Monday, November 03, 2008

?Why are you growing a beard

دايماً الناس -في مصر تحديداً- تندهش لمّا حد يبقى سايب دقنه ومش بيحلقلها لو مش سايبها سُنّة، الناس بتسأل السؤال السمج دا عشان حاطين standards لكل حاجة، وبيندهشوا لمّا حد يحيد عنها!
***
فيه حكاية ظريفة حصلت لـ أوشو عن موضوع الدقن دا لمّا كان رايح يعمل الماستر بتاعته في جامعة أمريكية :
When I entered the university for the first time, The vice-chancellor looked at me and asked,
"?Why are you growing a beard"
I said, "I am not growing it, it is growing. Don't ask nonsense questions. On the contrary, I can
".ask why you are cutting your beard
".He said, "Settled. I will not ask anything and you will not ask anything
I said, "No. You can ask anything, but you have to have the courage to receive the answer. You have to say that you asked a wrong question. I am not growing it, I am not pulling my hairs every day so that they grow; I am not watering them. You are shaving twice a day. My hairs are
.natural and you are unnecessarily becoming a woman
"?He said, "What
I said, "It is so easy to understand. Do you think a woman would look good with a beard? The same is true about you--without a beard, you look just like a woman. A little weird, but..."He said, "I promise never to disturb you, but don't spread these ideas in the university, that I look
".like a woman
***
لمّا ببص لموضوع الدقن بنظرة فلسفية شويّة، بسأل نفسي ليه الواحد بيحلق دقنه؟ هل لأن الإنسان بهيئته الطبيعية محتاج لتهذيب؟!.. زي ما بنلبس هدوم مثلاً؟! في الواقع أنا ضد المعنى دا تماماً، وشايف إن الإنسان بيلبس هدوم (او الأصل يعني) لسببين:
الأول عشان يحمي نفسه من الطبيعة (البرد في الشتا والشمس الفظيعة في الصيفوعشان يفضل نضيف وكدا)، والتاني عشان ما يحصلش للناس distraction أثناء تعاملها معانا، لكن الدقن أو شعر الراس مش شايف داعي إني أشيلهم، والله طالما الواحد بيغسل شعره ودقنه كل يوم فمش هيأثروا على نضافته يعني، جميل...يبقى السبب دا out.
ساعات بحس إن الناس بتحلق دقنها وتهذّب شعر راسها كنوع من التخفّف من بعض الأحمال -غير الضرورية- لمواصلة الرحلة!
الكلام هنا رمزي..أقصد إننا بنتخفف من أحمالنا دي عشان المجتمع يقبلنا .. برضو الفكرة دي أنا ضدها لأن الرحلة لا تستحق إننا نتخفف من أحمالنا عشان نواصلها!، والمجتمع من واجبه يقبلني زي ما بنقبل الديفوهات التانية الموجودة فكل الناس، دا لو افترضنا إن الناس بتشوف الدقن بتوحّش من شكل الرجّالة!، أما بقى لو المجتمع مش هيقبلني بدقني فملعون أبو دا مجتمع يا أخي!، ومايجيش حد يقول لي مثلاً أنت بتجور على حرية المجتمع بإنك بتعمل شكل "بالنسبة لمعظم أفراد المجتمع" مش جميل، لأن الكلام دا فيه مغالطة، لأننا ما بنعترضش مثلاً على ذوق حد في اللبس ونقول إننا بنتضرر منه، ولو اعترضنا مش هتجيلنا الجرأة إننا نطالبه إنه يغيره عشاننا! ببساطة.. لأنه مش من حقنا، لو من حقك تشوفني بالمنظر اللّي يعجبك، فحقي أنا الأغلظ من حقك إني أبدو بالهيئة اللّي تعجبني!
..
طيب لو فكّيتني من النظرة الفلسفية دي، هل بنحلق دقننا وشعر راسنا عشان شايفين شكلنا بيبقى أحلى من غيرهم؟!..جميل، وبما أنّي مش مقتنع بالمثل المتخلّف بتاع كل اللّي يعجبك والبس اللّي يعجب الناس، يبقى كل شخص حالة فردية تماماً، مافيش standards ومفيش قاعدة معيّنة تقول إن المفروض نحلق دقننا أو نهذّب شعر راسنا، كل واحد بيعمل اللّي يريّحه، وبيظهر الشكل و"الديكور" اللّي عاوز الناس تشوفه به، وهنا يبقى مافيش داعي للسؤال السمج "سايب دقنك ليه؟"
***
طيب بصورة شخصية ليه بسيب دقني -وغالباً شعري كمان- وببقى مبسوط بيهم؟!
عشان ببقى مبسوط وأنا بضرب بالـ standards المتخلفة بتاعة المجتمع القذر عرض الحائط، ببقى مبسوط لمّا بتمرّد على قيم المجتمع اللّي بقدر أتمرّد عليها، وبيبقى فدا بعض العزاء عن القيم شديدة الوساخة والقذارة اللّي ما بعرفش أطبق فيها وجهة نظري (رغم عبثي الدائم بالقيم دي).
عشان بحب شكلي كدا!
عشان بـشوف إن الراجل بدقن..ومش معنى إني بشوف كدا إني بنتقد الرجّالة اللّي من غير دقن، كل واحد حر فشكله، أنا بس بطبّق اللّي أنا مقتنع بيه.
عشان بستريح نفسياً وأنا سايبهم، وبحس شعري ودقني درع "رمزي" بيحميني من القذارة الموجودة في الدنيا.
---------------------------
على الهامش: ليه بنقول في العامية المصريّة يربّي دقنه؟.. في الفصحى يهذّب لحيته يعني يحلق منها!، يعني اللفظ العامي بتاعنا بيدّي معنى مخالف تماماً! في الحقيقة المعنى الموجود في الفصحى أدق بكتير، لأنك حتّى لمّا بتقول أربّي طفل يعني بتحاول تكسبه صفات وقيم وطريقة تعامل مش موجودة عنده في الأصل، وبتحاول تنقّيه من الحاجات اللّي بيكتسبها من المجتمع الخارجي اللّي مالكش سيطرة عليه، يعني التهذيب محاولة سيطرة على الشيء، ودا معنى تهذيب اللحية، لكن يربّي دقنه بالمعنى العامي (اللّي يوازيه في المعنى في الفصحى "أطلق لحيته" مثلاً) تعبير مش قادر أهضمه الصراحة، وبحس فيه بنفس غباء الجملة اللّي الراجل قالها لأوشو.

11 comments:

أنا said...

chapeau kebeer..

2atefe2 m3ak tamaman fe mawdo3 el individual standards w el concepts el mot5alefa bta3t el mogatme3 eli 3mal ynhesh fe 7aorytna..

amraction said...

ههههههههههههههههههههههههههه
واضح انك بتتسأل كتير اوى اوى اوى السوال ده.. انت ليه سايب لحيتك؟؟
بس على فكره ده مش سوال غبى اوى.. هو بيبقا استغراب مش اكتر
الغباء بقا.. الغباء الشديد يعنى.. لما الناس تسال واحد زيي.. انت ليه لابس نضاره؟؟..او انت ليه قالعها النهارده.. جبت نضاره جديده ليه؟؟

حط نفسك مكانى يا برنس
عادى ياعم.. عيش وكبر

مُزمُز said...

انا كمان مش مقتنع بحوار كل ما يعجبك والبس ما يعجب الناس ده

لما كنت مبسوط بدقني كنت سايبها ولما حبيت شكلي من غيرها فضلت على احلقها على طول

بس عشان ده عاجبني في الاخر

هو انا مش بيفرق معايا اوي اني اضرب بعرض الحائط عرفيات المجتمع

بس عادي يعني قشطة انا عارف ومتفهم الرغبة دي

عجبتني الملاحظة اللي ف الاخر

ازيك يا ريس

Known as PHYSCO said...

سريعا سريعا لإنى فى الأصل ما قريتش بتركيز نتيجة لحاجات كتير بس فهمت الفكرة عامة .. بص سيب دقنك ولا سيب شعرك . أنا على فكرة مع الناس الأغبيا اللى بتبقتنع إن الشعر المحلوق والدقن المحلوقين أحلى .. وبالذات الشعر علشان باقرف منه أوى ولإن عندى اقتناع شخصى إو الولاد لما بتربى شعرها مش بتعرف تحافظ على نضافته .. أنا الدقن فمش باحب الدقن اللى طالعة كده على طبيعتها .. يعنى الشخص اللى عايز " يطلق لحيته " ما يطلقها بالتلاتة كمان .. بس على اللأقل يديها شكل ماتكونش كده ... مش بأحب لما الناس بتقطع الأشجار وتديها أشكال سخيفة وباحبها على تكون على طبيعتها بس مفيش مانع أبدا إن تقلم من وقت لآخر للمظهر العام .. مش عارفة قدرت أوصل الفكرة اللى مابقتش سريعا سريعا ولا لأ :)

JuSt_hUmAn said...

أنا..
مهو احنا لو نسيب المجتمع يتحكّم فينا نبقى نستاهل ضرب الجزم!
..
عمرو..
أحياناً السؤال دا بيبسطني قوي لمّا بييجي من حد بتخنق منّه وعاوز أشوط فيه..بقوم قايل له يا إما الإجابة بتاعة أوشو، يا إما أقول له إني ببذل كل ما في وسعي عشان يبقى شكلي على نقيضه! باعتبار إنه شخص مقزز يعني.
أما بالنسبة لموضوع النضّارة فغالباً لو حد سألني السؤال دا هرد بقباحة!
..
معاذ..
دا اللّي عاوز أقوله، إن كل واحد يعمل اللّي مريّحه، ساعات بتطق فدماغي أحلق دقني خالص وأحياناً أشيل شعري على اتنين..وموضوع إني أضرب بعرفيات المجتمع عرض الحائط بيريحني نفسياً!
مبسوط إنك فتحت بلوجّك تاني للقراء (f)
..
آيات..
أنا ما قلتش إن الناس الّي مقتنعين إن الشعر والدقن المحلوقين أحلى أغبيا، من حق أي حد يشوف أي حاجة، بعدين أنا مافيش أي حد من صحابي -غير زقزوق- بيشوف إن الرجّالة بدقن بتبقى أحلى، وأبويا نفسه مش شايف كدا فمش معقولة هشتم كل الناس دي يعني!
كل اللي بقوله إن مفيش standards معينة، اللّي أنت شايفه اعمله، واللّي أنا شايفه هعمله برضو.
بعدين مع احترامي لاقتناعك ليه مش هنعرف نحافظ على نضافة شعرنا؟! كون بعض الولاد معفّنين فدا لا يشير لأي شيء يعني، محتاج ايه الشعر عشان يبقى نضيف غير إنّه يتغسل كل يوم ويتنشّف حلو؟!
أما موضوع تحديد الدقن وتظبيطها فغالباً بتدّي شكل أحلى فعلاً، لكن فيه نقطتين: الأولى إن الشكل الحلو مش غايتي يعني فما بلقيش بالاً قوي للنقطة دي، الموضوع بالنسبالي ارتياح نفسي، وبحب شكلي لمّا بيريحني نفسياً، أحياناً بحس عاوز أظبّط دقني فبظبّطها..أحياناً بحس إني عاوزها على طبيعتها كدا فبسيبها.
والنقطة التانية إن حتّى في حالة إن الواحد مظبّط دقنه وكدا برضو ما بيسلمش من سماجة الناس!

Known as PHYSCO said...

أنا مش عارفة أنا استفزيتك ولا إيه .. بس أنا عامة بيحذروا الناس منى لما بابقى مكتئبة ومهيسة وباشتغل ..الكلام ساعتها بيطلع منى غريب ... ما علينا

اللى خلانى أقول إن قناعتى إن الولاد مش بيعرفوا يحافظوا على نضافة شعرهم حاجة انت قلتها وماخدتش بالك منها أو بمعنى تانى ماقلتهاش .. ماقلتش إنه المفروض يتسرح يوميا .. أو حتى أكتر من مرة فى اليوم

بس يعنى لو الولاد ماسابتش دقنها أمال مين اللى هيسيبها .. البنات ؟؟؟ :)

JuSt_hUmAn said...

آيات..
لا أبداً ما استفزتينيش ولا حاجة، وأنا ما قلتش إن الواحد يسرّح شعره كل يوم عشان بديهي الواحد لمّا يغسل شعره هيسرحه، لكن نقطة أكتر من مرة في اليوم دي طموحة قوي:d
أنا لو ما غسلتش شعري فيوم ما بسرحوش طالما مش هخرج، بعدين معظم الناس بتخرج كل يوم تقريباً يا إما عشان الدراسة أو الشغل، ومعظم الولاد اللّي سايبين شعرهم بيحطوا كريم أو جل أو كدا، فلازم يغسلوا شعرهم قبله وبعده، وطبيعي يسرحوه، دا غير إن شعر الولاد في مصر ما بيبقاش ناعم قوي وما بيطولش قوي، فمجرد سريان الميّه من خلاله بتخلّيه ما يتشبّكش.

مؤنس فرحان said...

عمروو
لو الزمن يرجع حوالى 45 سنة لورا كان حايبقالك وضع كبير اوى فى الاحزاب اليسارية فى مصر
-------------------------------
موضوع الدقن والشنب نربيهم ولا نحلقهم وسكسوكة ولا متحددة وشنب تقيل ولا رفيع والشعر طويل ولا حالق اصلع خالص ولا كابوريا ولا ولا ولا

موضوع الشكل عامة واهتمامنا بيه انا شايف ان دا شئ صحى لان بيعبر عن خلفية كل واحد ..
انا اتعودت من صغرى انى اشوف بابا بيحلق او بيهذب شعر راسه ودقنه وشنبه بطريقة معينة وعمى شرحه بطريقة تانية وفلان وعلان والممثل اللى بحبه والرياضى اللى بشجعه الخ الخ

هل انا بقلد شخص انا معجب بيه ومعتبره مثلى الاعلى حتى فى الشكل ؟؟

هل انا شايف ان شكلى بيبقى حلو كده ؟؟

فى الآخر هى حرية شخصية ورأيى ان فلان شكله كده حلو وفلان كده احلى فى الاول والاخر دا رأيى انا

بالنسبة لأفكار ومعتقدات وتهيؤات وهلوسات وتخلفات المجتمع الغبية انا ماليش دعوة بيها
يولعووو
انا حر احلق دقنى ولا اربيها
احلق شنبى ولا اربيه
طالما مفيش اى ضرر أو اذية للغير
النهاردة انا مربى دقنى وبكرة ححلقها .. النهاردة انا حالق شنبى وبكرة حربيه
انا حر
انا حر

تبعا لحالتى النفسية لفكرى الخاص
كده ولا كده ماحدش له عندى حاجة

-------------------------------
نظرة الناس
انا لما اشوف واحد شكله غريب بمعنى غير مألوف او موش متعودين عليه فى المنطقة بتاعتنا
منطقتنا دى ممكن تكون شارعنا او بلدنا او وطننا العربى كله

وقتها حقول تعليق ما قد يكون ساخر .. ليه ساخر ..؟؟
عشان أؤذيه أو اجرحه ..؟؟
عشان اضحك (بتشديد الحاء) حد تانى معايا ..؟؟
فى الحالتين
انا غلط
------------------------
بوست جميل يا عمروو

JuSt_hUmAn said...

مؤنس..
وحشتني تعليقاتك وبوستاتك يا عم مؤنس
والله يا مؤنس أنا ما بيضايقنيش التعليقات السخيفة في حد ذاتها، أنا بيضايقني التدخّل في شيء لا يعني المتحدّث..السؤال ما بيبقاش بغرض الفهم، السؤال بيبقى استنكاري غالباً.
والموضوع زي ما أنت قلته باختصار، طالما ما بسببش أي أذى لحد يبقى مالوش فيه.

Anonymous said...

what about " etlaqu al le7ya " ... fos7a brdo ;)

Known as PHYSCO said...

Feras .. Thnx alot