفروض يكون فيه نوع من الإلتزام تجاه القارئ اللّي متابع البلوج..لكن الفترة اللي فاتت بجد ما قدرتش بسبب الإمتحانات و دوامات الإكتئاب اللي كنت فيها.

كدا الواحد المفروض خلّص الكلية (بافتراض إني هنجح يعني إن شاء الله)..أربع سنين ضاعوا من عمري في كلام فارغ و ما اتعلمتش فيهم أي حاجة تقريباً !

شعور وحش قوي إنك تكتشف إنك ضيعت 4 سنين من عمرك..لا اتعلمت فيهم حاجة ولا استفدت من التجربة حتى..دا بافتراض إني خضت تجربة الكلية أصلاً ! لأني ما رحتش الكلية 100 مرة على بعض..و مجموع المحاضرات اللي حضرتها لا تتجاوز 15 محاضرة في الأربع سنين.

طبعاً مش محتاج أقول إني ما اتعلمتش حاجة عشان ما فيش حاجة كان ممكن اتعلمها مش عشان ما كنتش بحضر.

في أيام الإمتحانات أخويا كان جابلي شغل ك sales person في معرض عربيات..و رغم إن مهنة زي دي لا تناسبني و فوق كدا مش عاوز أشتغلها بس قررت أروح الانتر فيو.

و للأسف حلقت شعري و دقني عشان يبقى شكلي حلو يعني و رحت الانتر فيو و الأخ صاحب العمل ما جاش!

الموضوع دا أصابني بإكتئاب فظيع..مش عشان حلقت شعري ولّا دقني يعني بس عشان تنازلت عن جزء ضخم من حريتي الشخصية..لأ و ايه..في سبيل حاجة أنا مش عاوزها ولا مقتنع بها أصلاً !

الواحد من جديد اصطدم بالواقع و اكتشف فجأة حقيقة إن الدنيا كلها تنازلات..بتتنازل عن حاجات عشان تاخد حاجات..يمكن دا شيء بديهي و أنا اللي معتوه..بس أنا بقدس حريتي الشخصية و صعب قوي عليّ أقدّم تنازلات في الموضوع دا بالذات.

"الدنيا توب قدّي..و ما أطيقش أنا الغطيان" (على رأي منير)

يلا..الواحد بقى عاطل اهو و مش باين إنه هيشتغل قريب..بس خليني أتفائل و أقول "أحلى بكرة لينا" (على رأي منير برضو!)

ما سمعتش من شريط أنغام الجديد غير أغنية" أشكي لمين"..كنت متأكد إنها مش هتعجبني من أنغام بس قلت اهو نشوف..و بالفعل لما سمعت الأغنية ما قدرتش أكملها حتى..يعني منير له أغاني ممكن حد تاني يغنيها زي "لما النسيم" و "ابكي" و "صوتك" مثلاً..

"و له أغاني تانية ما ينفعش حد يغنيها زي" أشكي لمين.

دا طبعاً غير كرهي الفظيع لأنغام لأن أغانيها بتمثل كل اللي بكرهه في الأنثى..و على رأس الأغاني دي أغنية "بحبك.. وحشتيني"..

بمنتهى البساطة الحب بيتحول لكلمات روتينية بتتقال عشان ترضي غرور الأنثى و بس.

عشان كدا بندهش قوي لو لقيت ولد بيحب أنغام..و هندهش أكتر لو لقيت بنت ما بتحبش أنغام!

عموماً يشفع لها بعض الشيء أغنية زي "ببساطة كدا"

المفروض هسافر اسكندرية على الفجر كدا..الواحد كان محتاج يقعد كام يوم في البيت بعد ما خلّص إمتحانات..بس هعمل ايه الظروف جت إني لازم أسافر دلوقتي..ما لحقتش حتى أكلّم و أشوف ناس كتير ما شفتهمش و ما كلمتهمش بقالي كتير و واحشينني قوي..زي حامد و زقزوق و ساندرل و أمادو.

بالتوفيق لكل الناس اللي ما خلصتش امتحانات..و مبروك للي خلصوا..و أشوفكم على خير!

Yanni-Play Time..Live concert

2007-05-07T23:36:00.002+03:00

يانّي أو Yanni موسيقار يوناني أعتقد غني عن التعريف..و عموماً دا الموقع الرسمي بتاعه..

و دي صفحة عنه في الويكي العربي و صفحة تانية في الويكي الانجليزي.

مش هتكلم عن روعة موسيقاه ولا عن انبهاري به..ولا هتكلم عن قدرته الفظيعة في التعبير عن أفكار و معاني و موضوعات بالموسيقى.

فيه حفلة يانّي عملها في 2006..و واحد صاحبي بعتلي التورنت بتاع الحفلة...شيء مش ممكن..حتى لو سمعت مقطوعات ليانّي قبل كدا و ما عجبتكش اتفرج ع الحفلة هتنبهر.

كل المقطوعات اللّي اتلعبت في الحفلة توزيعها متغيّر..و كمية رهيبة من الآلات الموسيقية..حتّى العازفين مبدعين بشكل مش طبيعي..أنا نادراً لمّا أقول على عازف إنه مبدع..لكن العازفين دول فعلاً مش معقولين.

في الحفلة كمان اكتشفت عبقرية يانّي في التوزيع الموسيقى..و متهيألي عبقريته في التوزيع تفوق عبقريته في الألحان نفسها..كل ما اتفرج ع الحفلة أقول الراجل دا وزّع الموسيقى على الآلات دي كلها ازاي؟ ازاي ما نسيش آلة في النص؟!! ..ازاي كل ما آلة تلعب أحس إن جو الموسيقى كان محتاج الآلة دي بالذات؟!!..بجد شيء مش ممكن!

دي مقطوعة اسمها Play Time من الحفلة بتاعة 2006..المقطوعة قاصصها من ملف الحفلة..مساحتها كبيرة شوية حوالي 30 ميجا لأن الملف فيديو..بس تستحق تتحمل..و الفرجة عليها يفرق كتير قوي عن سماعها بس.

Ethnicity المقطوعة دي موجودة في ألبوم

لكن في الحفلة مختلفة تماماً عن الألبوم..اللّي في الألبوم ما عجبتنيش..في حين إني انبهرت بالمقطوعة في الحفلة.

يمكن فيه حاجات أحلى منها في الحفلة..بس اخترت دي عشان الحوار اللي بين الساكس و الفيولين..كإنهم بيعاكسوا بعض!

و دا تورنت للحفلة كاملة لو حد حب ينزلها

==============================================

تحديث

===

لقيت معظم المقطوعات اللي اتلعبت في الحفلة موجودة على ال

YouTube

http://www.youtube.com/watch?v=mmH9riqP2xs&mode=related&search =

http://www.youtube.com/watch?v=VyJwBRCRsgQ&mode=related&search=

http://www.youtube.com/watch?v=A3ork0msQ_o&mode=related&search=

http://www.youtube.com/watch?v=Hi5-fYN8S1M&mode=related&search=

http://www.youtube.com/watch?v=1jrHir2uw34&mode=related&search=

http://www.youtube.com/watch?v=EpWTGRFQrDs&mode=related&search=

http://www.youtube.com/watch?v=lEQWVmqyQwo&mode=related&search=

http://www.youtube.com/watch?v=rVQnCAnH3_g&mode=related&search=

http://www.youtube.com/watch?v=rhP7i6S6Uf0&mode=related&search=

http://www.youtube.com/watch?v=AwwZscFoi-A&mode=related&search=

قيمة المواطن!

2007-05-07T00:15:00.003+03:00

طبعاً الواحد عارف إن مالوش قيمة فبلده..مش شيء جديد يعني عشان اكتبله بوست..بس كل فترة بتحصل مواقف تخلّي الواحد يعرف إنه كان متفائل أكثر من اللازم..و إن قيمته في بلد أقل من تصوره بكتير..و دا اللّي حصل لي النهاردة!

صحيت النهاردة الساعة 9 و أنا بطبعي بصحى متأخر أساساً..بس قلت عشان أجيب ورق البطاقة م الكلية و أعملها و أخلص بدل ما كل ما أنزل أرجع دمي محروق من المخبرين و أمناء الشرطة اللّي بيسألوني كل مرة بطاقتك فين و ضيعتها ليه و ما عملتش غيرها ليه و كم من الأسئلة الغبية.

المهم رحت جبت الورق من شئون الطلبة و استنضفت حلّاق من اللي جنب الجامعة و قمت حالق دقني عشان مش طالبة أطلع في البطاقة بدقني و كل مخبرين مصر يخنقوا عليّ أكتر..خصوصاً إني مش سايب دقني تديّن يعني أو عن مبدأ أو كدا..مجرد بستظرف شكلي بها.

حلقت دقني و رحت أعمل البطاقة في المبنى اللي في الجامعة..وقفت خمس دقايق وبعدها طلع ورق البطاقة المستعجل اللي أنا جايبه ما بيتعملش هنا..و لازم أروح المبنى الرئيسي اللّي في العباسية،قلت مش مشكلة..هيّ دقيقتين و أبقى في المبنى و أخلص...

رحت المبنى الرئيسي لقيت طابور طويــــــــــــــــــل واقف قدام المبنى..سألت و اتأكد إن الطابور دا بتاع البطاقة المستعجلة و وقفت!

كنت واقف مخنوق و روحي في مناخيري و احنا واقفين تحت الشمس و الواحد بيشر عرق و لسه حالق دقني و كالعادة ابتدت تلتهب و العرق خلّاها تلتهب أكتر.

الواحد كان متفائل جداً و تصوّر إنه هيقف نص ساعة مثلاً..فضلت واقف من الساعة 12 في عز الشمس..و سجايري خلصت على الساعة و طبعاً ما عرفتش أروح أجيب سجاير لأن الناس هتاخد مكاني!

و العسكري الروش كل ما يلاقي بنت يقوم مطلعها و احنا واقفين..لحد ما بقى عدد البنات اللي طلعوا يوازي بل و يزيد عن عدد الناس اللي واقفة!

و الواحد واقف ساكت و مستحمل..شوية و واحد لسه جاي قام مزعق في العسكري..أنا راجل دكتور ما أقفش في الشمس..دي قلة أدب..ناديلي الضابط!

طبعاً العسكري خاف و قام مطلعه..و بعد ثلث ساعة تقريباً لقينا الراجل نازل و في ايده الوصل اللي هيستلم بطاقته به!

طب حضرته دكتور و احنا ولاد كلب مثلاً؟

على الساعة اثنين طلعت أنا و 9 كمان..قلت خلاص بقى خلصت المعاناة..نص ساعة بالكتير قوي بقى و يبقى في ايدي وصل استلام البطاقة و أروّح أنام..و نص ساعة و أنا قاعد على كرسي و مفيش شمس مش كتير يعني..هستحملهم و خلاص..لكن واضح إني كنتلسه متفائل زيادة عن اللزوم.

فضلت مستني من الساعة 2 لحد الساعة 3 وربع..طبعاً مش كل دا قاعد على الكرسي ولا حاجة..لأني طمعت و قمت اشتريت بيبسي و طبعاً رجعت لقيت الكرسي اتاخد.

على 3 و ربع لقيت اسمي بيتنده و موظف خلصلي الورق في دقيقتين..قلتله طيب معلش لمّا الورق بيخلص بسرعة كدا ليه بقالنا ساعة و ربع و أنا تاني واحد اسمي يتنده!

الراجل رد بإجابة أثلجت صدري الصراحة..قال لي عشان الموظفين اللي قبلنا ما اشتغلووش في الورق عشان كان معاد انصرافهم قرّب!..و بعتولنا الورق نخلصه احنا!

قلت دا الراجل بيقول أي حاجة..مهو عرف منين يعني و هوّ لسه جاي!..بس للأسف لقيت عسكري بيقول نفس القصة دي لواحد سأله.

المهم كظمت غيظي و نزلت اشتريت علبة سجاير و طلعت مستني لما اسمي يتنده.

على الساعة 4 الجروب اللي أنت كنت طالع معاه كلّه خلص عند الموظف دا و روحنا لمكتب تاني عشان الورق يتراجع تاني و نتصور و ناخد وصل الإستلام..

المكتب كان زحمة بطريقة فظيعة و طبعاً اتطردنا من المكتب و استنينا برّه..كل شوية ألاقي واحد من الجروب اللي معايا يدخل المكتب و يطلع بالوصل و أنا واقف..مع إن اسمي المفروض يتنادى تاني إسم!

رحت سألت الراجل على اسمي قال لأ لسه ما اتندهش عليك..استنى بره.

شوية و الناس اللي معايا كلهم مشيوا..و اسأل الراجل يرد باستظراف اه مشيناهم همّ عشان قرايبنا.

(-يا رب صبرني مش عاوز أمسك في واحد فيهم و يتعمل لي قضية..ههدى و أستنى و همشي بسرعة إن شاء الله.)

فضلت مستني لحد الساعة 5 و قمت سائل الراجل على ورقي تاني..رد بنرفزة غريبة كدا يا ابني و الله لسه..قلتله طيب معلش اتأكد يمكن اسمي اتنده و أنا ما سمعتوش!..قال لي لأ مافيش حد اسمه اتنده و ماجاش استنى بره بقى.

فضلت مستني ل5 و نص و قلت يمكن الموظف اللي قبله ما بعتش الاستمارة بتاعتي..رحت سألت الراجل قال لي و الله ورقك بعتته من أكتر من ساعة و نص..أنت المفروض تكون خلصت و مشيت من زمان..روح اسأله يمكن نده اسمك و ما سمعتوش.

قلتله سألته..قال لي معلش اسأله تاني.

قلت خلاص بقى ما بدهاش..ملعون أبو البطاقة أنا أدخل أشفي غليلي من الراجل و أمشي و خلاص..كنت وصلت لمرحلة قرف فظيعة و حاسس إني هعيط من القهر.

دخلت قلت للراجل الناس كلها اللي جت معايا مشيت و أنا ما مشيتش و الموظف التاني قال إنه بعت ورقي قبل ورق الناس اللي مشيت دي و الله شكلك ضيعته و قاعدين كلكم مش دريانين بالدنيا.

كان صوتي عالي و حاد بس مش زعيق يعني..لقيت ضابط معلّق نسر كدا جالي و بيقول لي ايه المشكلة؟

قلتله..قال لي يمكن نادى اسمك و أنت ما سمعتوش.

قلتله أنا واقف من بدري ما اتنقلتش بس مع ذلك سألته قال مافيش حد ناديته و ماجاش..قال لي طب اسمك ايه و قام مدوّر في كل الإستمارات ..ما لقاش اسمي فيهم:s

قام منادي الموظف مزعقله و قال له أنت ضيعت الاستمارة ولا ايه..هاتلي الاستمارات اللي خلصت طيب.

قعد يبص فيها ما لقاش اسمي..شيء إلهي خلّى الراجل يديني كل الاستمارات أبص أنا فيها..فلقيت استمارة خلصانة مكتوب فيها عمر عصام!

قلتله دي غالباً استمارتي بس أنا اسمي عمرو مش عمر..قام مصلح الاسم و مديهالي.

الضابط مسك الموظف يزعقله و بتاع..و موظف تاني لقيته بيقول لي معلش حصل خير !

قمت مزعّق بقى و قلتله لأ ما حصلش خير..مش لازم أفضل مستني كل دا يعني عشان هوّ مش دريان بالدنيا..منا سألته و قال ما ناداش على حد و ماجاش!

ليه الاستهتار بآدمية الناس للدرجة دي.

قال لي سألت مين؟ قلتله البني آدم اللي جنبك و قمت ماشي.

للدرجة دي الواحد رخيص يا جدعان..دا الواحد رخيص في الحياة العادية..يعني لا في سجن ولا معتقل ولا حاجة خالص..دنا بعمل بطاقة !

حسبي الله و نعم الوكيل.

رغم إني حاسس إن من واجبي أساهم في تحويل البلد دي لمكان أفضل..بس يوم عن يوم بزداد يقين إني مش هقدر أعيش هنا :(

تمرّد

2007-05-01T23:27:00.001+03:00

لمّا بنام بحلم و بعيش..
لمّا بفوق..ما بفوقش...بموت !
فؤاد حدّاد
..
الجميع يطالبك بأن تكون واقعياً..ماذا إذن إن لم يرق لك هذا الواقع؟!!
عندها ستشعر بالاغتراب عن الجميع !
سيصفك البعض بالجنون ، و البعض الآخر سيزدري ضعفك المتمثّل في عدم قدرتك على مواجهة الواقع،
و القليل جداً سيشفق عليك من تلك الروح الثائرة!
..
ستحاول أن تحيا بمعزل عن واقعيّة الجميع..تعيش في أحلامك فقط..ترسم العالم كما يحلو لك.
لكنك ستستيقظ على وقع أقدام الواقع..تصاب باكتئاب ثم تعاود الحلم مرة أخرى..فلا حل آخر أمامك !
و الرحمة التي تنتظرها هي أن تجن أو تموت !

Renegade-Yanni

لمحات (1)

2007-04-23T02:12:00.002+02:00

جلست مع أصدقائي على أحد المقاهي ندخّن سيجار كوبي يدوي الصـنـع ( hand made )شردت قليلاً.. فجالت بخاطري نظريّة السيجار الكوبي...

طفل شريد وقف تحت الأمطار -أو ربما تحت حرارة الشمس-ليجمع أوراق التوباكو و يصنع هذا السيجار..ليدخّنه شاب مرفّه مثلي و هو يتشرّد في الشوارع !

***

واقفة تحادثه و تنظر إليه في حب..تمنّت في نفسها أن يقبّلها..فلمّا قبّلها صفعته..لأنه "عيب و حرام" !!

***

ظل يلعن الحياة طوال عمره و يدعوا الله دعوة واحدة...أن يموت!

فلمّا مات ندم على دعوته..و تمنى لو عاد للحياة فدعا الله أن يرحمه!!

***

قالت : قالوا أنك غريب الأطوار..قالوا فيلسوف..ربما مجنون كذلك!

فقال : كذبوا..!!..فقط مازلت أحتفظ بآدميّتي!

حوار

2007-04-19T04:02:00.004+02:00

دا حوار دار بيني و بين حامد إبراهيم ع الماسنجر..و حسيت إنه يستحق أنشره فاستأذنت حامد و ادي الحوار..

--
حامد: http://www.imbh.net/cms/news.php?newsid=fmbh61123133669

حامد: قريت اللي قاله في التكريم؟

عمرو: اه

حامد: الواحد كان هايعيط وهو بيقرا لأنه تخيل موقفه الشجاع وإن الواحد لو فضل نضيف ممكن يتحط في حاجات زي دي مش شرط جوايز بس في مواقف في كل الحياة

عمرو: مش فاكر مين كان قال إن الناس لما بتكبر بتتعلم النفاق و المداهنة والوساخة..و لو ما اتعلمتش دا هتبقى فيلسوف أو مجنون!

حامد: كانت فيه واحدة في مدونة مش عارف قلتلك عليها ولا لأ،بتقول إنك دلوقتي مبادئك بنسبة 90% مثلا..بعد 5 سنين هتلاقيك بنسبة 80..ممكن آخر العمر تلاقي اللي فضل 30،كده كده هاتضطر للتنازل و برغم عدم موافقتي معاها بس ممكن فعلا الواحد يرضخ ! ده احتمال ما ينفعش ننكره:(

عمرو: لو ما اتجوزتش أضمن إني مش هتنازل عن أي مبدأ نهائي!..مش هيبقى هاممني حاجة بقى..لا فلوس ولا مركز اجتماعي ولا حاجة خالص!

حامد: ماهو كون انك مش هاتتجوز علشان ما تتنازلش عن مبادءك أو مفكر إن جوازك هايثنيك عن أشياء فده في حد ذاته تنازل وضعف

عمرو: لأ مش كدا،أنا مش بقول مش هتجوز عشان ما أتنازلش عن مبادئي،لو ما اتجوزتش يبقى ضامن إني مش هتنازل عنها فمفيش مسئوليات بقى فهتصرف زي ما أنا شايف من غير ما أبص على أي حاجة ..لكن مش مش هتجوز عشان خايف على مبادئي يعني.
و في نفس الوقت ما قلتش إني لو اتجوزت هتنازل..بس لو اتجوزت هيبقى فيه احتمال للتنازل..هيبقى عشان خاطر مراتي و ولادي و كدا.. تخيل كدا لو أنت مكان صنع الله و ولادك محتاجين حاجات كتير و مش عارف تجيبهالهم..تخيل مراتك عاوزة كذا حاجة و أنت بتقول مفيش فلوس..تخيل مش مكفي بيتك كويس و أسرتك عايشة حياة مش قد كدا.....هتاخد الجايزة!

حامد: :(

عمرو: هيّ دي الحياة!..المشكلة لو أنت حاطط فدماغك إن مستحيل هتتنازل..هتتكسر قوي لو اتنازلت.

حامد: ماهو ده اللي هايحصل،العبثية في كلامنا اننا بنتكلم من دلوقتي على التنازل واحنا في عز افكارنا !

عمرو: الواحد عجّز بدري زي ما قلتلك قبل كدا،و الحياة بتجبرك تكون واقعي..دي أزمتي في الحياة أصلاً !...إني رافض أكون واقعي،فلما الواحد بيضطر يفكر بواقعية بيتحطم..و فيه حاجات الدنيا بتفرضها عليك..يعني أنا لو سألتني دلوقتي على الجايزة هقول لك يجوعوا العيال عادي بس مش هفرّط في مبادئي!
لكن لما ألاقي ابني بيبص لحاجة عند الناس و مش عنده هقول كدا برضو؟

تاج مبكّر

2007-04-19T01:19:00.006+02:00

التاج دا جالي من زقزوق ، و زي ما قلت بدري قوي إن يجيلي تاج،بس التاج جاي من زقزوق ، فما ينفعش أتجاهله أصلاً.

المهم..التاج إني أقول خمس حاجات عني ماحدش يعرفها..دا عموماً صعب عشان اللي بيدخل على البلوج حالياً صحابي بس..و صحابي يعرفوا عني كل حاجة ممكن أقولها..و اللي ما يعرفوهوش يبقى ما ينفعش أقوله!
عموماً هحاول...
--

1-أعبر عن مشاعري دائماً بقوّة..فالفرح يعني أن أضحك و أرقص و "أتنطط" ، و الحزن يعني أن أكتئب و أبكي ، و الغضب يعني أن أسحق ، و الحب يعني أن أموت عشقاً.

2-لم أصل حتى الآن لمرحلة مساندة فكر سياسي على حساب الآخر،ولا يشغلني كثيراً الوصول إليها،ما أؤمن به و أوَدُّ ترسيخه هو ضرورة الثورة على الظلم،الفساد،قمع الحريات و الديكتاورية في أي نظام وجدوا.

3- لا أحتقر المثليين،لكني -بالتأكيد- أحتقر فعل المثلية الجنسية..فقط لأنه معصية في الإسلام..و إن كنت غير مقتنع بأن حد المثلية في الإسلام هو الإعدام!

4-أعاني من خوف مَرَضي من الكلاب (فوبيا).

5-سعيد و فخور جداً بكل صداقاتي،أصدقائي هم اخوتي الذين اخترتهم
همرر التاج دا لساندرل و مونتي

عالم وسخة!

2007-04-13T20:02:00.004+02:00

حامد في تدوينته دي بيقول إننا شعب وسخ و في منتهى القذارة و ما نستحقش الديموقراطية..معاه تماماً..شعب خانع و خاضع و جبان و منافق.
من فترة كنت راكب تاكسي مع سواق في الأربعينات كدا..و الطريق كان زحمة جداً بشكل مستفز، فالسواق بيقول و ملامح قرف فظيعة باينة عليه:"الله يلعن أبو دي بلد،زحمة و مفيش فلوس و الواحد مش لاقي ياكل،و كل حاجة في البلد باظت خلاص."
قلتله بسخرية كدا البركة في مبارك !
لقيت الراجل ملامحه تغيرت 180 درجة من السخط و القرف الفظيع لرضا و إحترام ! و رد قال لي بالنص: "لأ معلش..سيادة الريس محمد حسني مبارك عامل شغل عالي قوي في البلد..ربنا يخليهولنا،بس احنا اللي شعب زبالة ما بيطمرش فينا حاجة!"
بصيت للراجل بذهول و قلتله بسخرية -شديدة الوضوح-:"احنا! دا احنا ولاد كلب على رأي عادل إمام!بنضايق الرؤسا و بنعكنن عليهم !"
لقيت الراجل بيقول لي اه :"و الله معاك حق يا ابني!"
طبعاً مستحيل الراجل يكون مقتنع باللّي قاله..و مستحيل يكون ما فهمش إني بتريق،طيب ليه قال كدا،و ليه أيد جملتي كإني كنت بقولها بجد؟
عشان احنا شعب وسخ زي ما حامد قال ! الراجل خايف مني! طب اسكت يا سيدي ما تنافقش كمان.
..
الشعب ما يستحقش الحرية عشان شعب خانع وجبان..ما يستحقش الديموقراطية عشان مش بس بيكتفي بخنوعه،دا بيهلّل للحاكم الفاسد كمان !
أنا مقتنع إن الشعوب بتستحق مصائرها،الحاكم فاسد؟..اخلعه !..لو ما خلعتوش يبقى أنت تستحقه !
الحقوق بتُنتزع مش بيُحصل عليها !،لو ما عندكش إستعداد تَنتزع حقك يبقى ما تستحقهوش !

دنيا الأرقام !

2007-04-05T01:41:00.002+02:00

ربما يكون من السخف أن تكون أول تدويناتي أغنية،لكني و منذ أن استمعت لها قررت أن تكون أول تدويناتي..فاعذروني لسخافتي !
و ربما تشفع لي كلمات الأغنية.
...
الأغنية اسمها دنيا الأرقام،و بيغنيها فريق الإنسان..من كلمات جمال عبد العزيز و ألحان هاني الأزهري.
دنيا الأرقام للتحميل

دنيا الأرقام من حواليّ عايشينها الناس
بيعِدّوا الدقات في قلوبهم من غير إحساس !
أرقام في حياتنا بتتحكّم، و تبص علينا و تتهكّم
و تقول إنسان مغرور خوّاف
بيغطّي الخوف اللي في قلبه بقناع ألوان
بس اللون بعد حبّة بيروح و بيستخبى
و ما يبقى غير مكان!
علشان إنسان من بعديهم
يسكن جوّاه و يعيش فيهم
نفس القوانين..إنسان مسكين!
..
بحلم لو أعيش من غير كاميرا من غير ألوان
و أرجع بتاريخ البشرية لأصل الإنسان!
بحلم بعيون بكرة ألقاها..
بتغني و باين في صفاها..
عيون الأطفال..بترد سؤال
رغم إن الزيف من حواليها مغطّي الأشكال!
بس الزيف بعد حبّة بيروح و بيستخبى
و ما يبقى غير مكان!
علشان إنسان من بعديهم
يسكن جوّاه و يعيش فيهم
نفس القوانين..إنسان مسكين!

مدونتـ(ـي) !

2007-04-03T02:17:00.004+02:00

لماذا أُنشئ مدونة؟
إنه الغرور بالطبع !
الغرور الذي يدفعني لأن أحتفي بكلماتي -التي ربما لا تستحق-،الغرور الذي يجعلني فخوراً بكل ما له صلة بي.
حتى النصوص التي سأنقلها عن أحدهم..فإنني سأنقلها فقط لأنها أعجبتـ(ـني) ، حتى المدونات التي سأضع رابطاً لها في مدونتي..فسأفعل فقط لأنـ(ـي) وجدت بها ما يستحق من وجهة نظر(ـي).
إنه تقديس الذات..و متعة الحديث عن النفس !