Monday, May 05, 2008

قصاصاتي (2)


***


أحمق من ينتظر أن يُمنح حقوقه..الحقوق لا تُمنح..بل تُنتزع!
..
قد تتسبب أشياء شديدة الاختلاف -لأشخاص مختلفين- في نفس الكم من الألم!
..
قد تتألم من أشياء لا تبدو مؤلمة بالنسبة لي..لكنّي سأبقى أتألم لأجلك
لا يعنيني ما يؤلمك..ما يعنيني حقاً هو أنك تتألم!
..
في القرن الحادي والعشرين تستبدلك فتاتك بآخر..كما تستبدل-بروتينيّة- جَورَبها المتّسخ بجَورَب آخر، فقط عمرك أطول قليلاً من عمر الجَورَب!
..
من البديهي أن الجندي الذي يتخلّف عن قتال العدو هو خائن، لا منطق للدفاع عن هذا الجندي بأن هناك جنوداً آخرين تخلّفوا أيضاً!
..
-فسّر لي تخلّف ذاك الجندي عن المعركة؟
-لقد خاف على حياته! لكن ذلك لا يُقلّل من نُبله!
-!!، وماذا يُقلّل إذن؟!!
..
كنت أظن قمة العجب أن أرى من ينادي بقيمٍ ما ثم يخالفها، لكني وجدت من ينادي بقيمٍ ما ثم يخالفها ويستمر في النداء بها!
..
نعم أتلفّظ بقبيح الألفاظ، ما ذنبي أن الصفات التفليدية تعجز عن وصف البعض؟!
..
"العار كل العار للرفاق..والمجد كل المجد لكلاب البحر!"
رغم يقينك هذا تعجز عن أن تصبح كلب بحر!
..
حمداً لله أن ( فيروز) لبنانية..لو كانت مصريّة لما غنّت "أنا لحبيبي وحبيبي إلِي"...
بالطبع كانت ستغنّي:
"أنا لخطيبي وخطيبي إلِي"!!
أما لو كانت ذكر لغنّت :
"أنا لحبيبي وحبيبي إلُه!"!!
..
"اوعي تنسيني..واتذكّري حنّا السكران"
لم تمنع نداءات ( فيروز) "بنت الجيران" من نسيان "حنّا السكران"!
"بعدُه حنّا السكران على حيطان النسيان..عم بيصوّر بنت الجيران"
وليرحم الله "حنّا السكران"!
..
أكتشف اليوم مدى عبقريّتي حين رفضت بإصرار تعلّم القيادة..أتخيل ما كان سيحدث لو أدمنت الذهاب إلى العمل بالسيارة، ثم جاءت زيادة أسعار البنزين!
كنت سأنفق ضعف راتبي ذهاباً وإياباً!


عمرو
2008

11 comments:

Anonymous said...

***
أحمق من ينتظر أن يُمنح حقوقه..الحقوق لا تُمنح..بل تُنتزع!
..
قد تتسبب أشياء شديدة الاختلاف -لأشخاص مختلفين- في نفس الكم من الألم!
..

أكتر قصقوصتين اقتنعت بيهم تمام الإقتناع ..دايما كانت بتشغلنى فكرة إنى أبقى و حد عزيز عليا متألمين أوى يمكن بنفس قدر الألم من أشياء مختلفة تماما و يمكن متضادة ساعات ..
كتير بلاقى صاحبتى زعلانة من حاجات ضد مبادىء فعلا و ضد فناعاتى تماما , بس فعلا بيؤلمنى جدا ألمها و بفرح لما بتفرح حتى لو من شىء مش مقتنعة بيه خالص

..
حاسة ان إضراب 4 مايو مأثر ع الجو هنا شوية ..
.
.


نعم أتلفّظ بقبيح الألفاظ، ما ذنبي أن الصفات التفليدية تعجز عن وصف البعض؟!
..
الجملة دى فكرتنى بجملة قالها ساندريل مرة فى بوست ليه
إحنا عندنا عجز شديد فى الألفاظ
الو**ة
و ده بيبقى حقيقي بجد لما بتحاول توصف أو تعلن عن غضبك من " البعض " دول

amraction said...

نايس يا عمووور.. كلام جامده والله
اكتر حاجتين عجبونى ..اتلفظ بقبيح الالفاظ.. والتانيه الجامده اوى اوى اوى بتاعت انك رفضت تتعلم السواقه عشان تمن البنزين..هههههههه سبب مقنع فعلا
يعنى عشان تمن البنزين بيغلى كل يوم مش هتسوق او تجيب عربيه..المشكله عندك فى البنزين..اومال اسعار العربيات تبقا ايه
ربنا يرزقنا من وسع

ٍSOU said...

نعم أتلفّظ بقبيح الألفاظ، ما ذنبي أن الصفات التفليدية تعجز عن وصف البعض؟!
--
تصدق كنت لسه بسال نفسى امبارح هو لية الواحد لما يتعصب مابيهداش الا لما يشتم باقذر الشتائم الممكنة حتى لو شتهمها جوة نفسة بس لازم يوقلها ..حتى فكرت اعملها بوست..بس انت فهمتنى دلوقتى

---
..
"العار كل العار للرفاق..والمجد كل المجد لكلاب البحر!"
رغم يقينك هذا تعجز عن أن تصبح كلب بحر!

وتفتكر ممكن العسل يبقى علقم؟؟
___
أكتشف اليوم مدى عبقريّتي حين رفضت بإصرار تعلّم القيادة..أتخيل ما كان سيحدث لو أدمنت الذهاب إلى العمل بالسيارة، ثم جاءت زيادة أسعار البنزين!
كنت سأنفق ضعف راتبي ذهاباً وإياباً!
==
انا كمان اكتفشفت انىكان عندىحق انى ماتعلمش السواقة عشان الشتائم التقليدية تعجز عن وصف البعض

قصاصات هايلة يا عمرو

YOTTA said...

جميلة فلسفة القصاصات دى
خصوصا الجزء ده
..
قد تتألم من أشياء لا تبدو مؤلمة بالنسبة لي..لكنّي سأبقى أتألم لأجلك
لا يعنيني ما يؤلمك..ما يعنيني حقاً هو أنك تتألم!

يعنى لو الناس بتحس ببعضها بالطريقة دى الدنيا هتبقى احلى بكتير
..
مبروك الشغل.. ربنا يكرمك
.

ســـــــمــــكة said...

قصاصات تستحق فعلا...


"اوعي تنسيني..واتذكّري حنّا السكران"
لم تمنع نداءات ( فيروز) "بنت الجيران" من نسيان "حنّا السكران"!
"بعدُه حنّا السكران على حيطان النسيان..عم بيصوّر بنت الجيران"
وليرحم الله "حنّا السكران

عجبتني اوي
تحياتي

مؤنس فرحان said...

قصاصات جميلة يا عمرو

أحمق من ينتظر أن يُمنح حقوقه..الحقوق لا تُمنح..بل تُنتزع!
........
للأسف انا كتير بكون أحمق .. سذاجة وحسن ظن بالآخر

.
.

نعم أتلفّظ بقبيح الألفاظ، ما ذنبي أن الصفات التفليدية تعجز عن وصف البعض؟!
..........

اصحابى عارفين عنى دايما انى موش بأقول اى لفظ قبيح .. لكن فعلا كتير بألاقى عجز لغوى عن وصف انسان او موقف بدون الاستعانة بلفظ قبيح
هل العرب صناع اللغة كانو كلهم مؤدبين و مابيشتموش بعض ولا شتايمهم اندثرت
.
.
"أنا لخطيبي وخطيبي إلِي"!!
......
ههههههههههههههههههههههههههههههههههههههههههههههههههههههه

والله احنا غلابة

..........

قصاصات جميلة يا عمرو وكل جزء منها هو جزء من بطاقة تعريف بيك

Amr said...

أنا لحبيبي بتاعة فيروز دي وهمية
يخرب عقلك بجد

عطشان said...

"العار كل العار للرفاق..والمجد كل المجد لكلاب البحر!"
رغم يقينك هذا تعجز عن أن تصبح كلب بحر!

حقولهالك تانى ... علشان الزمان سابنا ابريا
***
"اوعي تنسيني..واتذكّري حنّا السكران"
لم تمنع نداءات ( فيروز) "بنت الجيران" من نسيان "حنّا السكران"!
"بعدُه حنّا السكران على حيطان النسيان..عم بيصوّر بنت الجيران"
وليرحم الله "حنّا السكران"!
و ليرحمنا جميعاً
****
بالطبع كانت ستغنّي:
"أنا لخطيبي وخطيبي إلِي"!!
أما لو كانت ذكر لغنّت :
"أنا لحبيبي وحبيبي إلُه!"!!
قدرت اتوصلها بعدها بيومين و فعلاً دماغك بقيت عالية
*****
نعم أتلفّظ بقبيح الألفاظ، ما ذنبي أن الصفات التفليدية تعجز عن وصف البعض؟!
قبيح الألفاظ دلوقتى بقت حاجة عادية لأى شخص فمش حتيجى علينا

عطشان said...
This comment has been removed by the author.
اسامة يس said...

في نصوصك نقلات شطرنج تحتاج الى تفكير عميق وأخرى نقلة تصفق لناقلها ولو كان خصمك.. واخرى تصفق لنفسك ولو غضب خصمك...
وفي النهاية لا احد في الحرب منتصر...

هنا بعد اخر للحروف

خالص تحياتي

JuSt_hUmAn said...

مها..
مافيش ولا واحدة منهم ليها علاقة بإضراب 4 مايو( بالمناسبة هو كان فين إضراب 4 مايو دا؟ دنا أضربت لوحدي!) ، 5 و 6 بس كانوا رد على واحد صاحبي دافع عن موقف الإخوان في اضراب 6 ابريل وآخر حاجة خالص على ارتفاع أسعار البنزين..لكن الباقيين ما أقصدش بيهم أي حاجة سياسية أصلاً..
بالنسبة لـ 8 فالمشكلة إن البعض دول بقوا الأغلبية بالنسبالي..فبقيت سافل!
..
عمرو..
طبعاً أنا ما رفضتش أتعلم السواقة عشان البنزين..أنا ما اتعلمتش عشان خايف أخبط حد..الجملة في مجملها ساخرة مني ومن موضوع ارتفاع أسعار البنزين دا.
..
Sou..
فكرة الشتيمة أو الوصف السافل إنه بيبقى يا اما مافيش وصف غيره ممكن يتقال على الشخص الفلاني..أو إن دا اللّي هيشفي غليل الواحد..أما موضوع كلب البحر دا ففيه جملة ظريفة لمحمد الماغوط بتقول " لا تكن متفوقاً في عالم منحط..ستكون مثل بقعة عسل وسط عالم من الذباب..ستفني...ويبقى الذباب!
..
يوتّا..
الله يبارك فيكي..ولو إن فكرة الشغل بالنسبالي مش حاجة ظريفة يعني..الفكرة إني مادمت موجود في المجتمع فلازم أبقى بفيده بشكل ما، مش مجرد عالة عليه.
..
سمكة..
مبسوط بمتابعتك ومرورك يا سمكة
..
مؤنس..
بالنسبة لموضوع شتايم العرب ففيه شتايم قذرة كتيرة جداً من الموجودة دلوقتي أصلها عربي في الأساس وبعضها موجود في المعاجم كمان!
لكن تبقى برضو "أجمل" الشتايم من "إبداعات" الشعب المصري..وأكيد فيه شتيمة عربية اندثرت مع الزمن البرضو..وأكيد برضو فيه شتيمة ما زالت موجودة بس احنا كمصريين ما نعرفهاش.
..
زقزوق..
ما جاتش من فراغ يا عمرو!
..
عطشان..
الشتيمة السافلة دلوقتي بقت must فعلاً يا محمد عشان الواحد ما يجرالوش حاجة.
..
أسامة..
الله يكرمك..مبسوط بمرورك وتعليقك