Tuesday, April 22, 2008

لمّا


لمّا الدنيا بتيجي عليّ
بضحك جداً..بقعد أقهقه
بسمع صوت جوّايا بيهمس
مش هيغطّي الحزن عليّ
مش هتبان دمعات في عينيّ
لأ مش قوّة..دي قلّة حيلة
أصل الميت ما بيحزنش!

عمرو النحراوي
2007/11/21


على الهامش: امبارح بس أخدت بالي إن بقالي أكتر من 11 شهر ما جبتش لنفسي وردة!، وبقالي أكتر من 10 شهور ماحدش جابلي ورد، أخر وردة جاتلي كان ساندرل اللّي جابهالي من حوالي عشر شهور ونص في مناسبة سعيدة يا رب تتكرر.

13 comments:

m.sobhy1990@gmail.com said...

يارب يكتّر أفراحك ياعمرو

amraction said...

دائما كلماتك جميله يا عموور.. بس بازن الله ما تبقاش فيه احزان تانى

ٍSOU said...

يا سيدى ان ت احسن من غيرك كتير
انا طول 21 سنه ماجليش ورد غير مرتين
مرة فى الفالنتين ودة من سنتين
ومرة من شهر عشان كنت عيانة

يارب المناسبة بتاعتك تتكرر

وادى بوكية ورد بلدى ابيض ليك يا سيدى و لا تزعل:))

مؤنس فرحان said...

يا سيدى إن شاءالله اجيب لك ورد و فل وياسمين وقرنفل وبنفسج (انا بحب البنفسج أوى) وكل الأزهار اللى فى الدنيا يوم فرحك إن شاءالله
هو بصراحة أنا عمرى ماحد جابلى ورد .. بس ممكن أتخيل شعور الهدية .. شعور الهدية نفسه حلو .. ولما يكون شئ رقيق زى الورد يبقى موقف إنسانى أوى.. احنا بنحس بآدميتنا بمواقف صغيرة أوى .. حد يجيبلك هدية وردة.. او العكس انك تهادى حد بوردة و تحس بإحساسه لما اخدها منك

سو جابت لك بوكيه ورد .. لازم تحرجنا يعنى
خلاص حجيب لك انا بوكيهين .. ياللاا يا سيدى ان شالله ماحد حوش

ســـــــمــــكة said...

القصيدة جميلة اوي بجد
انا قريتها 5 مرات
بجد جميلة

انا برضو بحب الورد اوي بيفتح نفسي على اي حاجة بس لما بيذبل مبقدرش ارميه بجمعه في علبة وبجففو بس برضو مبقدرش ابص عليه عشان بحسو حزين

YOTTA said...

برضو الميت مبيضحكش
.
معرفش يمكن ساعات بيتهيألنا اننا عايشين ميتين.. او اننا بنكره الحياه
لكن لو دققنا هنلاقى حاجات كتير بنعملها عكس كده خالص
حاجات تدل اننا بنحب الحياة ..واننا عايزين/نفسنا نعيش

يعنى انت لسه بتضحك اهوه..حتى لو قلة حيلة او سخرية مثلاً
وبتكتب كمان
وبتحب الورد :)
و لو دورت تلاقى حاجات تانية بتعملها تأكدلك انك عايش او حتى عايز تعيش.
....

حاجة كمان
مش لازم تستنى ورد من حد
ممكن تجيب انت وردة لحد

تبقى فرّحت حد
وفرحت انك فرحته
!

ربنا يفرحك قريب
ويكرمك
.

JuSt_hUmAn said...

محمد صبحي وعمرو..
ربنا يكرمكم يا رب..مبسوط بمروركم ودعاءكم
..
Sou..
الفكرة إن قبل كدا كان مستحيل يمر شهر من غير ما أشتري لنفسي على الأقل وردة..لكن بقالي كتير بعدّي من قدّام محلات الورد وما ببصش على الورد حتى!
ربنا يكرمك يا رب..وشكراً بجد على دعاءك وبوكيه الورد.
..
الجميل مؤنس فرحان..
أناكنت فضيحة في موضوع الورد دا..فاكر قبل كدا طلبت من واحد صاحبي يجيبلي وردة من غير مناسبة كدا..ورغم اندهاشه لكن جابهالي فعلاً وصورني بيها:d
هستنى الورد اللّي وعدتني بيه بس مش يوم فرحي بقى لأني مش ناوي أتجوز.. نخليها يوم ما يبقى عندي بيت خاص بيّ إن شاء الله.
تسلم يا مؤنس (f)
..
سمكة..
مبسوط إن القصيدة عجبتك..أنا عمري ما رميت ورد حد جابهولي أو اشتريته لنفسي..في الغالب بشيله بين صفح أي كتاب وبعد كدا بنسى كان في انهي كتاب!
مبسوط بتعليقك يا سمكة
..
يوتّا..
بالعكس الميّت أكيد بيضحك على هزليّة الحياة! طبعاً أقصد الميّت اللّي هوّ dead inside يعني.
فيه واحد صاحبي نفسي أجيبله وردة فعلاً..بعدين الفكرة مش إني عاوز حد يجيبلي ورد..أنا مندهش بس ليه أنا ما بجيبش لنفسي ورد؟!
مبسوط بتعليقك ودعاءك

bani-adam said...

صباح الورد عليك
و لا تزعل نفسك
كمان
فيه ناس طول حياتهم محدش جابلهم ورد, جيب لروحك ورده و ادعليهم يجيلهم ورد.
كل سنه و انت طيب.

Anonymous said...

أصل الميت ما بيحزنش !!
..
آه , جميلة أوى الجملة دى يا عمرو ..
عملتها برسونال ماسدج لفترة ..القصيدة على بعضها حلوة اصلا ..
:)

بالنسبة للورد , أنا عمرى ما جالى ورد , تصدق ولا حتى لما كنت عيانة !!
غريبة إنى ألاقى ولد بيحب الولد كده , مش عارفة يمكن علشان أخواتى مش بيحبوه أوى يعنى فمتهيألى إنه غريب
بس جميل ..

..
ربنا يلونلك أيامك بلون الورد يا عمرو

JuSt_hUmAn said...

الجميل بني آدم..
ربنا يكرمك يا رب وتتغرّق ورد يا سيدي (F)
..
مها..
فيه حاجات بتبقى must كدا..أي بنت بتحس إن من "واجبها" إنها تحب الورد!
في حين إن الولاد أحرار في النقطة دي..فاللّي ما بيحبش الورد بيقول عادي..مبسوط إن القصيدة عجبتك..ومبسوط أكتر بدعاءك المتفائل:d
ربنا يكرمك يا رب

Known as PHYSCO said...

أنا عمر ماحد جابلى ورد .. و أنا صغيرة كان نفسى أوى أدخل المستشفى علشان حد يجيبلى ورد .. بس اللى حصل لما دخلت عملت اللوز جالى آيس كريم .. يلا مش مهم

مُزمُز said...

النص جميل جدا

النهاية صادمة

ليه كده بس ياعم؟؟؟

عموما

انت شعشعت ف دماغي الفكرة
فكرة اني أجيب ورد لنفسي

وأنا عمري ما حد جابلي وردة ولا جبت لنفسي

بس خلاص
هاعملها قريب

خد انت بقى الوردة دي مني وابتسم ابتسامة حية

, , ,
, (0) ,
, (0) ,
, , ,
,
,
,
,

:))

JuSt_hUmAn said...

آيات..
وماله..الآيس كريم حلو برضو
..
معاذ..
ربنا يكرمك ويوفقك يا رب..فعلاً انبسطت بردّك
(f)